ཟླ་བ་ ༩ ཚེས ༡༠ ༢༠༡༠

༄༅། །འདི་ག་བོད་གཞུང་དབུས་སྨན་རྩིས་ཁང་ནས་བཏང་བའི་གསལ་བསྒྲགས་ནང་འཁོད་དོན།

བོད་གཞུང་སྨན་རྩིས་མཐོ་སློབ་ཁང་དུ་སྨན་སློབ་སྐབས་ ༡༧ གསར་བསྡུ་བྱ་རྒྱུ་ཡིན་ན། བོད་ཀྱི་གསོ་བ་རིག་པར་སློབ་གཉེར་གནང་འདོད་ཡོངས་ཀྱིས་གཤམ་གསལ་དོན་གནད་ཁག་ལ་ཐུགས་སྣང་ཡོང་བ་ཞུ།

ས་མིག་དང་སློབ་མའི་གྲངས་ཚད།

སྨན་རྩིས་མཐོ་སློབ་ཀྱི་སློབ་མའི་སྡོད་ཁང་དང་འཛིན་ཁང་སོགས་ཕྱོགས་ཡོངས་སྟབས་བསྟུན་གྱིས་སྨན་རྩིས་སློབ་མའི་གྲངས་ཚད་སྐབས་སོ་སོར་འབྲེལ་ཡོད་འཛིན་སྐྱོང་ནས་གཏན་འབེབས་ཀྱིས་གསར་བསྡུ་བྱ་རྒྱུ་ཡིན་ཡང་ད་ལྟའི་ཆར་སྨན་སློབ་ཁོངས་སུ།

ཀ༽ བོད་ཕྱི་ནང་གི་བོད་ཕྲུག་ཕོ་མོ་དབྱེར་མེད་ལ་ས་མིག་་་་་་་་་་་་་་་་་་་་་་་་་་༢༠

ཁ༽ ཕྱི་རྒྱལ་མི་རིགས་དང་ཧི་མ་ལ་ཡའི་རི་བརྒྱུད་ལ་ས་མིག་་་་་་་་་་་་་་་་་་་་་་་༠༣

ག༽ སྨན་རྩིས་ཁང་གི་ལས་བྱེད་པའི་བུ་ཕྲུག་ལ་ས་མིག་་་་་་་་་་་་་་་་་་་་་་་་་་་་་་༠༢

རྒྱུགས་གཞི་དང་དེའི་ཐོབ་གྲངས་བརྒྱ་ཆ།

༡༽ སུམ་ཅུ་པར་ཐོབ།་་་་་་་་་་་་་་་་་་་་་་་་་་་་་་་༡༥%

༢༽ རྟགས་འཇུག་ལ་ཐོབ།་་་་་་་་་་་་་་་་་་་་་་་་་༡༥%

༣༽ སྤྱིའི་ཤེས་བྱ་ལ་ཐོབ།་་་་་་་་་་་་་་་་་་་་་་་་་་་༢༥%

༤༽ རྩོམ་ཡིག་ལ་ཐོབ།་་་་་་་་་་་་་་་་་་་་་་་་་་་་་་་༢༥%

༥༽ དབྱིན་ཡིག་ལ་ཐོབ།་་་་་་་་་་་་་་་་་་་་་་་་་་་་༡༥%

༦༽ ངག་རྩལ་རྒྱུགས།་་་་་་་་་་་་་་་་་་་་་་་་་་་་་་་་་་༥%

༧༽ ཚན་རིག་་་་་་་་་་་་་་་་་་་་་་་་་་་་་་་་་་་་་་་་་་་་་་༥% (སྨན་སློབ་ལ་ (Medical Science)

བོད་མི་རྣམས་ལ་སློབ་འཇུག་གི་དགོས་ངེས་ཆ་རྐྱེན།

ཀ༽ དོ་བདག་ནས་དང་བླངས་དཔྱ་ཁྲལ་དུས་ཐོག་ཕུལ་པའི་ས་གནས་རང་བདེན་ཚོགས་ཆུང་གི་རྒྱབ་གཉེར།

ཁ༽ བུ་ལོན་སྒྲུབ་འཇལ་བྱ་དགོས་ཀྱི་རྙོག་གླེང་དང་། བོད་ཀྱི་རྩ་དོན་ལ་གནོད་གཞིའི་བྱ་སྤྱོད་རིགས་སྤེལ་མྱོང་མེད་པའི་ས་གནས་འགོ་འཛིན་དང་། ས་གནས་འགོ་འཛིན་མེད་སར་ས་གནས་རང་བདེན་ཚོགས་ཆུང་གི་རྒྱབ་གཉེར།

ག༽ རང་ལོ་ཉེར་ལྔ་ལས་མ་བརྒལ་བ་དགོས།

ང༽ གནས་ཡུལ་རྒྱལ་ཁབ་ནང་གནས་སྡོད་ཆོག་པའི་སྐྱབས་བཅོལ་ལག་འཁྱེར་ (R.C.) ཡོད་པ།

ཅ༽ རང་ཉིད་གཟུགས་ཐང་ལས་འཕེར་ཡིན་པ་སྨན་པ་ཚད་ལྡན་གྱི་ངོས་སྦྱོར།

ཆ༽ རིག་འཚོ་མ་ཟིན་པ་དང་དབང་པོ་སྐྱོན་ཅན་མ་ཡིན་པ།

ཇ༽ དམའ་མཐར་རྒྱལ་ཡོངས་འཛིན་རིམ་བཅུ་གཉིས་ཐོན་པའི་ལག་འཁྱེར་དང་། སློབ་གྲྭ་གང་ནས་ཐོན་པའི་ངོས་སྦྱོར། རྒྱུགས་འབྲས་ཐོབ་ཁྲ། སྤྱོད་ལམ་གྱི་ལག་འཁྱེར་བཅས་དགོས། འཛིན་གྲྭ་བཅུ་གཉིས་པའི་ཡིག་རྒྱུགས་གཏོང་བཞིན་པ་རྣམས་ལ་གོང་འཁོད་ལག་འཁྱེར་རྣམས་ཡིག་རྒྱུགས་གྲུབ་འབྲས་ཐོན་རྗེས་འབུལ་འཐུས་ཆོག་ཀྱང་སློབ་གྲྭ་སོ་སོའི་ངོས་སྦྱོར་རེ་འདི་གར་ངེས་པར་དུ་འབུལ་དགོས།

ཉ༽ གསར་ཞུགས་སློབ་མ་གང་ཞིག་ཉམ་ཐག་ཡིན་ཚེ། བོད་གཞུང་ནང་ཤེས་འཕྲོད་གསུམ་གྱི་དབུས་ཉམ་ཐག་ཚོགས་ཆུང་གི་ཐོ་འགོད་ནང་གསལ་བཞིན་ཉམ་ཐག་དངོས་འབྲེལ་ཡིན་པའི་བོད་གཞུང་འབྲེལ་ཡོད་ལས་ཁུངས་ཀྱི་རྒྱབ་གཉེར་ངོས་སྦྱོར་འབུལ་དགོས།

ཧི་མ་ལ་ཡའི་རི་བརྒྱུད་དང་ཕྱི་རྒྱལ་མི་རིགས་རྣམས་ལ་སློབ་འཇུག་གི་དགོས་ངེས་ཆ་རྐྱེན།

ཀ༽ བོད་ཀྱི་སྨན་རྩིས་རིག་པར་སློབ་གཉེར་བྱ་འདུན་མཆིས་པའི་ཕྱི་རྒྱལ་བ་དང་ཧི་མ་ལ་ཡའི་རི་བརྒྱུད་ཁོངས་ཀྱི་སློབ་མ་རྣམས་ལ་དམའ་མཐར་འཛིན་གྲྭ་བཅུ་གཉིས་ཐོན་པའི་ལག་འཁྱེར་ངེས་པར་དགོས།

ཁ༽ བོད་ཀྱི་སྐད་ཡིག་འབྲི་ཀློག་ཤེས་དགོས་པར་མ་ཟད་སློབ་ཕྲུག་སྤྱི་མཚུངས་ལྟར་ཚུད་རྒྱུགས་ངེས་པར་གཏོང་དགོས།

ག༽ ཕྱི་རྒྱལ་བ་ཡིན་ཚེ་རང་ཉིད་གནས་ཡུལ་རྒྱལ་ཁབ་དེའི་ནང་ངམ། ཉེ་འཁོར་དུ་བོད་ཀྱི་སྐུ་ཚབ་དོན་གཅོད་ཁང་ཡོད་ན་དང་། དེ་མིན་བོད་དོན་རྒྱབ་སྐྱོར་ཚོགས་པ་གང་རུང་གི་རྒྱབ་གཉེར་ངོས་སྦྱོར་དགོས།

ང༽ རྒྱ་གར་དུ་ལོ་དྲུག་སློབ་སྦྱོང་བྱ་ཆོག་པའི་སློབ་གཉེར་མཐོང་མཆན་ (Student Visa) ངེས་པར་དུ་ཡོད་དགོས་པ་དང་། དུས་ཚོད་འཕར་འགྱངས་བྱ་རྒྱུ་སོགས་དོ་བདག་སོ་སོས་འགན་ལེན་བྱེད་དགོས་པ་ལས་འདི་ལས་ནས་འགན་ལེན་ཞུ་རྒྱུ་མིན།

ཅ༽ ཧི་མ་ལ་ཡ་རི་བརྒྱུད་ཁོངས་ཡིན་པ་རྣམས་ལ་རང་ཉིད་གནས་ཡུལ་མངའ་སྡེའི་ནང་སྲིད་ལས་ཁུངས་ཀྱི་དགག་ཆ་མེད་པའི་རྒྱབ་གཉེར་ཡིག་དཔང་ཚད་ལྡན་དགོས་པའི་ཐོག་འོས་འཕེན་ལག་འཁྱེར (Voting Card) ངོ་མ་ངེས་པར་དུ་དགོས།

ཆ༽ ཧི་མ་ལ་ཡའི་རི་བརྒྱུད་དང་ཕྱི་རྒྱལ་མི་རིགས་རྣམས་ཀྱི་སློབ་ཡོན་སོགས་རང་ཁུངས་ནས་དུས་ཐོག་སོ་སོར་འབུལ་དགོས།

ཇ༽ སློབ་ཁོངས་སུ་ཚུད་པར་མ་མཐར་བརྒྱ་ཆ་ལྔ་བཅུ་ལོན་དགོས་པ་དང་། དེ་ཡང་བརྒྱ་ཆ་མཐོ་རིམ་བཞིན་སློབ་འཇུག་བྱ་རྒྱུ།

འཛུལ་རྒྱུགས་འགེངས་ཤོག་འབྱོར་ཚེས་མཐའ་མ།

༡༽ འཛུལ་རྒྱུགས་གཏོང་འདོད་ཡོད་པ་རྣམས་ནས་འགེངས་ཤོག་རྡ་ས་བོད་གཞུང་སྨན་རྩིས་མཐོ་སློབ་ཡིག་ཚང་ནས་བཞེས་རྒྱུའམ། ཡང་ན་སྨན་རྩིས་ཁང་གི་དྲ་རྒྱ་ (www.men-tsee-khang.org) ཕབ་བཤུས་གནང་དགོས་པ་དང་། འགེངས་ཤོག་གི་ནང་དོན་འཚེམས་ལུས་མེད་པར་བཀང་སྟེ་གཤམ་གསལ་དུས་བཀག་ནང་ཚུན་སློབ་སྤྱིའི་ཡིག་ཚང་དུ་འབྱོར་ཐུབ་པ་དགོས་རྒྱུ་ལས། དེ་ལས་འགྱངས་ཚེ་ངོས་ལེན་བྱ་རྒྱུ་མིན།

༢༽ འཛུལ་རྒྱུགས་འགེངས་ཤོག་སྦྲག་ཐོག་གམ་མི་འགྲོའི་བརྒྱུད་བཏང་སྟེ་བོད་གཞུང་སྨན་རྩིས་མཐོ་སློབ་ཡིག་ཚང་དུ་འཕྲོད་འབྱོར་མ་བྱུང་བར་ལམ་བར་བོར་བརླག་སོང་རིགས་ལ་འདི་ལས་ནས་འགན་ལེན་བྱ་རྒྱུ་མིན།

༣༽ ཕྱི་ལོ་ ༢༠༡༠ ཟླ་ ༡༠ ཚེས་ ༡༥ ནས་ཕྱི་ལོ་ ༢༠༡༡ ཟླ་ ༠༣ ཚེས་ ༣༠ བར་འཛུལ་རྒྱུགས་འགེངས་ཤོག་བསྡུ་ལེན་བྱ་རྒྱུ་དང་། དངོས་གཞིའི་འཛུལ་རྒྱུགས་ཕྱི་ལོ་ ༢༠༡༡ ཟླ་ ༠༥ ཚེས་ ༠༣ ༠༦ བར་གཏོང་གཏན་འཁེལ་པ་ཡིན།

འབྲེལ་བ་གནང་ཡུལ།

College Secretary
Tibetan Medical & Astro. College
Gangchen Kyishong-176215
Dharamsala (H.P.) INDIA
Phone: 01892-307068,307069,223113,223222
Fax: 01892-224116
Email: [email protected]

བོད་གཞུང་སྨན་རྩིས་མཐོ་སློབ་ཡིག་ཚང་ནས་ ༢༠༡༠ ཟླ་ ༠༩ ཚེས་ ༡༠ ལ།།

Share with your friends










Submit