[facetwp facet="keyword_filter"]
[facetwp facet="content_types"]
[facetwp facet="categories"]
[facetwp facet="tags"]
[facetwp sort="true"]
  •    གསལ་སྒྲགས།
    ཆེས་མཐོའི་ཁྲིམས་ཞིབ་ཁང་ནས་བཙན་བྱོལ་བོད་མིའི་ཁྲིམས་ལུགས་སྐོར་ཟབ་སྦྱོང་སྤྲོད་རྒྱུའི་གསལ་བསྒྲགས།
    ཟླ་བ་ ༣ ཚེས ༢༡ ༢༠༡༡
     
    ༄༅། །བཙན་བྱོལ་བོད་མིའི་ཆེས་མཐོའི་ཁྲིམས་ཞིབ་ཁང་ནས་ད་བར་རྒྱ་གར་དང་བལ་ཡུལ་ཁུལ་བོད་མིའི་གཞིས་ཆགས་དང་། ཁ་འཐོར་བོད་མིའི་འདུས་སྡོད་ཁག་བཅས་ཀྱི་སེར་སྐྱ་མང་ཚོགས་ལ་བཙན་བྱོལ་བོད་མིའི་ཁྲིམས་ལུགས་སྐོར་ཟབ་སྦྱོང་གི་ལམ་ནས་སྔ་རྗེས་གོ་རྟོགས་སྤེལ་ཡོད་ནའང་། རང་རིགས་མང་ཚོགས་ཁྲོད་ད་དུང་བཙན་བྱོལ་བོད་མིའི་ཁྲིམས་ལུགས་སྐོར་དང་། ཁ་མཆུ་ཞུ་གཏུག་གི་འགྲོ་ལུགས་བཅས་གོ་རྟོགས་གསལ་པོ་མ་ཆགས་པའི་རིགས་ཡོད་ན། དཀའ་ངལ་དེ་དག་རིམ་བཞིན་སེལ་ཐབས་སུ་གཞིས་ཆགས་དང་། ཁ་འཐོར་བོད་མིའི་འདུས་སྡོད་ཁག་བཅས་སུ་བཙན་བྱོལ་བོད་མིའི་ཁྲིམས་ལུགས་ཀྱི་སྦྱོོང་བརྡར་ཡོད་པའི་གཏན་འཇགས་བོད་མིའི་ཁྲིམས་རྩོད་པ་གང་མང་སྐྱེད་སྲིང་ཞུ་ཐུབ་པ་བྱུང་ན། ས་གནས་སོ་སོར་ཁྲིམས་གཏུག་ཞུ་སྟངས་མི་ཤེས་མཁན་ཚོར་ལམ་སྟོན་དང་། བོད་ཡིག་རང་རྐྱ་མ་འཕེར་མཁན་ཚོར་ཁ་མཆུའི་ཞུ་རྩ་ཞུ་ལན་འབྲི་རོགས་སོགས་རོགས་སྐྱོར་ཞུ་ཡུལ་ཡོད་པ། ཁ་མཆུ་ཞུ་གཏུག་གི་ཆེད་དུ་ཁྲིམས་རྩོད་པ་བསྟེན་དགོས་རིགས་ལ་ཁྲིམས་རྩོད་པའི་ལས་དོན་སྒྲུབ་མཁན་ཡོད་པ་བཅས་ཀྱི་དགོས་མཁོའི་མཐུན་རྐྱེན་ཡོད་པ་དེས་མང་ཚོགས་སྤྱི་དང་། ལྷག་པར་དུ་མི་མང་སྙོམས་ཆུང་ཉམ་ཐག་རྣམས་ལ་ཕན་ཐོགསཅི་ཆེ་ཡོང་རྒྱུའི་ཐོག། ས་གནས་ཁྲིམས་ཞིབ་ཁང་སོ་སོས་ཀྱང་ཁ་མཆུའི་གནད་དོན་ཞིབ་འཇུག་དང་། ཐག་གཅོད་ཀྱི་བྱ་རིམ་བཅས་གང་མྱུར་ཞུ་ཐུབ་པའི་དགེ་མཚན་ཆེ་ཙམ་ཡོང་རྒྱུ་བཅས་ཀྱི་དགོས་དམིགས་གལ་ཆེར་བརྩིས་ཏེ། སྔ་ལོ་ ༢༠༡༠ ཟླ་ ༧ པའི་ནང་ལྷོ་ཕྱོགས་བོད་མིའི་ས་གནས་ཁྲིམས་ཞིབ་ཁང་གི་ཁྱབ་ཁོངས་གཞིས་ཆགས་དང་ཁ་འཐོར་བོད་མིའི་འདུས་སྡོད་ཁག་ནས་མི་འགྲོ་གྲངས་ ༣༥ ལ་བཙན་བྱོལ་བོད་མིའི་ཁྲིམས་རྩོད་པའི་སྦྱོང་བརྡར་གོ་སྒྲིག་ཞུས་པར་ཕན་ཐོགས་གང་ལེགས་བྱུང་ཡོད་པ་དང་། བཙན་བྱོལ་བོད་མིའི་ཁྲིམས་རྩོད་པའི་སྦྱོང་བརྡར་གྱི་ལས་རིམ་མཇུག་སྐྱོང་ཁོངས་སུ། བྱང་ཕྱོགས་བོད་མིའི་ས་གནས་ཁྲིམས་ཞིབ་ཁང་གི་ཁྱབ་ཁོངས་དེ་ཧྲཱ་དན་ས་གནས་འགོ་འཛིན་ཁྱབ་ཁོངས་ནས་མི་འགྲོ་ ༥ དང་། ཧ་པ་སྤར་ས་གནས་འགོ་འཛིན་ཁྱབ་ཁོངས་ནས་མི་འགྲོ་ ༢།  སྤོན་ཌ་ས་གནས་འགོ་འཛིན་ཁྱབ་ཁོངས་ནས་མི་འགྲོ་ ༢།  ས་ཌོན་གཞིས་ཆགས་ནས་མི་འགྲོ་ ༡། ཀམ་རའོ་གཞིས་ཆགས་ནས་མི་འགྲོ་ ༡། སྤར་ཝ་ལ་གཞིས་ཆགས་ནས་མི་འགྲོ་ ༢། བིར་བོད་ཚོགས་གཞིས་ཆགས་ནས་མི་འགྲོ་ ༢། བིར་སྡེ་དགེ་གཞིས་ཆགས་ནས་མི་འགྲོ་ ༢། ཅོན་ཏ་ར་ནང་ཆེན་གཞིས་ཆགས་ནས་མི་འགྲོ་ ༢། པབ་རོ་ལ་བཀྲིས་ལྗོངས་གཞིས་ཆགས་ནས་མི་འགྲོ་ ༢། ཀུ་ལུ་ས་གནས་འགོ་འཛིན་ཁྱབ་ཁོངས་ནས་མི་འགྲོ་ ༢། མན་ཌི་ས་གནས་འགོ་འཛིན་ཁྱབ་ཁོངས་ནས་མི་འགྲོ་ ༢། སིམ་ལ་ས་གནས་འགོ་འཛིན་ཁྱབ་ཁོངས་ནས་མི་འགྲོ་ ༢། ཌོ་ལན་ཇི་བོན་གཞིས་ནས་མི་འགྲོ་ ༢། ཌལ་ཧོར་ས་གནས་འགོ་འཛིན་ཁྱབ་ཁོངས་ནས་མི་འགྲོ་ ༢། ལྷ་རམ་ཤཱ་ལ་ས་གནས་འགོ་འཛིན་ཁྱབ་ཁོངས་ནས་མི་འགྲོ་ ༣། ལྡི་ལི་ས་གནས་འགོ་འཛིན་ཁྱབ་ཁོངས་ནས་མི་འགྲོ་ ༢། བཅས་ཁྱོན་བསྡོམས་མི་གྲངས་ ༣༦ ལ་ཆེས་མཐོའི་ཁྲིམས་ཞིབ་ཁང་ནས་ཕྱི་ལོ་ ༢༠༡༡ ཟླ་ ༥ ཚེས་ ༢༠ ནས་ཉིན་གྲངས་ ༡༠ རིང་བཙན་བྱོལ་བོད་མིའི་ཁྲིམས་རྩོད་པའི་སྦྱོང་བརྡར་ཐེངས་ ༣ པ་དེ་ཧྲཱ་དན་བདེ་སྐྱིད་གླིང་གཞིས་ཆགས་སུ་རྟེན་གཞི་བྱས་པའི་བྱང་ཕྱོགས་བོད་མིའི་ས་གནས་ཁྲིམས་ཞིབ་ཁང་དུ་གོ་སྒྲིག་གནང་རྒྱུ་ཐུགས་གཏན་འཁེལ་བ་ཡིན་ན། བཙན་བྱོལ་བོད་མིའི་ཁྲིམས་རྩོད་པའི་སྦྱོང་བརྡར་གྱི་ལས་རིམ་ནང་འཛུལ་ཞུགས་བྱ་བློ་ཡོད་རིགས་ལ་སྤྱི་མང་གཏུག་བཤེར་འགྲོ་ལུགས་ཁྲིམས་ཡིག་གི་དོན་ཚན་ ༢༢ ཁ པ་ནང་གསལ་ཆ་རྐྱེན་ཁག་ཅིག་དང་། དགོས་ངེས་ཀྱི་ཆ་རྐྱེན་སྣོན་མ་བཅས་གཤམ་གསལ་ཆ་རྐྱེན་རྣམས་ཚང་དགོས་པ་ཡིན། ཆ་རྐྱེན། ༡༽ བོད་ཀྱི་ཡུལ་མི་ཡིན་པ། ༢༽ རང་ལོ་ ༢༥ ཧྲིལ་པོ་སོན་པ་ཡན། ༣༽ རིག་འཚོ་མ་ཟིན་པ་མ་ཡིན་པའི་སྨན་པའི་ངོས་སྦྱོར་ཡོད་པ། ༤༽ དཔྱ་ཁྲལ་ལག་དེབ་ཀྱི་འབུལ་འབབ་དུས་འབུལ་ཞུ་བཞིན་ཡོད་པའི་ས་གནས་རང་བདེན་ཚོགས་ཆུང་གི་ངོས་སྦྱོར་ཡོད་པ། ༥༽ ཤེས་ཚད་ལག་ཁྱེར་ཡོད་ན། དེ་དག་གི་ངོ་བཤུས། ༦༽ བོད་ཀྱི་སྐད་ཡིག་ཤེས་པ། ༧༽ ལོ་འཁོར་གཅིག་ནང་ས་གནས་སུ་དུས་ཚོད་མི་ཉུང་བ་ཞིག་གཏན་སྡོད་ཐུབ་མཁན། ༨༽ ཁྲིམས་ཀྱི་སློབ་སྦྱོང་ཐོན་པའི་ལག་ཁྱེར་ཡོད་རིགས་ལ་དམིགས་བསལ་ཆ་རྐྱེན་དུ་དགོངས་བཞེས་གནང་རྒྱུ་བཅས། གོང་གསལ་ཆ་རྐྱེན་ཚང་བ་རྣམས་ནས་ ༢༠༡༡ ཟླ་ ༤ ཚེས་ ༡༥ འགྱངས་མེད་འཚང་སྙན་དང་དག་མཆན་འཁོད་པའི་ཡིག་ཆ་བཅས་ཁུངས་སོ་སོའི་ས་གནས་འགོ་འཛིན་ལས་ཁུངས་སུ་འབུལ་ཐུབ་པ་དགོས་རྒྱུ་དང་། ས་གནས་སོ་སོའི་མང་ཚོགས་ཁྲོད་ནས་འཚང་སྙན་འབུལ་མཁན་མང་པོ་ཡོད་ཚེ། དེ་དག་གི་ཁོངས་ནས་ཆ་བགོས་ཐོབ་ཆའི་མི་འགྲོ་འདམ་སྟེ། མི་འགྲོ་སོ་སོའི་འཚང་སྙན་དང་ཡིག་ཆ་ཁག་ཆེས་མཐོའི་ཁྲིམས་ཞིབ་ཁང་དུ་ ༢༠༡༡ ཟླ་ ༤ ཚེས་ ༢༩ ནང་ཚུད་འབུལ་འབྱོར་ཐུབ་པ་དགོས་རྒྱུ། ཆེས་མཐོའི་ཁྲིམས་ཞིབ་ཁང་ནས་གོང་གསལ་ལས་འཆར་སྐོར་འབྲེལ་ཡོད་ས་གནས་འགོ་འཛིན་རྣམ་པར་ ༢༠༡༡ ཟླ་ ༣ ཚེས་ ༡༩ འཁོད་པའི་ཕྱག་བྲིས་ཕུལ་ཟིན་ན། བཙན་བྱོལ་བོད་མིའི་ཁྲིམས་རྩོད་པའི་སྦྱོང་བརྡར་ཐེངས་ ༣ པའི་ལས་རིམ་འདི་ནང་ཁྱབ་ཁོངས་སོ་སོར་མི་འགྲོ་ཆ་བགོས་ཞུས་པ་ལྟར་ཆ་ཚང་འཛུལ་ཞུགས་ཐུབ་ཐབས་སུ་འབྲེལ་ཡོད་ཚང་མས་མཐུན་འགྱུར་གནང་ཕྱོགས་ཡོང་བའི་རེ་སྐུལ་ཞུ་རྒྱུ་བཅས་ཀྱི་གསལ་བསྒྲགས་སུ། ཆེས་མཐོའི་ཁྲིམས་ཞིབ་ཁང་ནས། ཕྱི་ལོ་ ༢༠༡༡ ཟླ་ ༣ ཚེས་ ༢༡ ལ།། རྒྱས་པ་འདིར་གཟིགས་རོགས་གནང་།
  •    གསལ་སྒྲགས།
    གསལ་བསྒྲགས།
    ཟླ་བ་ ༣ ཚེས ༡༤ ༢༠༡༡
     
    ༄༅། །བོད་མི་མང་སྤྱི་འཐུས་སྐབས་ ༡༥ པའི་དངོས་གཞི་མིང་གཞུང་གསལ་བསྒྲགས་བྱ་རྒྱུའི་ཁོངས་ནས་ཐེ་ཝན་དུ་གཏན་སྡོད་བྱེད་བཞིན་པ་སྨར་ཁམས་ཆོས་འཕེལ་ལགས་ཀྱི་མིང་ཕྱིར་འཐེན་བྱས་པའི་རྒྱུ་མཚན་གཙོ་བོ། ༡༽ཨེ་ཤ་ཡ་གླིང་ཆེན་ནང་རྒྱ་བལ་འབྲུག་གསུམ་ཕུད་པའི་ཐེ་ཝན་དང་ཉི་ཧོང་སོགས་སུ་གཏན་སྡོད་བྱེད་བཞིན་པའི་བོད་མི་རྣམས་ནས་བཅའ་ཁྲིམས་དང་འོས་བསྡུའི་སྒྲིག་གཞི་དགོངས་དོན་ལྟར་བཀའ་ཁྲིར་འོས་བླུགས་ཆོག་ཀྱང་། སྤྱི་འཐུས་ལ་འོས་བླུགས་པ་དང་འོས་གཞིར་ཞུགས་མི་ཆོག ༢༽༢༠༠༩ ཟླ་ ༡༠ ཚེས་ ༡༣ ཉིན་སྨར་ཁམས་ཆོས་འཕེལ་ཐེ་བའི་ཐེ་ཝན་ནང་གཏན་སྡོད་བོད་མི་ ༨ ནས་སྤྱི་འཐུས་རྒྱུན་ལས་སུ་མིང་རྟགས་འཁོད་པའི་སྙན་ཞུ་ཕུལ་བའི་ནང་མ་འོངས་པར་ཐེ་ཝན་མི་མང་གི་སྐུ་ཚབ་སྤྱི་འཐུས་གཅིག་ལས་མ་ཉུང་བ་བསྐོ་འདེམས་ཆོག་པའི་ཁྲིམས་ལུགས་གཏན་འབེབས་བཀའ་འཁྲོལ་ཞུས་པ་དེས་བཙན་བྱོལ་གཞུང་གི་ད་ལྟའི་བཅའ་སྒྲིག་འོག་ཐེ་ཝན་གནས་སྡོད་བོད་མི་མང་རྣམས་ནས་ཆོལ་ཁའི་སྤྱི་འཐུས་སུ་འོས་བླུགས་རྒྱུ་དང་འོས་གཞིར་ཞུགས་མི་ཆོག་པ་མཚོན་ཡོད།༣༽བོད་མི་མང་སྤྱི་འཐུས་སྐབས་ ༡༤ པའི་གྲོས་ཚོགས་ལས་རིམ་གསར་ཤོག་འདོན་ཚེས་ ༢༠༡༠ ཟླ་ ༡༠… རྒྱས་པ་འདིར་གཟིགས་རོགས་གནང་།
  •    གསལ་སྒྲགས།
    གསར་འགོད་གསལ་བསྒྲགས།
    ཟླ་བ་ ༣ ཚེས ༩ ༢༠༡༡
     
    ༄༅། །སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་དབུ་ཁྲིད་འོག་བཙན་བྱོལ་བོད་གཞུང་འཕྲོད་བསྟེན་ལས་ཁུངས་གསར་འཛུགས་བསྐྱངས་པ་ནས་བཟུང་དབུས་ས་གཉིས་ཀྱི་འཕྲོད་བསྟེན་ལས་བྱེད་ཆེ་ཕྲ་ཡོངས་ཀྱི་ལྷག་བསམ་དང་ཧུར་བརྩོན་ལ་བརྟེན་ནས་བོད་མིའི་སྡོད་སྒར་ཁག་གི་ནང་དགོས་ངེས་ཀྱི་གཞི་རིམ་འཕྲོད་བསྟེན་ལྟ་སྐྱོང་གི་རྨང་གཞི་འཛུགས་སྐྲུན་(Primary Healthcare Services) གང་ལེགས་ཐུབ་སྟེ། ད་ཆ་བཙན་བྱོལ་བོད་མིའི་གཞི་རིམ་འཕྲོད་བསྟེན་གནས་བབས་འོས་འཚམས་ཡོད་རུང། ནད་གཞི་ཚབས་ཆེའི་དབང་གིས་སྨན་ཁང་ནང་ཡུན་རིང་བཅོས་སྡོད་དགོས་པའི་གཞི་རིམ་གཉིས་པ་དང་གསུམ་པའི་སྨན་བཅོས་བྱ་དགོས་རིགས་(Secondary Treatment and Tertiary Treatment)ས་གནས་ཕྱིའི་སྨན་ཁང་འདྲ་མིན་དུ་བསྟེན་གཏུགས་བྱ་དགོས་ཀྱིས་འགྲོ་གྲོན་དཀའ་ངལ་འཕྲད་བཞིན་པ་རྣམས་ལ་འཕྲོད་བསྟེན་ལས་ཁུངས་ནས་སྨན་གྲོན་བརྒྱ་ཆ་གང་ཙམ་རེ་གནང་སྲོལ་ཡོད་ཀྱང་། གཞུང་གྲོན་ཆེ་ལ་མང་ཚོགས་ལ་ཕན་ཐོགས་ཆ་ཚང་མེད་པར་ཞིག་ཏུ་ཉམས་མྱོང་དངོས་བྱུང་ལ་བརྟེན། ད་ཆ་བཙན་བྱོལ་བོད་མི་ཡོངས་ལ་གཞི་རིམ་གཉིས་པ་དང་གསུམ་པའི་སྨན་བཅོས་ལྟ་སྐྱོང་སྤྱི་སྙོམས་ཡོང་སླད་བོད་མིའི་དང་བླངས་འཕྲོད་བསྟེན་ཚོགས་པའི་དམིགས་ཡུལ་ལྟར་འཕྲོད་བསྟེན་ཉེན་སྲུང་ལྟ་བུའི་ཛ་དྲག་སྨན་བཅོས་ཉེན་སྐྱོབ་ཀྱི་ལས་གཞི་ཞིག་གཞུང་མང་མཉམ་རུབ་ཀྱིས་ལག་བསྟར་བྱ་རྒྱུར་བཀའ་ཤག་ནས་བོད་མིའི་སྨན་བཅོས་ལྟ་སྐྱོང་ལས་གཞི། ཞེས་པ་གཏན་འབེབས་བཀའ་འཁྲོལ་དང་སྦྲགས་ལམ་སྟོན་ཕེབས་པ་བཞིན། ཕྱི་ལོ་ ༢༠༡༡ ཟླ་ ༤ ཚེས་… རྒྱས་པ་འདིར་གཟིགས་རོགས་གནང་།
  •    གསལ་སྒྲགས།
    ཡོངས་ཁྱབ་འབོད་སྐུལ་གསལ་བསྒྲགས།
    ཟླ་བ་ ༣ ཚེས ༤ ༢༠༡༡
     
    ༄༅། །སྔ་ལོ་མེའི་སོར་སྦེལ་ཀོབ་བོད་མིའི་གཞིས་ཆགས་སུ་བོད་གཞུང་མང་རྒྱལ་ཡོངས་ཚོགས་ཆེན་ཐེངས་དང་པོ་གནང་བའི་མཐའ་དོན་བསམ་འཆར་ཕྱོགས་བསྡོམས་སྙན་ཐོའི་ཤེས་ཡོན་དང་འབྲེལ་བའི་སྐོར་གྱི་དོན་ཚན་ ༦ པར་༼བོད་མིའི་ཐུན་མོང་མ་ཡིན་པའི་ཤེས་རིག་གཙོ་གྱུར་རང་གི་སྐད་ཡིག་དང་། རིག་གཞུང་སོགས་ལ་རག་ལས་སྟབས་ད་ཆ་གཉན་འཕྲང་ཆེ་བའི་དུས་སྐབས་འདིར་འབྲེལ་ཡོད་ཁག་ནས་རང་རེའི་རྩ་ཆེའི་སྐད་ཡིག་རིག་གཞུང་སྲུང་སྐྱོབ་སླད་ལག་བསྟར་བྱ་སའི་ཁོར་ཡུག་བསྐྲུན་རྒྱུ་དང། ཆེ་མཐོང་དགོས་ངེས་ཀྱི་རྒྱབ་སྐྱོར་སོགས་གནང་གལ་ཆེ༽ ཞེས་སྤྱི་མོས་གྲོས་འཆམ་བྱུང་བ་བཞིན། བཙན་བྱོལ་བོད་གཞུང་གིས་སྐད་ཡིག་བདག་གཅེས་ཀྱི་རྩ་འཛིན་སྲིད་བྱུས་གཏན་འབེབས་ཡོད་པ་ལྟར་འཛིན་སྐྱོང་ཚན་པའི་དབུས་དང་ཕྱོགས་མཐའི་ལས་ཁུངས་ཕན་ཚུན་དབར་གཞུང་འབྲེལ་གནས་འབྲེལ་རྣམས་བོད་ཡིག་ཁོ་ནའི་ཐོག་གནང་དང་གནང་བཞིན་དུ་ཡོད། དེ་བཞིན་གཞིས་བཞུགས་བོད་རིགས་རྒྱལ་གཅེས་པ་སྤྱི་དང་ལྷག་པར་བཙན་གནོན་འོག་འཚར་ལོང་བྱུང་བའི་གཞོན་སྐྱེས་མང་པོས་རང་གི་སྐད་ཡིག་གི་དོན་དུ་རྒྱ་གཞུང་དབང་འཛིན་པས་ཐབས་བྱུས་སྣ་ཚོགས་ཀྱི་ལམ་ནས་འགོག་རྐྱེན་མུ་མཐུད་བཟོས་པར་ངལ་བ་བརྒྱ་ཕྲག་ཁྱད་བསད་དང་མཐར་གཅེས་པའི་སྲོག་ཚུན་བློས་བཏང་གིས་ཞི་བའི་འབོད་སྐུལ་གནང་བཞིན་པ་ཚང་མས་མཁྱེན་ཆུབ་ལ་སོང། རྒྱལ་ཁབ་དང་མི་རིགས་ཤིག་གི་ངོ་བོ་མཚོན་པའི་སྲོག་རྩ་ཉག་གཅིག་ནི་དེའི་སྐད་ཡིག་དང་ལེགས་བྱང་ཡིན་པས་དེ་དག་སྲུང་སྐྱོབ་དང་དར་སྤེལ་བྱ་རྒྱུ་ནི་མི་རིགས་དེའི་ལོ་རྒྱུས་ཀྱི་འགན་འཁྲི་ཡིན་པར་ངོས་འཛིན་ཐུབ་པ་བྱས་ཏེ། བཙན་བྱོལ་བོད་མིའི་སྤྱི་ཚོགས་སྤྱི་དང་ལྷག་པར་གཞུང་འབྲེལ་མ་ཡིན་པའི་ཚོགས་པ་བཅས་ནས་ཕྱི་མིར་འབྲེལ་ལམ་ཕུད་པའི་ནང་ཁུལ་གནས་འབྲེལ་རྣམས་བོད་ཡིག་ཁོ་ནའི་བརྒྱུད་ལམ་སྤྱོད་རྒྱུ་ཚོགས་ཆེན་གྱི་སྤྱི་མོས་དགོངས་འཆར་ལྟར་ཕྱག་བསྟར་དགོས་པའི་འབོད་སྐུལ་ནན་པོ་ཞུ་རྒྱུ་ཡིན་པའི་གསལ་བསྒྲགས་སུ། བོད་གཞུང་བཀའ་ཤག་ནས་ ༢༠༡༡ ཟླ་ ༣ ཚེས་ ༣ ལ།། །། རྒྱས་པ་འདིར་གཟིགས་རོགས་གནང་།
  •    གསལ་སྒྲགས།
    རྒྱུགས་འབྲས་གསལ་བསྒྲགས།
    ཟླ་བ་ ༣ ཚེས ༡ ༢༠༡༡
     
    ༄༅། །འདི་ག་འཕྲོད་བསྟེན་ལས་ཁུངས་ནས་དེ་སྔོན་སྤྱི་ཟླ་ ༡༡ ཚེས་ཤར་ལ་སྦེལ་ཀོབ་འཚོ་བྱེད་སྨན་ཁང་གི་ཆེད་དུ་སྨན་ཞབས་པ་ Staff Nurse གཅིག་གི་ས་མིག་གསལ་བསྒྲགས་ཞུས་པ་བཞིན། འཚང་སྙན་ཕུལ་མཁན་རང་རིགས་ ༡༤ བྱུང་བ་ནས་གསལ་བསྒྲགས་དགོངས་དོན་ཆ་རྐྱེན་ཚང་བ་མི་གྲངས་ ༡༠ མོན་གྷོ་འཕྲོད་བསྟེན་སྨན་ཁང་དུ་ཆེད་འབོད་ཀྱིས་ ༢༠༡༡ ཟླ་ ༢ ཚེས་༡༥ ཉིན་ངག་རྒྱུགས་དང་། འབྲི་རྒྱུགས་བཅས་ཀྱི་འགྲན་བསྡུར་ཁོངས་སུ་ངོ་བཞུགས་བྱུང་བ་མི་གྲངས་ ༧… རྒྱས་པ་འདིར་གཟིགས་རོགས་གནང་།
  •    གསལ་སྒྲགས།
    བཙན་བྱོལ་བོད་མིའི་ཁྲིམས་ལུགས་ངོ་སྤྲོད་ཆེད་སྐོར་བསྐྱོད་གནང་འཆར་ཡོད་པ།
    ཟླ་བ་ ༢ ཚེས ༢༢ ༢༠༡༡
     
    ༢༠༡༡ ཟླ་ ༢ ཚེས་ ༢༢ རེས་གཟའ་མིག་དམར། ༄༅། །འདི་གར་ཆེས་མཐོའི་ཁྲིམས་ཞིབ་ཁང་ནས་ཕྱི་ལོ་ ༢༠༡༡ ཟླ་ ༢ ཚེས་ ༢༣ ཉིན་བཏང་གནས་ནང་འཁོད་དོན། ཆེས་མཐོའི་ཁྲིམས་ཞིབ་ཁང་གི་དཔལ་ལྡན་ཁྲིམས་ཞིབ་པ་ངག་དབང་ཐུབ་བསྟན་མཆོག་ཕྱི་ལོ་ ༢༠༡༡ ཟླ་ ༣ ཚེས… རྒྱས་པ་འདིར་གཟིགས་རོགས་གནང་།
  •    གསལ་སྒྲགས།
    གསེར་གྱི་གཟེངས་རྟགས་ཞལ་འདེབས་སྐོར་ནོར་བཅོས་གསལ་བསྒྲགས།
    ཟླ་བ་ ༢ ཚེས ༧ ༢༠༡༡
     
    ༄༅། །བོད་མི་མང་སྤྱི་འཐུས་རྒྱུན་ལས་ཀྱིས་ཕྱི་ལོ་ ༢༠༡༡ ཟླ་ ༡ ཚེས་ ༡༨ འཁོད་པའི་ཕྱི་ལོ་ ༢༠༡༠ ཟླ་ ༩ ཚེས་ ༢ ཉིན་བཙན་བྱོལ་བོད་མིའི་མང་གཙོ་དབུ་བརྙེས་ཏེ་མི་ལོ་ཧྲིལ་པོ་འཁོར་བའི་དུས་ཆེན་དང་སྟབས་བསྟུན་བོད་མི་མང་སྤྱི་འཐུས་ལྷན་ཚོགས་ནས་གཞིས་བྱེས་བོད་མི་ཡོངས་ཀྱི་ཚབ་ཞུས་ཏེ་བོད་མིའི་ཆོས་སྲིད་གཉིས་ཀྱི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་མཛད་འཕྲིན་སྤྱི་དང་། ལྷག་པར་བོད་འབངས་རྣམས་ལ་མང་གཙོའི་ལམ་བཟང་གསོལ་སྩལ་བཀའ་དྲིན་བསྐྱངས་པར་བཀའ་དྲིན་རྗེས་དྲན་མཚོན་ཕྱིར་གསེར་གྱི་གཟེངས་རྟགས་འབུལ་ལམ་ཞུས་པར་མང་ཚོགས་ནས་ཞལ་འདེབས་ཇི་བྱུང་དང་། གཟེངས་རྟགས་ཆེད་འགྲོ་གྲོན་སོང་། ཞལ་འདེབས་ཀྱི་དངུལ་ལྷག་གནས་སྟངས་བཅས་བོད་མིའི་རང་དབང་གསར་ཤོག་སྟེང་གསལ་བསྒྲགས་གནང་ཡོད་པའི་ནང་། སྦིར་བོད་ཚོགས་དགོན་སྡེ་དང་། གཞིས་མི།… རྒྱས་པ་འདིར་གཟིགས་རོགས་གནང་།
  •    གསལ་སྒྲགས།
    བོད་མི་མང་གིས་ཐད་ཀར་འོས་འདེམས་བྱ་རྒྱུའི་བཀའ་བློན་ཁྲི་པ་སྐབས་ ༣ པ་དང་བོད་མི་མང་སྤྱི་འཐུས་སྐབས་ ༡༥ པའི་དངོས་གཞིའི་འོས་མི་རྣམས་ཀྱི་ངོ་སྤྲོད་སྙིང་བསྡུས།
    ཟླ་བ་ ༡ ཚེས ༢༥ ༢༠༡༡
     
    བོད་མི་མང་གིས་ཐད་ཀར་འོས་འདེམས་བྱ་རྒྱུའི་བཀའ་བློན་ཁྲི་པ་སྐབས་ ༣ པའི་དངོས་གཞིའི་འོས་མི་རྣམས་ཀྱི་ངོ་སྤྲོད་སྙིང་བསྡུས། __________________________________________________________________________________________________________________ བོད་མི་མང་སྤྱི་འཐུས་སྐབས་ ༡༥ པའི་དངོས་གཞིའི་འོས་མི་རྣམས་ཀྱི་ངོ་སྤྲོད་སྙིང་བསྡུས། དབུས་གཙང་ཆོལ་ཁའི་འོས་དམིགས་རྣམས་ཀྱི་་ངོ་སྤྲོད་སྙིང་བསྡུས། མདོ་སྟོད་ཆོལ་ཁའི་འོས་དམིགས་རྣམས་ཀྱི་ངོ་སྤྲོད་སྙིང་བསྡུས། མདོ་སྨད་ཆོལ་ཁའི་འོས་དམིགས་རྣམས་ཀྱི་ངོ་སྤྲོད་སྙིང་བསྡུས། _______________________________________________________________________________________________________________________ བོད་མི་མང་སྤྱི་འཐུས་སྐབས་ ༡༥ པའི་ཆོས་བརྒྱུད་ཁག་གི་དངོས་གཞིའི་འོས་མི་རྣམས་ཀྱི་ངོ་སྤྲོད་སྙིང་བསྡུས། རྙིང་མ་ཆོས་བརྒྱུད་ཁོངས་དངོས་གཞིའི་འོས་དམིགས་རྣམས་ཀྱི་ངོ་སྤྲོད་སྙིང་བསྡུས། བཀའ་བརྒྱུད་ཆོས་བརྒྱུད་ཁོངས་དངོས་གཞིའི་འོས་དམིགས་རྣམས་ཀྱི་ངོ་སྤྲོད་སྙིང་བསྡུས། ས་སྐྱ་ཆོས་བརྒྱུད་ཁོངས་དངོས་གཞིའི་འོས་དམིགས་རྣམས་ཀྱི་ངོ་སྤྲོད་སྙིང་བསྡུས། དགེ་ལུགས་ཆོས་བརྒྱུད་ཁོངས་དངོས་གཞིའི་འོས་དམིགས་རྣམས་ཀྱི་ངོ་སྤྲོད་སྙིང་བསྡུས། བོན་པོ་ཆོས་བརྒྱུད་ངས་དངོས་གཞིའི་འོས་དམིགས་རྣམས་ཀྱི་ངོ་སྤྲོད་སྙིང་བསྡུས།… རྒྱས་པ་འདིར་གཟིགས་རོགས་གནང་།
  •    གསལ་སྒྲགས།
    གསལ་བསྒྲགས།
    ཟླ་བ་ ༡ ཚེས ༢༠ ༢༠༡༡
     
    ༄༅། །བོད་རྒྱལ་ལོ་ ༢༡༣༧ ཕྱི་ལོ་ ༢༠༡༠ ཟླ་ ༩ ཚེས་ ༢ ཉིན་བཙན་བྱོལ་བོད་མིའི་མང་གཙོ་དབུ་བརྙེས་ཏེ་མི་ལོ་ཧྲིལ་པོ་ ༥༠ འཁོར་བའི་དུས་ཆེན་དང་སྟབས་བསྟུན་བོད་མི་མང་སྤྱི་འཐུས་ལྷན་ཚོགས་ནས་གཞིས་བྱེས་བོད་མི་ཡོངས་ཀྱི་ཚབ་ཞུས་ཏེ་བོད་མིའི་ཆོས་སྲིད་གཉིས་ཀྱི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་མཛད་འཕྲིན་སྤྱི་དང་། ལྷག་པར་བོད་འབངས་རྣམས་ལ་མང་གཙོའི་ལམ་བཟང་གསོལ་སྩལ་བཀའ་དྲིན་བསྐྱངས་པར་བཀའ་དྲིན་རྗེས་དྲན་མཚོན་ཕྱིར་གསེར་གྱི་གཟེངས་རྟགས་ཤིག་འབུལ་ལམ་ཞུས་པར་མང་ཚོགས་ནས་ཞལ་འདེབས་ཇི་བྱུང་དང་། གཟེངས་རྟགས་ཆེད་འགྲོ་གྲོན་ཇི་སོང་། ཞལ་འདེབས་ཀྱི་དངུལ་ལྷག་གནས་སྟངས་བཅས་གཤམ་གསལ། ཨང་། ས་གནས་སམ་མཚན། སྒོར། རྒྱ་གར།… རྒྱས་པ་འདིར་གཟིགས་རོགས་གནང་།
  •    གསལ་སྒྲགས།
    ཕྱི་ལོ་ ༢༠༡༡ ལོའི་ཤེས་རིག་སྨན་པའི་སློབ་སྦྱོོང་(MBBS) དང་བཟོ་སྐྲུན་རིག་གནས་ (Engineering)  གཉིས་ཀྱི་ཚུད་རྒྱུགས་གསལ་བསྒྲགས།
    ཟླ་བ་ ༡ ཚེས ༡༧ ༢༠༡༡
     
    ༄༅། །རྒྱ་གར་དབུས་གཞུང་དང་ཧི་མ་ཅལ་མངའ་སྡེ་གཞུང་གཉིས་ནས་ལོ་ལྟར་བོད་མི་སྐྱབས་བཅོལ་བའི་སློབ་ཕྲུག་ཆེད་སྨན་པའི་སློབ་སྦྱོོང་ (MBBS) དང་། བཟོ་སྐྲུན་རིག་གནས་ (Engineering) སློབ་སྦྱོང་ཆེད་དམིགས་བསལ་ཟུར་བཅད་ཞབས་སྟེགས་ཁག་ཅིག་ཐོབ་མུས་ལྟར་ཕྱི་ལོ་ ༢༠༡༡ ལོར་འཛིན་རིམ་བཅུ་གཉིས་འཐོན་རྒྱུའི་ཁོངས་ནས་གཤམ་གསལ་ཟུར་བཅད་ཞབས་སྟེགས་ཁག་གི་ཆེད་འགྲན་ཞུགས་བྱ་བློ་ཡོད་རིགས་རྣམས་ནས་ཕྱི་ལོ་ ༢༠༡༡ ལོའི་ཤེས་རིག་ཚུད་རྒྱུགས་ (DoE Medical/Engg.Entrance Test) ནང་འཛུལ་ཞུགས་ཆོག་པའི་གསལ་བསྒྲགས་བྱ་རྒྱུར། ཀ༽ སྨན་པའི་སློབ་སྦྱོོང་ (MBBS) ཆེད་ཟུར་བཅད་ཞབས་སྟེགས་… རྒྱས་པ་འདིར་གཟིགས་རོགས་གནང་།
  •    གསལ་སྒྲགས།
    ཕྱི་ལོ་ ༢༠༡༡ ལོའི་མ་རི་སྦོར་གཙུག་ལག་སློབ་ཁང་གི་མཐོ་སློབ་སློབ་ཡོན་གསལ་བསྒྲགས།
    ཟླ་བ་ ༡ ཚེས ༡༤ ༢༠༡༡
     
    ༄༅། །ཡུ་རོབ་གཙུག་ལག་སློབ་ཁང་དྲག་གྲས་ (University of Maribor, Slovenia)མ་རི་སྦོར་གཙུག་ལག་སློབ་ཁང་དུ་༸གོང་ས་༸སྐྱབས་མགོན་ཆེན་པོ་མཆོག་ཕྱི་ལོ་ ༢༠༡༠ ཟླ་ ༤ པའི་ནང་ཆིབས་སྒྱུར་བསྐྱངས་སྐབས་གཙུག་ལག་སློབ་ཁང་དེའི་འགོ་འཛིན་ནས་བོད་མི་སྐྱབས་བཅོལ་བའི་སློབ་ཕྲུག་གཅིག་ལ་ཉེ་བའི་གཙུག་ལག་རབ་འབྱམས་པའི་སློབ་ཡོན་གནང་རྒྱུའི་ཞལ་བཞེས་བྱུང་དོན་ལྟར། ཕྱི་ལོ་ ༢༠༡༠ ལོར་རྒྱ་བལ་འབྲུག་གསུམ་ནང་འཛིན་རིམ་བཅུ་གཉིས་ལེགས་ཐོན་བྱུང་བའི་བོད་མི་སྐྱབས་བཅོལ་བའི་སློབ་ཕྲུག་ཞུགས་བློ་ཡོད་རིགས་ནས་ཤེས་རིག་ལས་ཁུངས་སུ་དགོས་མཁོའི་ཡིག་ཆ་ཁག་དང་མཐོ་སློབ་ཀྱི་འཚང་སྙན་འགེངས་ཤོག་བཅས་ཕྱི་ལོ་ ༢༠༡༡ ཟླ་ ༣ ཚེས་ ༡༥ འགྱངས་མེད་འབུལ་དགོས། ཀ༽ གཤམ་གསལ་སློབ་ཚན་ཁག་ནས་གང་རུང་གཅིག་ལ་འཚང་སྙན་འབུལ་ཆོག Faculty of Electrical Engineering and Computer Science Faculty of Civil Engineering… རྒྱས་པ་འདིར་གཟིགས་རོགས་གནང་།
  •    གསལ་སྒྲགས།
    ༄༅། །སྒྲིག་ཞུགས་མ་ཡིན་པའི་མཐོ་རིམ་ཉམས་ཞིབ་སློབ་ཡོན་གསལ་བསྒྲགས།
    ཟླ་བ་ ༡ ཚེས ༡༣ ༢༠༡༡
     
    དང་པོ། ངོ་སྤྲོད། ཉམས་ཞིབ་ཀྱི་སློབ་ཡོན་ལས་རིམ་འདིའི་སྔར་ཡོད་སྒྲིག་གཞིར་དུས་འབྲེལ་དགོས་ངེས་བསྐྱར་ཞིབ་ཀྱི་བྱེད་སྒོ་ཟིན་ཏེ། འདི་ལོ་ནས་བཟུང་སླར་ཡང་མུ་མཐུད་བྱ་རྒྱུ་ཡིན་ན། ཆ་རྐྱེན་ཚང་ཞིང་མོས་བློ་ཡོད་མཁན་ཚོས་ཕྱི་ལོ་ ༢༠༡༡ ཟླ་ ༣ ཚེས་ ༡ འགྱངས་མེད་ཤེས་རིག་ལས་ཁུངས་སུ་འཚང་སྙན་འབྱོར་བ་བྱ་དགོས། སློབ་ཡོན་ལས་རིམ་འདིའི་བརྒྱུད་རིམ་དང་ཞིབ་ཕྲའི་ནང་དོན་གཤམ་གསལ། གཉིས་པ། སློབ་ཡོན་ཡུན་ཚད་དང་གྲངས་འབོར། སློབ་ཡོན་ལས་རིམ་འདིའི་ཡུན་ཚད་ལོ་ ༣ ཡིན་པ་དང་། འགོ་འཛུགས་དུས་ཚེས་ཕྱི་ལོ་ ༢༠༡༡… རྒྱས་པ་འདིར་གཟིགས་རོགས་གནང་།
  •    གསལ་སྒྲགས།
    གསལ་བསྒྲགས།
    ཟླ་བ་ ༡ ཚེས ༡༠ ༢༠༡༡
     
    ༄༅། །རྒྱ་གར་ནང་བཙན་བྱོལ་བོད་མིས་དགུན་དུས་བལ་ཚོང་རྒྱག་ཡུལ་ས་ཁག་ཇི་བྱེད་ས་བབས་གནས་སྟངས་གཞིར་བཞག་གིས་ཁྲོམ་ས་སོགས་ཀྱི་དཀའ་གནད་ཕྲད་སྐབས་ཡོངས་གྲགས་ས་འགོ་སོ་སོའི་ཁྱབ་ཁོངས་སུ་མ་གཏོགས་པའི་ས་གནས་ཐག་ཉེའི་ས་གནས་འགོ་འཛིན་ཁག་ཆ་བགོས་ཀྱིས་གཟིགས་རྟོགས་འགན་དཀྲི་གནང་བའི་རེའུ་མིག་གཤམ་གསལ། ཨང་། ས་གནས། ས་གནས་འགོ་འཛིན་གང་གི་ཁྱབ་ཁོངས་ཡིན། ༡ ཀར་ན་ཀྲ་ཀ་དང་། ཏ་མིལ་ན་རྡུ། ཀེ་ར་ལ། གྷོ་ཝ། ཨན་རྡ་ར་བཅས་མངའ་སྡེ་ཁག་གི་ས་ཁུལ་ཡོངས་རྫོགས། སྦེང་ལོར་ལྷོ་སྤྱི་ལས་ཁུངས ༢ མ་ཧ་རཤ་ཊ་མངའ་སྡེ། སྦན་རྡ་ར་ས་གནས་འགོ་འཛིན་ལས་ཁུངས། ༣ མ་རྡེ་ཡ་སྤར་སྡེ་ཤི་དང་ཆ་ཏྭི་སི་གར། ཇར་ཁན་ཌ་མངའ་སྡེ་ཐོག ཀོལ་ཀ་ཏ་གྲོང་ཁྱེར་བཅས།… རྒྱས་པ་འདིར་གཟིགས་རོགས་གནང་།