༄༅། །ཕྱི་ལོ་ ༢༠༢༢ ཟླ་བ་ ༠༦ ཚེས་ ༡༦ ཉིན་ཀརྨ་དགེ་ལེགས་ལགས་ཀྱིས་ཀ་སྦུག་ས་གནས་འགོ་འཛིན་གྱི་ལས་ཁུར་དབུ་འཛུགས་གནང་ཡོད།

དེ་ཡང་ས་འགོ་ལས་ཚབ་དང་ས་འགོ་གསར་པའི་བར་རྩིས་སྤྲོད་རྩིས་ལེན་ལེགས་པར་གྲུབ་རྗེས་ས་གནས་འཐུས་ཚོགས་དང་། ས་གནས་རང་བདེན་ཚོགས་ཆུང་གི་ཚོགས་གཙོ། དགོན་པ་ཁག་དང་། ཆོལ་ཁ་གསུམ། ས་གནས་གཞོན་ནུ། ས་གནས་བུད་མེད་ཚོགས་པ། གངས་ལྗོངས་ཟློས་གར་ཚོགས་པའི་སྐུ་ཚབ་བཅས་ལྷན་འཛོམས་ཐོག་ས་གནས་འགོ་འཛིན་ཀརྨ་དགེ་ལེགས་ལགས་ཀྱིས་མཉམ་ཞུགས་པ་རྣམས་ལ་གསུང་བཤད་དང་བཅས་ལས་ཁུར་དངོས་སུ་བཞེས་ཡོད་པ་བཅས།།