བཀྲ་ཤིས་རྣམ་རྒྱལ་ལགས།

༢༠༡༠ ཟླ་ ༧ ཚེས་ ༢༨ རེས་གཟའ་ལྷག་པ།

༄༅། །ཕྱི་ལོ་ ༢༠༡༠ ཟླ་ ༧ ཚེས་ ༢༧ རེས་གཟའ་མིག་དམར་ཉིན་ཨ་རིའི་རྒྱལ་ས་ཝ་ཤིང་ཊོན་མངའ་སྡེའི་སྤྱི་ཁྱབ་པ་ལྕམ་སྐུ་ཁི་རི་ཤི་ཊཡིན་ (Christine O Gregoire) ལགས་ཀྱིས་ཨ་རིའི་མི་སེར་ཡིན་པའི་བོད་མི་བཀྲ་ཤིས་རྣམ་རྒྱལ་ལགས་་ཝ་ཤིང་ཊོན་མངའ་སྡེའི་ཨེ་ཤི་ཡའི་ཞི་བདེ་རྒྱ་མཚོའི་ཨ་རི་བའི་ལས་དོན་ཚོགས་ཆུང་ (Washington State Comission on Asian Pacific American Affiars) གི་ཚོགས་མིར་བསྐོ་གཞག་གནང་འདུག ལས་དོན་ཚོགས་ཆུང་དེས་ཝ་ཤིང་ཊོན་མངའ་སྡེའི་ནང་ཡོད་པའི་ཨེ་ཤི་ཡ་ཞི་བདེ་རྒྱ་མཚོའི་མངའ་ཁོངས་ཀྱི་ཨ་རི་བ་ཚོའི་བདེ་དོན་ལ་ལྟ་རྟོག་གནང་རྒྱུ་མ་ཟད། ཁོང་ཚོས་གཞུང་གི་འཛིན་སྐྱོང་དང། ཚོང་དོན། ཤེས་ཡོན་བཅས་ཀྱི་ལས་དོན་ཐོག་མཉམ་བཞུགས་ཡོང་རྒྱུར་མཐུན་འགྱུར་རོགས་རམ་བྱེད་རྒྱུ་དེ་ཡིན་འདུག ཚོགས་ཆུང་དེ་ཐོག་མར་ཕྱི་ལོ་ ༡༩༧༤ ལོར་གསར་འཛུགས་གནང་བ་ཞིག་ཡིན་པ་དང། སྐུ་ཞབས་བཀྲ་ཤིས་རྣམ་རྒྱལ་ལགས་ཀྱིས་ཕྱི་ལོ་ ༢༠༡༠ ཟླ་ ༧ ཚེས་ ༡ ནས་ཚོགས་ཆུང་དེའི་ནང་དངོས་སུ་ལས་འགན་འགོ་འཛུགས་ཀྱིས་ཕྱི་ལོ་ ༢༠༡༣ ཟླ་ ༦ ཚེས་ ༣༠ བར་ཚོགས་ཆུང་གི་ཚོགས་མིར་བསྐོ་གཞག་གནང་འདུག སྐུ་ཞབས་བཀྲ་ཤིས་རྣམ་རྒྱལ་ལགས་ནི་ཨ་རིའི་མངའ་སྡེ་སི་ཡཱ་ཊལ་ (Seattle) ནང་གནས་སྡོད་བྱེད་མཁན་ཞིག་ཡིན་པ་མ་ཟད། ཝ་ཤིང་ཊོན་བོད་རིགས་ཚོགས་པའི་ཚོགས་གཙོ་ཡང་གནང་ཡོད། དེ་བཞིན་ཁོང་རྒྱ་གར་ནང་མི་ལོ་ ༢༦ ཙམ་བཙན་བྱོལ་བོད་གཞུང་གི་ལས་ཁུངས་འདྲ་མིན་ནང་སྲི་ཞུ་སྒྲུབ་མྱོང་ཡོད་པ་དང་། བལ་ཡུལ་བོད་གཞུང་སྐུ་ཚབ་དོན་གཅོད་ཀྱང་གནང་མྱོང་འདུག་པ་བཅས།།