[facetwp counts="true"]
[facetwp facet="keyword_filter"]
[facetwp facet="announcement_categories"]
[facetwp facet="tags"]
[facetwp sort="true"]
  •    གསལ་སྒྲགས།
    དམིགས་བསལ་སྐུ་ཚབ་རྒྱ་རི་བློ་གྲོས་རྒྱལ་མཚན་མཆོག་ནས་གསར་འགོད་ལྷན་ཚོགས་ཐོག་སྤེལ་བའི་གསར་འགོད་གསལ་བསྒྲགས།
    ཟླ་བ་ ༧ ཚེས ༥ ༢༠༠༨
     
    ༄༅། །སྐུ་ཚབ་སྐལ་བཟང་རྒྱལ་མཚན་ངོས་གཉིས་དང་ཕྱག་རོགས་རྒན་པ་བོད་རྒྱ་ཞི་མོལ་ལས་དོན་ཚོགས་ཆུང་གི་ཚོགས་མི་དྭགས་པོ་བསོད་ནམས་ནོར་བུ་དང་། བུ་ཆུང་ཚེ་རིང་། ལས་དོན་ཚོགས་ཆུང་གི་ལས་བྱེད་འཇིགས་མེད་པ་སངས་བཅས་ཕྱི་ལོ་ ༢༠༠༨ ཟླ་ ༦ ཚེས་ ༣༠ ནས་ཟླ་ ༧ ཚེས་ ༣ བར་པེ་ཅིང་དུ་བསྐྱོད་པ་ཡིན། ཕྱི་ཟླ་ ༧ ཚེས་ ༡ ཉིན་ང་ཚོས་རྒྱལ་ཡོངས་ཆབ་སྲིད་གྲོས་ཚོགས་ཀྱི་ཚོགས་གཙོ་གཞོན་པ་དང་དབུས་འཐབ་ཕྱོགས་གཅིག་འགྱུར་གྱི་བློན་ཆེན་ཏའུ་ཆིང་ལིན་དང་ཐུག་འཕྲད་བྱས་པ་ཡིན།… རྒྱས་པ་འདིར་གཟིགས་རོགས་གནང་།
  •    གསལ་སྒྲགས།
    མའོ་ཚོགས་པས་གཞི་རྩ་མེད་པའི་སྐྱོན་འཛུགས་།
    ཟླ་བ་ ༧ ཚེས ༣ ༢༠༠༨
     
    ༄༅། །འདི་ནི་ཕྱི་ལོ་ ༢༠༠༨ ཟླ་ ༨ ཚེས ༢ ཉིན་རྒྱ་གར་གྱི་དུས་བབ་ (Times of India) ཅེས་པའི་དྲྭ་རྒྱའི་ནང་། བལ་ཡུལ་གྱི་མའོ་ཚོགས་པའི་ཉིན་རེའི་གསར་ཤོག་ཇ་ན་སྡི་ཤཱ་ (Janadisha Daily) ཅེས་པའི་ནང་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་བལ་ཡུལ་གྱི་ཕྲུ་གུ་ཚོར་བསམ་བློའི་ལྟ་བའི་སློབ་གསོ་སྤེལ་གྱི་ཡོད་པའི་སྐྱོན་འཛུགས་བྱས་པར་ཁུངས་གཏུགས་པ་ཞིག་ཡིན། མའོ་ཚོགས་པས་བཤད་པར་གཞིགས་ན། སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་ཕྲུ་གུ་ལོ་བདུན་ཚུན་ལའང་སློབ་སྦྱོང་སྤྲོད་རྒྱུར་ཁག་དཀྲི་བཏགས་ནས་བལ་ཡུལ་ནས་བསླུ་བྲིད་བྱས་རྗེས་ཕྲུ་གུ་ཚོར་བསམ་བློའི་ལྟ་བའི་སློབ་གསོ་སྤེལ་གྱི་ཡོད་པའི་སྐྱོན་འཛུགས་བྱས་ཡོད་པ་རེད། བཙན་བྱོལ་བོད་གཞུང་གིས་བལ་ཡུལ་གྱི་ཕྲུ་གུ་ཕོན་ཆེན་བོད་གཞུང་གི་སློབ་གྲྭ་ཁག་དང་སློབ་གཉེར་ཁང་ཁག་ནང་གསར་འཇུག་བྱེད་རྒྱུར་རྒྱབ་སྐྱོར་དང་སྐུལ་མ་གཏོང་རྒྱུ་སོགས་གང་ཡང་བྱས་མེད་ལ་ང་ཚོས་དེ་ལྟར་བྱེད་རྒྱུའི་དཔལ་འབྱོར་དང་ཆ་རྐྱེན་ཡང་མེད།… རྒྱས་པ་འདིར་གཟིགས་རོགས་གནང་།
  •    གསལ་སྒྲགས།
    སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་དང་བོད་ཀྱི་གནད་དོན།
    ཟླ་བ་ ༧ ཚེས ༡ ༢༠༠༨
     
    ༄༅། །རྒྱ་ནག་གི་དཔོན་རིགས་ཚོས་ཉེ་ཆར་འདོན་སྤེལ་བྱས་པའི་གསར་འགྱུར་གྱི་སྙན་ཐོར་གཞིགས་ན། བོད་ཀྱི་གནད་དོན་དེ་བཞིན་༸གོང་ས་༸སྐྱབས་མགོན་ཆེན་པོ་མཆོག་སྐུ་སྒེར་གྱི་གནད་དོན་ཡིན་པ་ལུང་འདྲེན་བྱས་ཡོད་པ་རེད། ང་ཚོས་གོ་སྐབས་དེ་བཟུང་སྟེ་བསྐྱར་དུ་གསལ་པོ་བཟོ་རྒྱུར་བོད་ཀྱི་གནད་དོན་དེ་བོད་ནང་ཡོད་པའི་བོད་མི་ས་ཡ་དྲུག་གི་མ་འོངས་བདེ་སྡུག་དང་འབྲེལ་བ་ཡོད་པ་ཞིག་ཡིན་པ་ལས་༸གོང་ས་༸སྐྱབས་མགོན་ཆེན་པོ་མཆོག་སྐུ་སྒེར་གྱི་གནད་དོན་གང་ཡང་མ་ཡིན། དོན་དངོས་ཐོག་ཕྱི་ལོ་ ༡༩༨༡ ལོར་རྒྱ་ནག་གཞུང་གིས་གྲོས་འཆར་དོན་ཚན་ལྔ་སྟོན་པའི་འཁོད་གནས་ནང་། ༸གོང་ས་༸སྐྱབས་མགོན་ཆེན་པོ་མཆོག་ཆབ་སྲིད་ཀྱི་གོ་གནས་དང་འཚོ་བའི་གནས་སྟངས་ཕྱི་ལོ་ ༡༩༥༩ ལོའི་སྔོན་དུ་གང་ཡོད་པ་གཞིར་བཟུང་འཇོག་རྒྱུ་ཡིན། ཞེས་བཀོད་ཡོད་པར་༸གོང་ས་༸སྐྱབས་མགོན་ཆེན་པོ་མཆོག་གིས་རྒྱ་ནག་གི་དཔོན་རིགས་ཚོར་གནད་འགག་གི་གནད་དོན་དེ་ནི་བོད་མི་ས་ཡ་དྲུག་གི་བདེ་སྡུག་ཡིན་པ་ལས་མགོན་པོ་གང་ཉིད་ཀྱི་སྐུ་སྒེར་གྱི་ངོས་ནས་རྒྱ་ནག་དབུས་གཞུང་ལ་རེ་བ་གང་ཡང་ཞུ་རྒྱུ་མེད། ཅེས་ཁ་གསལ་པོ་བཟོས་གནང་མཛད་ཡོད་པ་རེད། ༸གོང་ས་༸སྐྱབས་མགོན་ཆེན་པོ་མཆོག་གིས་ཕྱི་ལོ་ ༡༩༦༩ ལོ་ནས་བཟུང་ཏཱ་ལའི་བླ་མའི་སྒྲིག་འཛུགས་དེ་མུ་མཐུད་གནས་མིན་བོད་མི་མང་གིས་ཐག་གཅོད་བྱ་རྒྱུ་ཡིན། ཞེས་བཀའ་ཕེབས་ཡོད། ཕྱི་ལོ་ ༡༩༩༢ ལོར་༸གོང་ས་༸སྐྱབས་མགོན་ཆེན་པོ་མཆོག་གིས་གསལ་བསྒྲགས་ཤིག་གནང་དོན།… རྒྱས་པ་འདིར་གཟིགས་རོགས་གནང་།
  •    གསལ་སྒྲགས།
    བོད་རྒྱ་འབྲེལ་མོལ་ཐེངས་བདུན་པའི་གསར་འགོད་གསལ་བསྒྲགས།
    ཟླ་བ་ ༦ ཚེས ༣༠ ༢༠༠༨
     
    ༸གོང་ས་༸སྐྱབས་མགོན་ཆེན་པོ་མཆོག་གི་དམིགས་བསལ་སྐུ་ཚབ་རྒྱ་རི་བློ་གྲོས་རྒྱལ་མཚན་མཆོག་དང་། ༸གོང་ས་མཆོག་གི་སྐུ་ཚབ་སྐལ་བཟང་རྒྱལ་མཚན་ལགས་རྣམ་གཉིས་རྒྱ་ནག་གཞུང་གི་སྐུ་ཚབ་རྣམས་དང་འབྲེལ་མོལ་བཀའ་བསྡུར་ཐེངས་བདུན་པ་གནང་ཆེད་དེ་རིང་རྒྱ་ནག་ཏུ་འབྱོར་རྒྱུ་རེད། སྐུ་ཚབ་རྣམས་དང་ལྷན་དུ་ཁོང་རྣམ་པའི་ལས་རོགས་རྒན་གྲས་བོད་རྒྱ་ཞི་མོལ་ལས་དོན་ཚོགས་ཆུང་གི་ཚོགས་མི་དྭགས་པོ་བསོད་ནམས་ནོར་བུ་དང་། བུ་ཆུང་ཚེ་རིང་གཉིས་དང་། བཀའ་ཡིག་བོད་རྒྱ་ཞི་མོལ་སྡེ་ཚན་གྱི་ལས་བྱེད་འཇིགས་མེད་པ་སངས་བཅས་ཕེབས་ཡོད། ཕྱི་ལོ་ ༢༠༠༨ ཟླ་ ༥ ཚེས་ ༤ ཉིན་༸གོང་ས་༸སྐྱབས་མགོན་ཆེན་པོ་མཆོག་དང་། རྒྱ་ནག་གཞུང་གི་སྐུ་ཚབ་སོ་སོའི་བར་ཧྲེན་ཀྲེན་དུ་སྟབས་བདེ་ནང་ལུགས་ཀྱི་ཚོགས་འདུ་བསྐྱངས་སྐབས་སུ། དེ་སྔ་ཕྱི་ལོ་ ༢༠༠༢ ལོར་འགོ་འཛུགས་བྱུང་བའི་འབྲེལ་མོལ་གྱི་ལས་རིམ་རྒྱུན་སྐྱོང་བྱ་རྒྱུ་དང་། ཕྱོགས་གཉིས་བར་གྱི་འབྲེལ་མོལ་བཀའ་བསྡུར་ཐེངས་བདུན་པ་དེ་བཞིན་གཉིས་མོས་ཀྱི་དུས་ཚེས་ཤིག་གི་ཐོག་གང་མགྱོགས་བསྐྱང་རྒྱུ་བཅས་ཀྱི་གྲོས་འཆམ་བྱུང་ཡོད་པ་རེད། ད་རེས་ཀྱི་འབྲེལ་མོལ་ཚོགས་འདུ་འདི་ནི་གཉན་འགངས་ཆེ་བའི་དུས་ཚོད་ཅིག་གི་ཐོག་འཚོག་བཞིན་ཡོད། ༸གོང་ས་༸སྐྱབས་མགོན་ཆེན་པོ་མཆོག་ནས་སྐུ་ཚབ་རྣམ་གཉིས་ལ་གཞིས་ལུས་བོད་མི་ཚོས་རང་གི་ཡུལ་ལུང་ནང་དཀའ་སྡུག་ཚད་མེད་མྱོང་བཞིན་པའི་གནས་སྟངས་དེར་མངོན་གསལ་ཆེ་བའི་ཡར་རྒྱས་ཡོང་བའི་དོན་དུ་ཐབས་ཤེས་ཡོད་རྒུ་སྤྱོད་དགོས་པའི་ལམ་སྟོན་བཀའ་སློབ་ཕེབས་ཡོད་པ་དང་།… རྒྱས་པ་འདིར་གཟིགས་རོགས་གནང་།
  •    གསལ་སྒྲགས།
    བོད་ནང་གི་གནས་སྟངས་སྐོར་གསར་འགོད་གསལ་བསྒྲགས།
    ཟླ་བ་ ༤ ཚེས ༡༨ ༢༠༠༨
     
    བོད་ནང་གནས་སྟངས་ཇེ་ཞན་དང་། ད་དུང་དེ་བས་ཇེ་སྡུག་ཏུ་འགྲོ་ཉེན་ཡོད་པ། ༅༅། །ཕྱི་ལོ་ ༢༠༠༨ ཟླ་ ༣ ཚེས་ ༡༠ ནས་བཟུང་དབུས་གཙང་དང་། ཁམས། ཨ་མདོའི་ས་ཁུལ་ཁག་གཙོས་བོད་རིགས་འདུ་སྡོད་བྱེད་སའི་རྒྱ་ནག་གི་གྲོང་ཁྱེར་མང་པོའི་ནང་གཞི་རྒྱ་ཆེ་བའི་ཞི་བའི་གྱེན་ལངས་ཀྱི་ལས་འགུལ་བྱུང་ཡོད། དེ་ནི་ཕྱི་ལོ་ ༢༠༠༨ ཟླ་ ༣ ཚེས་ ༡༠ ཉིན་བོད་རང་སྐྱོང་ལྗོངས་ཟེར་བའི་ནང་དང་དེའི་ཕྱི་ལོགས་ས་གནས་མང་པོར་བོད་མི་སེར་སྐྱ་ཉུང་ཤས་ནས་ཞི་བའི་གྱེན་ལངས་བྱས་པར་ཚད་ལས་བརྒལ་བའི་དྲག་གནོན་དང་གདོང་ལེན་སྡུག་པོ་བྱས་རྐྱེན།… རྒྱས་པ་འདིར་གཟིགས་རོགས་གནང་།
  •    གསལ་སྒྲགས།
    བོད་གཞུང་བཀའ་ཤག་གི་ཛ་དྲག་འབོད་སྐུལ།
    ཟླ་བ་ ༤ ཚེས ༡༠ ༢༠༠༨
     
    ༄༅། །ཕྱི་ལོ་ ༢༠༠༨ ཟླ་ ༤ ཚེས་ ༢ ཉིན་སྤེལ་བའི་གསར་འགོད་སྙན་ཐོར་གཞིགས་ན་བོད་རང་སྐྱོང་ལྗོངས་ཀྱི་དྲུང་ཆེ་ཀྲང་ཇིང་ལིའི་ཡིས་ཉེ་ལམ་བོད་ཀྱི་ས་ཁུལ་ཁག་ཏུ་འཁྲུག་ཟིང་ནང་ཞུགས་མཁན་ཚང་མ་ཕྱི་ཟླ་ ༤ པའི་ཟླ་མཇུག་ཏུ་དམ་བསྒྲགས་ཤུགས་ཆེ་འོག་ཁྲིམས་ཞིབ་ཐག་གཅོད་དང་བཙོན་འཇུག་བྱེད་རྒྱུ་ཡིན་པའི་ལུང་འདྲེན་གཏམ་བཤད་བྱས་ཡོད་པ་རེད། ད་ལྟ་ཐོན་བཞིན་པའི་ཚུལ་གཞིགས་ན་ཀྲང་ཇིང་ལིའི་ཡིས་མངའ་སྡེའི་རྫོང་ཁུལ་དང་། དེ་ཡནགྱི་དམར་ཤོག་ཚོགས་པའི་འཛིན་སྐྱོང་མི་སྣ། གཞུང་གི་ལས་བྱེད་པ་བཅས་ཡོད་པའི་ལྷན་འཛོམས་ཀྱི་ཚོགས་འདུ་ཞིག་གི་ཐོག་ཁྱབ་བསྒྲགས་བྱེད་དོན་ལ་གཞུང་ནས་བཀའ་བཀོད་མྱུར་པོ། འཛིན་བཟུང་མྱུར་པོ། ཁྲིམས་གཅོད་མྱུར་པོ་ལ་སོགས་པའི་བྱེད་སྒོ་བཞི་གང་མགྱོགས་དང་ལེན་བྱེད་རྒྱུ་ཡིན་ཞེས་གསལ་བསྒྲགས་བྱས་ཡོད་འདུག ས་གནས་ཀྱི་བཀའ་བཀོད་དེ་དག་ལ་གཞིགས་ན་བོད་ནང་གི་དབང་འཛིན་པ་རྣམས་ཀྱིས་ཁྲིམས་ལུགས་ཀྱི་ལག་བསྟར་དང་མི་མཐུན་པའི་ཁྲིམས་ཐག་མྱུར་པོ་གཅད་དེ་སྲོག་ཐོག་གཏོང་རྒྱུ་ཡིན་པ་གསལ་པོ་རེད། དེར་བརྟེན་ང་ཚོས་རྒྱལ་སྤྱིའི་ཁྲིམས་ལུགས་ཀྱི་མི་སྣ་དང་སྲིད་གཞུང་ལ་འཛིན་བཟུང་བྱས་པ་དེ་དག་གི་སྲོག་སྐྱོབ་ཐབས་དང་ཁོང་ཚོར་ཁྲིམས་མཐུན་གྱི་ཁྲིམས་ཐག་གཅོད་ཐབས་དགོས་པའི་རོགས་རམ་གནང་སྐྱོང་ཡོང་བའི་ཛ་དྲག་གི་འབོད་སྐུལ་ཞུ་གི་ཡོད། འགུལ་སྐྱོད་ཐོག་དམ་བསྒྲགས་ཤུགས་ཆེ་བྱས་རྐྱེན་ལྷག་པར་དགོན་པའི་ནང་དུ་ཡོད་པའི་བོད་མི་ཚོར་ཟས་རིགས་མཁོ་སྒྲུབ་བྱེད་ཐུབ་ཀྱི་མེད་པ་རེད། དེར་བརྟེན་དགོན་པའི་ནང་དུ་དོ་དམ་བྱས་པ་རྣམས་ལ་བཟའ་འཐུང་ཆད་པའི་དཀའ་ངལ་ཤུགས་ཆེ་འཕྲད་པ་མ་ཟད།… རྒྱས་པ་འདིར་གཟིགས་རོགས་གནང་།
  •    གསལ་སྒྲགས།
    ཡོངས་ཁྱབ་གསལ་བརྡ།
    ཟླ་བ་ ༤ ཚེས ༡༠ ༢༠༠༨
     
    ༄༅། །ཉེ་ལམ་ ༢༠༠༨ ཟླ ༣ ཚེས་ ༡༠ ཉིན་ནས་བཟུང་བོད་ཆོལ་གསུམ་ཁྱོན་ཡོངས་ཀྱི་ནང་གཞིས་སྡོད་བོད་རིགས་སྤུན་ཟླ་རྣམས་ནས་རྒྱ་ནག་གཞུང་གི་རྡུག་རྩབ་གཉའ་གནོན་ལ་མ་བཟོད་པར་རང་གི་ལུས་སྲོག་ལོངས་སྤྱོད་དང་བཅས་པ་བློས་བཏང་གིས་ཞི་བའི་ངོ་རྒོལ་རྒྱ་ཆེ་གནང་དང་གནང་མུས་ལྟར། ཕྱི་རྒྱལ་རང་དབང་ཡུལ་ལུང་ནང་ཡོད་བཙན་བྱོལ་བོད་མི་རྣམས་ནས་ཀྱང་གཞིས་ལུས་བོད་མིའི་ཞི་རྒོལ་ལ་གདུང་སེམས་མཉམ་བསྐྱེད་ཀྱི་ལས་འགུལ་སྣེ་མང་སྤེལ་མུས་སུ་ཡོད་པ་བཞིན། བོད་གཞུང་བཀའ་ཤག་དང་། ཛ་དྲག་ལས་འགུལ་ཚོགས་ཆུང་། ལྷག་པར་དུ་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་བཅས་ནས་བོད་ཕྱི་ནང་གི་བོད་མིར་ལས་འགུལ་ཇི་འདྲ་ཞིག་སྤེལ་རུང་ཞི་བའི་ཐབས་ལམ་ཁོ་ནའི་ཐོག་སྤེལ་དགོས་ཀྱི་གསལ་བསྒྲགས་སྔ་རྗེས་བསྐྱངས་ཟིན་པའི་དགོངས་དོན་གཞིར་བཟུང་མང་ཆེ་བས་ཕྱག་བསྟར་གནང་མུས་སུ་ཡོད་རུང་། གལ་པོ་ཆེ་ལ་ནན་ཏན་གྱི་དཔེ་ལྟར་ད་ལམ་སླར་ཡང་འབོད་བསྐུལ་ཞུ་རྒྱུར། ཨོ་ལིམ་པིག་དཔལ་འབར་འདི་ཟླའི་ཚེས་ ༡༧ ཉིན་རྒྱ་གར་ནང་འབྱོར་སྐབས་ཀྱང་ཞི་བ་ཁོ་ནའི་ཐོག་ལས་འགུལ་སྤེལ་དགོས་པ་དང་། ལྷག་པར་ས་གནས་ཡུལ་ཁྲིམས་དང་མི་འགལ་བ། གནས་ཡུལ་མང་ཚོགས་ལ་སུན་གཙེར་མི་འབྱུང་བ་བྱ་གལ་ཤིན་ཏུ་ཆེ་བས་དེ་དོན་ཚང་མས་ཡིད་གཟབ་ངེས་པར་གནང་དགོས་པའི་འབོད་བསྐུལ་དུ། བོད་གཞུང་བཀའ་ཤག་ནས།… རྒྱས་པ་འདིར་གཟིགས་རོགས་གནང་།
  •    གསལ་སྒྲགས།
    ཕྱི་ལོ་ ༢༠༠༨ ཟླ་ ༤  ཚེས་ ༦  ཉིན་༸སྤྱི་ནོར་༸གོང་ས་སྐྱབས་མགོན་ཆེན་པོ་མཆོག་ནས་བོད་རིགས་ཡོངས་ལ་བསྩལ་བའི་གསུང་འཕྲིན།
    ཟླ་བ་ ༤ ཚེས ༦ ༢༠༠༨
     
    ༄༅། །གངས་ལྗོངས་བོད་ཆོལ་ཁ་གསུམ་གྱི་ཁྱོན་དུ་གནས་པའི་བོད་རིགས་ཡོངས་ལ་གདུང་སེམས་ཀྱིས་འཚམས་འདྲི་དང་བཅས་བསམ་ཚུལ་འགའ་ཤས་ཞུ་འདོད་བྱུང་། ༡༽ འདི་ལོ་ཕྱི་ཟླ་ ༣ པའི་ཚེས་ ༡༠ ནས་བཟུང་ད་ལྟའི་བར་གངས་ལྗོངས་མཐའ་དབུས་ཡོངས་དང་། མཐའ་ན་རྒྱ་ནག་གི་གྲོང་ཁྱེར་ཁག་ཏུ་ཡོད་པའི་སློབ་ཕྲུག་ཡན་ཆད་ནས་དུས་ཡུན་རིང་པོའི་བར་མི་རིགས་ཀྱི་ཐོབ་ཐང་དང་། ཆོས་དད་རང་དབང་མེད་པ། དངོས་ཡོད་འཁྱོག་བཤད་སྒྲོ་སྐུར་རྟག་ཏུ་བྱེད་པ་དཔེར་ན་བོད་མི་རྣམས་ནས་གུང་ཁྲན་ཏང་སངས་རྒྱས་སུ་ལྟ་བ་ཟེར་བ་ལྟ་བུ་དྲང་བདེན་མིན་ལ་གཡོན་ཐལ་དང་རྒྱ་རིགས་ཆེན་པོའི་རིང་ལུགས་ཀྱི་བསམ་སྤྱོད་རྒྱུན་མར་བྱུང་བས་ཡིད་བློ་མ་ཁེངས་པའི་སེམས་ཚོར་གཏིང་ཟབ་རིམ་བསགས་ཡོད་པ་རྣམས་འུ་ཐུག་ཐབས་ཟད་ཀྱིས་ཞི་བའི་སྒོ་ནས་མངོན་འདོད་གསལ་བཏོན་བྱས་པ་ལ་དམར་གཞུང་གིས་གོ་མཚོན་བེད་སྤྱོད་ཀྱིས་དྲག་གནོན་ཚབས་ཆེན་བྱས་པའི་དབང་གིས་དུས་ཟིང་ཅི་ཆེ་བྱུང་སྟེ་མི་མང་པོ་ལ་སྲོག་སྐྱོན་དང་། བཙོན་འཇུག ཉེས་བརྡུང་མནར་གཅོད་སོགས་ཧ་ཅང་ཚབས་ཆེས་སྙིང་རྗེ་ལྡན་པའི་མི་ཞིག་ཡིན་ན་མིག་ཆུ་དབང་མེད་ཤོར་བའི་ཡ་ངའི་གནས་ཚུལ་མང་པོ་བྱུང་འདུག་པར་བློ་འཚབ་དང་སེམས་ངལ་ཆེན་པོ་བྱུང་ཡང་བྱ་ཐབས་བྲལ། ༢༽ ད་རེས་དུས་ཟིང་སྐབས་ཚེ་སྲོག་ཤོར་བའི་བོད་མི་དང་རྒྱ་རིགས་ཚང་མར་མཆོག་གསུམ་གསོལ་འདེབས་རྒྱུན་དུ་བྱེད་ཀྱི་ཡོད། ༣༽ རྒྱ་ནག་མི་དམངས་སྤྱི་མཐུན་རྒྱལ་ཁབ་ཀྱིས་བོད་མི་ལོག་སྤྱོད་པ་ཉུང་ཤས་ཤིག་ལས་མང་ཚོགས་སྤྱི་བྱིངས་འདོད་བློ་ཁེངས་ངེས་ཀྱི་བདེ་སྐྱིད་ཕུན་སུམ་ཚོགས་པ་ཡོད་ཚུལ་དོན་དངོས་དང་མི་མཐུན་པའི་དྲིལ་བསྒྲགས་བྱས་པ་རྣམས་བར་ལམ་གྱི་བྱུང་རིམ་འདི་དག་གིས་རྫུན་ཁུངས་གསལ་བརྡོལ་བྱུང་བ་མ་ཟད། ཆོལ་གསུམ་བོད་རིགས་ཡོངས་རྫོགས་ཀྱི་ཕུགས་རེ་མངོན་འདོད་གཅིག་གྱུར་ཡིན་པའང་གསལ་སྟོན་བྱས་ཤིང་། འཛམ་གླིང་ཡོངས་ལ་བོད་ཀྱི་གནས་ཚུལ་འདི་སྣང་མེད་དུ་བཞག་མི་ཐུབ་པ་དང་།… རྒྱས་པ་འདིར་གཟིགས་རོགས་གནང་།
  •    གསལ་སྒྲགས།
    ༸སྤྱི་ནོར་༸གོང་ས་སྐྱབས་མགོན་ཆེན་པོ་མཆོག་ནས་རྒྱ་རིགས་ཡོངས་ལ་འབོད་སྐུལ་གནང་བ།
    ཟླ་བ་ ༣ ཚེས ༢༨ ༢༠༠༨
     
    ༄༅། །ད་རེས་ངས་འཛམ་གླིང་ཁྱོན་ཡོངས་ལ་གནས་པའི་རྒྱ་རིགས་སྤུན་ཟླ་སྤྱི་དང་། བྱེ་བྲག་རྒྱ་ནག་མི་དམངས་སྤྱི་མཐུན་རྒྱལ་ཁབ་ཀྱི་རྒྱ་རིགས་སྤུན་ཟླ་ཡོངས་ལ་མཛའ་བརྩེའི་འཚམས་འདྲི་སྔོན་དུ་བཏང་སྟེ། ཉེ་ཆར་བོད་ནང་བྱུང་བའི་དོན་རྐྱེན་དང་འབྲེལ་བོད་རྒྱ་མི་རིགས་གཉིས་ཀྱི་འབྲེལ་ལམ་ཐད་ངའི་བསམ་ཚུལ་ཇི་ཡོད་ཁྱེད་ཚོར་འགྲེལ་བརྗོད་དང་སྦྲགས། ང་རང་སྒེར་གྱི་ངོས་ནས་འབོད་བསྐུལ་ཁ་ཤས་བྱེད་རྒྱུ་ཡིན། ད་ལམ་བོད་ཀྱི་ས་ཁུལ་གང་སར་ཡིད་སྐྱོའི་བྱུང་རྐྱེན་འདིའི་ནང་མི་མང་པོའི་ལུས་སྲོག་ཤོར་བར་བློ་ཕམ་ཆེན་པོ་བྱུང་། དེའི་ནང་རྒྱ་རིགས་འགའ་ཤས་ཀྱང་ཤི་སྐྱོན་བྱུང་བ་ཤེས་རྟོགས་བྱུང་། ངས་གནོད་འཚེ་ཕོག་པའི་མི་རྣམས་དང་ཁོང་ཚོའི་ནང་མི་བཅས་ལ་སེམས་གསོ་བྱེད་རྒྱུ་མ་ཟད་འཕྲལ་ཡུན་དགེ་བའི་སྨོན་ལམ་ཟབ་ནན་བྱས་ཡོད། ད་རེས་བྱུང་བའི་གནས་ཚུལ་འདིས་བོད་ཀྱི་གནད་དོན་དེ་ཇི་ཙམ་ཛ་དྲག་ཡིན་མིན་དང་། གང་མྱུར་གྲོས་མོལ་གྱི་ལམ་ནས་འགྲིག་ཆགས་ཡོང་ཐབས་བྱེད་དགོས་པ་ཧ་ཅང་གསལ་པོ་བཟོས་ཡོད། ཛ་དྲག་དང་ཐབས་སྡུག་གི་གནས་ཚུལ་འདི་འདྲའི་སྐབས་སུའང་ངོས་ནས་རྒྱ་ནག་གི་དབུ་ཁྲིད་རྣམ་པར་ཞི་བདེ་དང་བརྟན་ལྷིང་ཡོང་བར་མཉམ་རུབ་བྱེད་རྒྱུའི་འདོད་མོས་ཡོད་པ་གསལ་བརྗོད་བྱས་ཡོད། ང་ལ་བོད་ཁ་བྲལ་གཏོང་རྒྱུའམ། ཡང་ན་བོད་རིགས་དང་རྒྱ་རིགས་དབར་མ་འགྲིག་པ་བཟོ་རྒྱུའི་འདོད་པ་གང་ཡང་མེད་ཅེས་ངས་རྒྱ་རིགས་སྤུན་ཟླ་ཚོར་འགན་ལེན་བྱེད་ཀྱི་ཡིན། དེ་ལས་ལྡོག་སྟེ་ངས་རྒྱུན་དུ་བོད་རྒྱ་མི་རིགས་གཉིས་ཀར་ཕུགས་རྒྱང་རིང་པོའི་ཁེ་ཕན་ལྡན་པའི་སྒོ་ནས་བོད་ཀྱི་དཀའ་རྙོག་སེལ་རྒྱུའི་འབད་རྩོལ་བྱེད་ཀྱི་ཡོད། ངས་ལན་མང་བསྐྱར་ལྡབ་ཞུས་ཟིན་པ་ལྟར་ངའི་སེམས་འཚབ་བྱེད་སའི་གཞི་རྩ་གཙོ་བོ་ནི་བོད་མི་རིགས་ཀྱི་ཐུན་མིན་རིག་གཞུང་དང་། སྐད་ཡིག ངོ་བོ་རྣམས་སྲུང་སྐྱོབ་བྱེད་རྒྱུ་དེ་ཡིན། ཉིན་ལྟར་ནང་པའི་འདུལ་ཁྲིམས་གཞིར་བཟུང་མི་ཚེ་སྐྱེལ་མཁན་གྱི་དགེ་སློང་དཀྱུས་མ་ཞིག་ཡིན་པའི་ཆ་ནས་ངས་ཁྱེད་ཚོར་ངའི་ཀུན་སློང་ཁ་ཞེ་གཉིས་མེད་ཡིན་པའི་འགན་ལེན་བྱེད་ཀྱི་ཡོད། ངས་རྒྱ་ནག་གི་དབུ་ཁྲིད་རྣམ་པར་ངའི་ལངས་ཕྱོགས་ངོས་འཛིན་གསལ་པོ་གནང་ཐུབ་པ་དང་།… རྒྱས་པ་འདིར་གཟིགས་རོགས་གནང་།
  •    གསལ་སྒྲགས།
    བོད་གཞུང་བཀའ་ཤག་གིས་བསྐྱངས་པའི་ཛ་དྲག་འབོད་བསྐུལ་ཐེངས་གཉིས་པ།
    ཟླ་བ་ ༣ ཚེས ༡༧ ༢༠༠༨
     
    ༄༅། །ཕྱི་ལོ་ ༢༠༠༨ ཟླ་ ༣ ཚེས་ ༡༧ ཉིན་བོད་གཞུང་བཀའ་ཤག་ནས་ཛ་དྲག་འབོད་བསྐུལ་ཐེངས་གཉིས་པ་བསྐྱངས་པའི་ནང་གསུང་དོན། ཕྱི་ལོ་ ༢༠༠༨ ཟླ་ ༣ ཚེས་ ༡༠ ནས་བཟུང་བོད་རང་སྐྱོང་ལྗོངས་ཀྱི་ཕྱི་ནང་གཉིས་ཀྱི་ས་ཕྱོགས་གང་ས་བོད་མི་རྣམས་ཀྱིས་ཞི་བའི་ངོ་རྒོལ་གནང་བར་རྒྱ་ནག་གཞུང་ནས་དྲག་གནོན་བྱས་ཡོད་པ་རེད། ད་ལྟའི་ཆར་བོད་ནང་གི་གནས་སྟངས་ཧ་ཅང་གི་ཛ་དྲག་ཅིག་ཆགས་ཡོད་པ་དང་། རྒྱ་ནག་གཞུང་གིས་དེ་རིང་དགོང་མོའི་མཚན་གྱི་ཆུ་ཚོད་བཅུ་གཉིས་ལ་མཐའ་ཚིག་མཐའ་ཚིག་བསྒྲགས་ཡོད་པ་རེད། དེར་བརྟེན་མཐའ་ཚིག་དེའི་རྗེས་སུ་བོད་མི་ཚོས་ལས་འགུལ་སྤེལ་བ་ཡིན་ན་སྡེབ་གསོད་གཏོང་ཉེན་ཡོད་པས་ང་ཚོར་སེམས་འཚབ་ཆེན་པོ་འདུག བཙན་བྱོལ་བོད་གཞུང་ནས་མཉམ་འབྲེལ་རྒྱལ་ཚོགས་དང་།… རྒྱས་པ་འདིར་གཟིགས་རོགས་གནང་།
  •    གསལ་སྒྲགས།
    བོད་གཞུང་བཀའ་ཤག་གི་ཛ་དྲག་འབོད་སྐུལ།
    ཟླ་བ་ ༣ ཚེས ༡༤ ༢༠༠༨
     
    ༄༅། །ཕྱི་ལོ་ ༢༠༠༨ ཟླ་ ༣ ཚེས་ ༡༤ ཉིན་བོད་གཞུང་བཀའ་ཤག་གིས་ད་ལྟའི་བོད་ནང་གི་གནས་སྟངས་ལ་གཞིགས་པའི་ཛ་དྲག་གི་འབོད་སྐུལ་ཞིག་གནང་བའི་ནང་། འདི་ལོའི་ཕྱི་ཟླ་ ༣ ཚེས་ ༡༠ ནས་བོད་ཕྱི་ནང་གཉིས་སུ་ཡོད་པའི་བོད་མི་ཚོས་ས་ཕྱོགས་གང་ས་ནས་ཞི་བའི་ངོ་རྒོལ་གནང་སྟེ། ད་ལྟའི་བོད་ནང་གི་གནས་སྟངས་ལ་ཡི་རང་མེད་པའི་རྣམ་འགྲུར་གསལ་པོ་བསྟན་ཡོད་པ་རེད། དེ་ལྟ་བུའི་ཞི་བའི་ངོ་རྒོལ་ནི་ད་ལྟའི་རྒྱ་གཞུང་གིས་བོད་ཐོག་འཛིན་པའི་སྲིད་བྱུས་དེ་དག་ལ་འདོད་བློ་མ་ཁེངས་པའི་རྟགས་མཚན་རེད། ང་ཚོའི་ངོས་ནས་དོན་རྐྱེན་དེའི་ཐོག་སེམས་འཚབ་ཆེན་པོ་ཞེ་དྲགས་འདུག ང་ཚོས་སྙིང་ཐག་པ་ནས་འབོད་སྐུལ་ཞུ་རྒྱུར་རྒྱ་ནག་དབུས་གཞུང་དང་ས་གནས་གཞུང་གི་དཔོན་རིགས་རྣམས་ནས་དོན་རྐྱེན་དེ་ལ་ཛ་དྲག་ཏུ་གཟིགས་ཏེ་དྲག་གནོན་མ་བྱེད་རོགས། ད་དུང་མུ་མཐུད་ནས་ནན་སྐུལ་ཞུ་རྒྱུར་གྲོས་བསྡུར་གྱི་ལམ་ནས་རྒྱུན་གཏན་གྱི་བརྟན་ལྷིང་ཡོང་ཐབས་གནང་རོགས་ཞུ་རྒྱུ་དང་། བོད་མི་མང་གི་རེ་འདོད་ལ་བསམ་ཤེས་གནང་བའི་རེ་འདུན་ཞུ་རྒྱུ་ཡིན།… རྒྱས་པ་འདིར་གཟིགས་རོགས་གནང་།
  •    གསལ་སྒྲགས།
    ༸གོང་ས་མཆོག་གིས་པེ་ཅིང་ཨོ་ལམ་པིཀ་ལ་རྒྱབ་སྐྱོར་གནང་ཡོད་པ་གསལ་སྟོན།
    ཟླ་བ་ ༣ ཚེས ༧ ༢༠༠༨
     
    ཁ་སང་(༢༠༠༨།༣།༠༧)གསར་ལམ་ཁག་གིས་གནས་ཚུལ་སྤེལ་བར། བོད་ནང་གི་རྒྱ་ནག་གི་འགོ་ཁྲིད་མཐོ་ཤོས་ཀྲང་ཆིང་ལིས༸གོང་ས་ཏཱ་ལའི་བླ་མ་མཆོག་གིས་བཅར་འདྲི་ཞིག་འཁྱོག་བཤད་བྱས་ཏེ། ༸གོང་ས་མཆོག་གིས་པེ་ཅིང་ཨོ་ལམ་པིཀ་རྩེད་འགྲན་ལ་འགོག་རྐྱེན་བཟོ་ཡི་ཡོད་སྐོར་གྱི་སྐྱོན་འཛུགས་ཞུས་ཡོད། དེ་འདྲའི་ཆེས་རྩབ་པའི་སྐྱོན་བརྗོད་དེ་ནི་འདི་ལོའི་ཕྱི་ཟླ་དང་པོའི་བདུན་ཕྲག་གསུམ་པའི་ནང་དབྱིན་ཇིའི་བརྙན་འཕྲིན་ (ITV Network) ཞེས་པས་༸གོང་ས་མཆོག་ལ་བཅར་འདྲི་ཞུས་པས་གནས་ཚུལ་ལ་གཞི་བཞག་པ་ཞིག་ཡིན་འདུག གསར་ལམ་དེས་ཨོ་ལམ་པིཀ་རྩེད་འགྲན་འགོ་མ་ཚུགས་བར་ཞི་བའི་ངོ་རྒོལ་བྱེད་རྒྱུར་༸གོང་ས་མཆོག་གིས་རྒྱབ་སྐྱོར་གནང་ཡོད་ཚུལ་གྱི་གནས་ཚུལ་བཏོན་ཡོད་འདུག རྒྱལ་སྤྱིའི་གསར་ལམ་ཁག་གིས་བཅར་འདྲི་འདིའི་ཆ་ཤས་ཤིག་བསྒྲུགས་ནས་བཏོན་པར། ༸གོང་ས་མཆོག་གི་ལོན་ཌོན་སྐུ་ཚབ་དོན་གཅོད་ཁང་ནས་ཕྱི་ཟླ་ ༠༡ ཚེས་ ༢༣ ཉིན་གསར་ལམ་ཁག་ལ་གནས་ཚུལ་ངོ་མ་གང་གསུངས་ཡོད་པ་འགྲེལ་བརྗོད་ཁ་གསལ་གནང་ཡོད། གསར་འགོད་པས། བོད་དོན་རྒྱབ་སྐྱོར་ཚོགས་པས་གཙོས་འགྲོ་བ་མིའི་ཐོབ་ཐང་ཚོགས་པ་ཁག་གིས་པེ་ཅིང་དུ་ཨོ་ལམ་པིཀ་རྩེད་འགྲན་ཚོགས་སྐབས་དེའི་ནང་མཉམ་ཞུགས་མི་བྱེད་རྒྱུར་རྒྱལ་ཁབ་མང་པོར་འབོད་སྐུལ་བྱེད་ཀྱི་ཡོད་པ་དེར་༸གོང་ས་མཆོག་གིས་རྒྱབ་སྐྱོར་གནང་གི་ཡོད་མེད་བཀའ་འདྲི་ཞུས་པར། ༸གོང་ས་མཆོག་གིས་དབྱིན་ཇིའི་ཚིག་ (radical) བེད་སྤྱོད་གནང་ནས་དེ་ནི་ཐལ་ཆའི་བྱེད་སྟངས་ཤིག་རེད་ཅེས་བཀའ་གསལ་པོ་གནང་སྟེ་ནས་གསར་འགོད་པའི་དྲི་བར་མོས་མཐུན་གནང་མེད།… རྒྱས་པ་འདིར་གཟིགས་རོགས་གནང་།