༢༠༡༧ ཟླ་ ༦ ཚེས་ ༢༢ རེས་གཟའ་ཕུར་བུ།

༄༅། །ཕྱི་ལོ་ ༢༠༡༧ ཟླ་ ༦ ཚེས་ ༢༡ ཉིན་གྱི་སྔ་དྲོར་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ཨ་རིའི་ཁེལ་ལི་ཕོར་ནི་ཡ་མངའ་སྡེ་ནས་ཨ་རིའི་མི་ནི་སོ་ཊ་མངའ་སྡེའི་རྒྱལ་ས་མི་ནེ་པོ་ལི་སིའི་ Minneapolis ནང་ཆིབས་ཞལ་སྒྱུར་སྐབས་ཨེ་ན་ཧེམ་ Anaheim གྲོང་སྡེའི་སྤྱི་ཁྱབ་པ་སྐུ་ཞབས་ཊོམ་ཊེཌ་ Tom Tait མཆོག་གིས་གཙོས་དད་ལྡན་མང་ཚོགས་རྣམས་ཀྱིས་ཕེབས་སྐྱེལ་གཟབ་རྒྱས་ཞུས་ཡོད།

དེ་ཡང་མགོན་པོ་གང་ཉིད་མཆོག་རྒྱལ་ས་མི་ནེ་པོ་ལི་སིའི་ Minneapolis ནང་༧ཞབས་སོར་བདེ་བར་འཁོད་སྐབས་བོད་མི་ཁྱོན་མི་གྲངས་ ༤༠༠ བརྒལ་བས་གྲོ་སོ་ཕྱེ་མར་དང་ཆང་ཕུད་བཅས་འདེགས་འབུལ་ཞུས་པ་བརྒྱུད་མགོན་པོ་གང་ཉིད་མཆོག་ལ་སྲོལ་རྒྱུན་གྱི་ལམ་ནས་ཕེབས་བསུའི་སྣེ་ལེན་གཟབ་རྒྱས་ཞུས་ཡོད།

མགོན་པོ་གང་ཉིད་མཆོག་རྒྱལ་ས་མི་ནེ་པོ་ལི་སིའི་ནང་བཞུགས་བཞག་རིང་ Starkey Hearing Technologies Campus ཞེས་པའི་ལས་བྱེད་རྣམས་ལ་བཀའ་སློབ་བསྩལ་རྒྱུ་ཡིན་འདུག་པ་བཅས།།