ཕྱི་ལོ་ ༢༠༡༧ ཟླ་ ༦ ཚེས་ ༨ རེས་གཟའ་ཕུར་བུ།
༄༅། །ཕྱི་ལོ་ ༢༠༡༧ ཟླ་ ༦ ཚེས་ ༨ ཉིན་གངས་སྐྱིད་ལས་བྱེད་གསོལ་ཐབ་ཡང་སྟེང་གཉའ་ཁྲི་ཚོགས་ཁང་དུ་ཤེས་རིག་ལས་ཁུངས་ཀྱི་གོ་སྒྲིག་འོག་བཙན་བྱོལ་བོད་མིའི་གཏན་ཉིན་སློབ་གྲྭ་ཁག་གི་དགེ་རྒན་རྣམས་ལ་ཆོས་ལུགས་ལ་མ་བརྟེན་པའི་བཟང་སྤྱོད་སློབ་སྤེལ་གནང་ཕྱོགས་སྐོར་གྱི་གོ་བསྡུར་མཇུག་བསྒྲིལ་བའི་མཛད་སྒོ་ཚོགས་ཡོད།
དེ་ཡང་གོང་ཚེས་ཉིན་གྱི་ཕྱི་དྲོ་ཆུ་ཚོད་ ༤ ཐོག་སྐུ་མགྲོན་གཙོ་བོ་བོད་མིའི་སྒྲིག་འཛུགས་ཀྱི་དཔལ་ལྡན་སྲིད་སྐྱོང་བློང་བཟང་སེངྒེ་མཆོག་དང་། ཤེས་རིག་བཀའ་བློན་དངོས་གྲུབ་ཚེ་རིང་མཆོག ཤེས་རིག་དྲུང་ཆེ་སྣང་ས་ཆོས་སྒྲོན་ལགས་དང་ཀརྨ་སེངྒེ་ལགས། རྡ་ས་བོད་ཁྱིམ་ཁྱབ་ཁོངས་སློབ་གྲྭ་ཁག་བཅུ་གཉིས་ནས་ཚོགས་བཅར་བ་ ༡༢༧ དང་། མ་སུ་རི་བོད་ཁྱིམ་ཁྱབ་ཁོངས་སློབ་གྲྭ་ཁག་གསུམ་ནས་ཚོགས་བཅར་བ་ ༣༡། སཾ་བྷོ་ཊ་བོད་སློབ་ཁྱབ་ཁོངས་སློབ་གྲྭ་ཁག་ ༢༥ ནས་ཚོགས་བཅར་བ་ ༧༤། དབུས་བོད་སློབ་འཛིན་ཚོགས་ཁྱབ་ཁོངས་སློབ་གྲྭ་ཁག་ ༡༤ ནས་ཚོགས་བཅར་བ་ ༢༨། བལ་ཡུལ་གངས་ཅན་བདེ་རྩའི་ཁྱབ་ཁོངས་སློབ་གྲྭ་ཁག་ ༨ ནས་ཚོགས་བཅར་བ་ ༡༢། བྷུན་ཏར་དང་ས་རཱ། སྦེང་ལོར་ཏཱ་ལའི་བླ་མ་མཐོ་སློབ་བཅས་ནས་ཚོགས་བཅར་བ་གསུམ། ཤེས་རིག་ལས་ཁུངས་ཀྱི་ལས་བྱེད་གྲངས་ ༢༤། ལས་འཆར་གྱི་སྦྱིན་བདག་བཞི་བཅས་ཁྱོན་ཚོགས་བཅར་བ་མི་གྲངས་ ༣༠༣ལྷན་འཛོམས་ཐོག་ཚོགས་ཆུང་ཁག་གི་ཚོགས་གཙོ་རྣམ་པས་དགོངས་འཆར་སྒྲོག་སྦྱངས་ཞུས་སྒྲུབ་ཤེས་རིག་བཀའ་བློན་མཆོག་གིས་གསུང་བཤད་གནང་དོན། དེ་རིང་སྔ་དྲོར་༧གོང་ས་མཆོག་དབུས་བཞུགས་ཐོག་གནས་ཚུལ་ཁ་ཤས་ཞུས་པ་ཡིན། དེ་ལས་ལྷག་ངས་དམིགས་བསལ་ཞུ་རྒྱུ་གང་ཡང་མི་འདུག
ང་ཚོའི་ཐ་སྙད་སྐོར་བཀའ་མོལ་ཞིག་ཡོང་གི་འདུག ང་ཚོ་འདིར་ཆོས་ལུགས་ལ་མ་བརྟེན་པའི་བཟང་སྤྱོད་ཟེར་རྒྱུ་འདི་གཏན་འབེབས་ལྟ་བུ་བྱུང་ཡོད། འོན་ཀྱང་ཆོས་ལུགས་ཀྱི་མཚམས་ལས་འདས་པའི་བཟང་སྤྱོད་ཀྱི་ནང་དོན་ཁག་ཀློག་པ་ཡིན་ན། དེའི་ནང་ཆོས་དང་མ་འབྲེལ་བའི་བཟང་སྤྱོད་ཟེར་རྒྱུ་ཞིག་ཡོད། ཆོས་དང་མ་འབྲེལ་བའི་བཟང་སྤྱོད་ཟེར་རྒྱུ་འདི་ཡོད་པའི་སྐབས་སུ་བགྲོ་གླེང་ཁ་ཤས་བྱུང་སྟེ་ཉེ་ཆར་ལྡི་ལིར་སྐུ་མདུན་དབུས་བཞུགས་ཐོག་ཚོགས་འདུ་གནང་བའི་རྗེས་བཀའ་ཟུར་སློབ་དཔོན་ཟམ་གདོང་རིན་པོ་ཆེ་མཆོག་གིས་དབུས་ཝར་ཎ་བོད་ཀྱི་ཆེས་མཐོའི་གཙུག་ལག་སློབ་གཉེར་ཁང་གི་ངེས་སྟོན་པ་དང་། རྡ་ས་བོད་ཀྱི་དཔེ་མཛོད་ཁང་གི་འགན་འཛིན་དགེ་བཤེས་ལྷག་རྡོར་ལགས། ཆོས་རིག་བཀའ་བློན་མཆོག རྡ་ས་བོད་ཁྱིམ་དབུ་འཛིན་བཀའ་ཟུར་རྗེ་བཙུན་པདྨ་མཆོག ཤེས་རིག་གི་འབྲེལ་ཡོད་ལས་བྱེད་བཅས་དེའི་སྟེང་ཐ་སྙད་གཏན་འབེབས་བྱུང་ན་ཡག་པོ་འདུག་ཅེས་གནས་སྟངས་ཚང་མ་གོ་བསྡུར་གནང་སྟེ་ཆོས་ལུགས་ལ་མ་བརྟེན་པའི་བཟང་སྤྱོད་ཅེས་བརྗོད་ན་ཡག་པ་འདུག་སྤྱི་མོས་ཐོག་གཏན་འབེབས་བྱུང་བ་རེད། ཅེས་ཞུ་རྒྱུ་ཡིན།
དེ་རིང་སྔ་དྲོ་༧གོང་ས་མཆོག་མཇལ་ཁའི་སྐབས་ནང་ཚགས་ལྟ་བུ་ཐུགས་ཧ་ཅང་གཉེས་པོ་བྱུང་ཡོད་པ་ལྟ་བུ་ང་ཚོ་ཚང་མས་མཇལ་ཡོད། འོན་ཀྱང་མཐའ་མ་དེར་ང་ཚོའི་སྒང་འགན་འཁུར་ཆེན་པོ་ཞིག་གནང་སོང་སྙམ་པ་ལྟ་བུ་ཞིག་ཡོད། རྣམ་པ་ཚོ་ཚང་མས་འདི་ཐུགས་ལ་མ་བརྗེས་པ་གནང་དགོས་རྒྱུ་ཧ་ཅང་གལ་ཆེན་པོ་འདུག རྩ་བའི་ནང་ཆོས་ངོ་སྤྲོད་སྐབས་སུའང་༧གོང་ས་མཆོག་གིས་བཀའ་གནང་སོང་། དེ་རིང་སྔ་དྲོ་ཡིན་ནའང་ཚང་མས་འགན་འཁུར་འདི་ཕྱོགས་གཅིག་ནས་བཟང་སྤྱོད་ལྡན་པའི་འཛམ་གླིང་ཞིག་ཡོང་ཐབས་སུ་ང་ཚོས་འགན་འཁུར་བཞེས་དགོས་རྒྱུ་དང་། གཉིས་པ་ནི། སྐབས་སུ་བབ་པའི་ང་རང་ཚོའི་སྤྱི་ཚོགས་ནང་སྨོས་མ་དགོས་པར་རྒྱ་གར་ནང་དུ་ཡིན་ནའང་དེ་ཚོའི་ཐོག་ཞབས་འདེགས་ཞུ་ཐུབ་པའི་ནུས་པ་ཡོད་པའི་བཀའ་སློབ་ཕེབས་པ་རེད། དེར་བརྟེན་དེ་ཚོའི་ཐོག་དགོངས་པ་རྒྱ་ཆེ་ཙམ་བཞེས་རྒྱུ་གནད་འགག་ཆེན་པོ་འདུག་སྙམ་པ་བྱུང་།
ལས་དོན་ཆེ་ཕྲ་ཆུང་གསུམ་ཇི་འདྲ་ཞིག་ཡིན་རུང་རྒྱབ་མདུན་ངོ་ལྐོད་མེད་པར་གནང་དགོས་རྒྱུ་གནད་འགག་ཆེན་པོ་རེད་འདུག དཔེར་ན་༧གོང་ས་མཆོག་གིས་ལྗགས་རྩོམ་གནང་བའི་དཔེ་དེབ་ཁག་གཉིས་གསུམ་གྱི་སྐོར་དགོངས་འཆར་མང་པོ་ཕེབས་སོང་། ཆོས་ལུགས་ཀྱི་མཚམས་ལས་འདས་པ་ཞེས་པའི་དཔེ་དེབ་ཀྱི་མཇུག་ཏུ་༧གོང་ས་མཆོག་གིས་དུས་རབས་འདིའི་དུས་ཚོད་གང་ཙམ་རྫོགས་ཟིན་ནའང་། དུས་ཚོད་ཡོང་རྒྱུ་མང་པ་ལྷག་ཡོད་སྟབས། མཛའ་བརྩེ་དང་། སྙིང་རྗེ་སོགས་ལྡན་པའི་དུས་རབས་ཤིག་ཡོང་བའི་ངོས་ཀྱི་རེ་བ་དང་སྨོན་ལམ་འདི་ཡིན། ཞེས་མཇུག་སྒྲིལ་འདུག དེ་དག་བླ་མའི་བཀའ་དྲིན་གསབ་རྒྱུ་ཟེར་ན་མི་འདུག འཇིག་རྟེན་སྤྱི་ལ་འགན་འཁུར་བའི་ཐོག་ནས་སོ་སོའི་འཇོན་ནུས་ལ་དཔགས་པའི་འབད་བརྩོན་གནང་དགོས་རྒྱུ་ཧ་ཅང་གནད་འགག་ཆེན་པོ་རེད། ཅེས་སོགས་ཀྱིས་གསུང་བཤད་གནང་གྲུབ་མཚམས་དཔལ་ལྡན་སྲིད་སྐྱོང་མཆོག་གིས་འཚམས་འདྲི་དང་ལྷན་གསུང་བཤད་གནང་དོན། ཐོག་མར་དེ་རིང་ཆོས་ལ་མ་བརྟེན་
དེ་སྔ་ང་རང་ཤེས་རིག་བཀའ་བློན་བྱ
ང་རང་སྒེར་ལ་མཚོན་ནའང་༧གོང་ས་མཆོག་དང་བོད་མིའི་སྒྲིག་འཛུགས་ཀྱི་བཀའ་དྲིན་
སྤྱིར་ད་ལན་ཆོས་ལུགས་ལ་མ་བརྟེན་པའི་
