[facetwp facet="keyword_filter"]
[facetwp facet="content_types"]
[facetwp facet="categories"]
[facetwp facet="tags"]
[facetwp sort="true"]
  •    གསལ་སྒྲགས།
    རྒྱལ་ཞེན་ལྷག་བསམ་ལ་ཡི་རང་བསྔགས་བརྗོད།
    ཟླ་བ་ ༤ ཚེས ༡༨ ༢༠༡༡
     
    ༢༠༡༡ ཟླ་ ༤ ཚེས་ ༡༨ རེས་གཟའ་ཟླ་བ། ༄༅། །ཕྱི་ལོ་ ༢༠༡༠ ཟླ་ ༨ ནང་བོད་གཞུང་མང་རྒྱལ་ཡོངས་ཚོགས་ཆེན་ཐེངས་དང་པོ་སྦེལ་ཀོབ་གཞིས་ཆགས་སུ་ཚོགས་སྐབས་བཙན་བྱོལ་བོད་མིའི་སྒྲིག་འཛུགས་སྲ་བརྟན་ཆེད། བཙན་བྱོལ་བོད་མིའི་དྭང་བླང་དཔྱ་དངུལ་སྤར་ཆ་དགོས་པའི་དགོངས་འཆར་བྱུང་བའི་རྗེས་འབྲས་སུ་དཔྱ་ཁྲལ་ཁྲིམས་ཡིག་འགྱུར་བ་ཕྱིན་མིན་ལ་མ་ལྟོས་པར། ཤི་ལོང་ས་གནས་བོད་མི་མང་ཚོགས་ནས་མ་བསྐུལ་དྭང་བླང་གིས་ཟས་བཅད་དོད་མི་རེ་ནས་ལོ་རེར་ཧིན་སྒོར་ ༡༠ རེ་འབུལ་མུས་ཐོག་ཟས་བཅད་འཕར་འབུལ་སྒོར་ ༡༠ རེ་དང་། ངེས་མེད་ཞལ་འདེབས་མི་རེས་ཉིན་རེར་སྒོར་… རྒྱས་པ་འདིར་གཟིགས་རོགས་གནང་།
  •    གསལ་སྒྲགས།
    གལ་ཆེའི་གསལ་བསྒྲགས།
    ཟླ་བ་ ༤ ཚེས ༡༦ ༢༠༡༡
     
    List of creditors of paljor trust tawsdugoe འདིར་གནོན། རྒྱས་པ་འདིར་གཟིགས་རོགས་གནང་།
  •    གསལ་སྒྲགས།
    ཡོངས་ཁྱབ་གསལ་བསྒྲགས།
    ཟླ་བ་ ༤ ཚེས ༡༤ ༢༠༡༡
     
    ༢༠༡༡ ཟླ་ ༤ ཚེས་ ༡༤ རེས་གཟའ་ཕུར་བུ། ༄༅། །བོད་ཀྱི་གསོ་བ་རིག་པའི་རྒྱུན་འཛིན་སྨན་པ་ཡོངས་ཀྱི་གསེར་སྙན་དུ། ཆེད་ཞུ།       བཙན་བྱོལ་བོད་མིའི་བོད་ཀྱི་གསོ་བ་རིག་པའི་སྨན་པའི་ལྷན་ཚོགས་ཀྱི་ཁྲིམས་ཡིག་དོན་ཚན་བཅུ་པའི་ནང་གསེས་ག་པའི་དགོངས་དོན་བོད་ཀྱི་གསོ་རིག་སློབ་གཉེར་ཁང་ཚད་ལྡན་ནས་ལག་འཁྱེར་མེད་རིགས་ཀྱི་སྨན་པ་རྣམས་ནས་ཡིག་རྒྱུགས་དང་ངག་རྒྱུགས་འབུལ་ཐོག་དེབ་སྐྱེལ་ཨང་གྲངས་སྤྲོད་འཐུས་ལ་འདི་ག་ཆེས་མཐོའི་སྨན་པའི་ལྷན་ཚོགས་ཀྱི་ཚོགས་ཐེངས་བཅོ་ལྔ་པའི་ཐོག་གྲོས་ཆོད་བྱུང་བ་ལྟར་གཤམ་གསལ་ཆ་རྐྱེན་ཚང་ཞིང་ཡིག་རྒྱུགས་ལ་བཞུགས་འདོད་ཡོད་པའི་རྒྱུན་འཛིན་སྨན་པ་རྣམས་ནས་ཕྱི་ལོ་༢༠༡༡ ཟླ་༨ ཚེས་༣༠ ནང་ཚུད་ཆེས་མཐོའི་སྨན་པའི་ལྷན་ཚོགས་སུ་ངེས་པར་ཞུ་སྙན་འབུལ་དགོས། ཡིག་རྒྱུགས་ཀྱི་དོད་ཧིན་སྒོར་༣༥༠༠།༠༠ དང་དངོས་གཞིའི་ཡིག་རྒྱུགས་དེ་ཕྱི་ལོ་༢༠༡༢ ཟླ་༣ ཚེས་༡༢ ནས་ཚེས་༢༠ བར་བཞུགས་སྒར་རྡ་རམ་ས་ལར་གཏན་འཁེལ་ཟིན་པ་དེ་དོན་དགོངས་འཇགས་ཞུ། དེབ་སྐྱེལ་ཞུ་སྙན་གྱི་ཆ་རྐྱེན་དང་ཡིག་རྒྱུགས་རྩ་འཛིན་གཤམ་གསལ། ཆ་རྐྱེན། ༡།ཆེས་མཐོའི་སྨན་པའི་ལྷན་ཚོགས་འོག་དེབ་སྐྱེལ་ཡོད་པའི་སྨན་པ་ཞིག་གམ་བོད་ནང་ཚད་ལྡན་སྨན་པ་གང་རུང་ཞིག་གི་དྲུང་ནས་ཉུང་ཐར་ལོ་གསུམ་སློབ་ཁྲིད་དང་ལོ་གསུམ་ལག་ལེན་བྱས་པའི་རྒྱབ་གཉེར།༢། དོ་བདག་བཞུགས་ཡུལ་ས་གནས་འགོ་འཛིན་ནམ་འཕྲོད་བསྟེན་བསྟི་གནས་གང་རུང་ནས་རང་ཉིད་སྨན་པའི་ལག་ལེན་བྱེད་བཞིན་པའི་རྒྱབ་གཉེར།༣། རྒྱལ་ཁབ་ཇི་ཡིན་གྱི་ཁུངས་འཕེར་ཡིག་ཆའི་ངོ་བཤུས།ཡིག་རྒྱུགས་ཀྱི་རྩ་འཛིན། ཀ།བློ་འཛིན་ངག་རྒྱུགས། རྩ་རྒྱུད་ལེའུ་དྲུག་ཆ་ཚང་། བཤད་རྒྱུད་ལེའུ་དང་པོ། གཉིས་པ། གསུམ་པ། བཞི་པ། ལྔ་པ། དྲུག་པ། བཅུ་གསུམ། བཅུ་བཞི། བཅོ་ལྔ་། བཅུ་དྲུག བཅུ་བདུན། བཅོ་བརྒྱད། སུམ་ཅུ་རྩ་གཅིག ཕྱི་མ་རྒྱུད་ལས་ལེའུ་དང་པོ་རེག་པ་རྩའི་ལེའུ། ལེའུ་གཉིས་པ་མཐོང་བ་ཆུའི་ལེའུ། བླ་སྨན་མཁྱེན་རབ་ནོར་བུས་མཛད་པའི་སྨན་སབྱོར་ནུས་པ་ཕྱོགས་བསྡུས།ཁ།བྲིས་རྒྱུགས། རྩ་རྒྱུད་ལེའུ་ཆ་ཚང་།  བཤད་རྒྱུད་ལེའུ་ཆ་ཚང་། མན་ངག་རྒྱུད་ལེའུ་དང་པོ། གཉིས་པ། གསུམ་པ། ཁོང་གནས་གསོ་བའི་ལེའུ་དྲུག་དང་ཚ་གྲང་གལ་མདོ། ཕྱི་མ་རྒྱུད་ལེའུ་ཆ་ཚང་།གལག་ལེན། ནད་གསོ་ཁང་དུ་དངོས་སུ་ནད་ཐོག་ལག་ལེན་རྒྱུགས་ལེན་བྱ་རྒྱུ།གོང་གསལ་ཡིག་རྒྱུགས་ལས་བྲིས་རྒྱུགས་ལ་ཁྱོན་དྲི་ཤོག་བརྒྱད། དྲི་ཤོག་རེ་ལ་ཨང་ལྔ་བཅུ་སྟེ་བྲིས་རྒྱུགས་ལ་ཨང་བཞི་བརྒྱ། བློ་འཛིན་ངག་རྒྱུགས་ལ་ཨང་ལྔ་བཅུ། ནད་ཐོག་ལག་ལེན་ལ་ཨང་ལྔ་བཅུ། བཅས་ཡིག་རྒྱུགས་ལ་ཁྱོན་ཨང་ལྔ་བརྒྱ། ཡིག་རྒྱུགས་འཕྲོད་པར་ཡིག་རྒྱུགས་ཀྱི་ཨང་བསྡོམས་ལས་ཉུང་ཐར་བརྒྱ་ཆ་ལྔ་བཅུ་ལོན་དགོས་པ་བཅས་ཆེས་མཐོའི་སྨན་པའི་ལྷན་ཚོགས་ཀྱི་ཡོངས་ཁྱབ་གསལ་བསྒྲགས་སུ་ཕྱི་ལོ་༢༠༡༡ ཟླ་༤ ཚེས་༡༡ ལ།། རྒྱས་པ་འདིར་གཟིགས་རོགས་གནང་།
  •    གསལ་སྒྲགས།
    ཨ་རིའི་ཏཱ་ལའི་བླ་མའི་དགེ་རྩ་ཚོགས་པའི་སློབ་ཡོན་གསལ་བསྒྲགས།
    ཟླ་བ་ ༤ ཚེས ༡༢ ༢༠༡༡
     
    ༄༅།  །འདས་པའི་ལོ་བཅུ་ཕྲག་ལྔ་ལྷག་གི་བཙན་བྱོལ་གྱི་དུས་ཡུན་རིང་བཙན་བྱོལ་བོད་མིའི་སྤྱི་ཚོགས་ཁྲོད་དེང་རབས་ཀྱི་ཤེས་ཡོན་ཐོག་གཞི་རིམ་སློབ་གྲྭ་དང་མཐོ་རིམ་སློབ་ཐོན་པའི་གཞོན་སྐྱེས་གང་མང་ཞིག་བསྐྱེད་བསྲིང་བྱས་ཡོད་པ་དེ་ལྟར་ཡང་། སྤྱིར་འགྲོ་བ་ཡོངས་དང་ཁྱད་པར་དུ་རང་རེ་བོད་གངས་ཅན་པའི་སྤྱི་ཚོགས་སུ་ཕུན་ཚོགས་སྡེ་བཞིའི་དཔལ་ཡོན་འཕེལ་རྒྱས་ལ་སྐུལ་འདེད་དང་སྣེ་འཁྲིད་ཐུབ་པའི་ཕུལ་བྱུང་གི་ཤེས་ལྡན་གང་མང་དགོས་གལ་དང་། དེ་ཡང་ཕྱི་ནང་གི་རིག་གནས་སྤྱི་དང་།  བྱེ་བྲག་ཏུ་རིག་གཞུང་གི་ཉིང་བཅུད་དུ་གྱུར་པའི་སྲོལ་རྒྱུན་རིག་གནས་སོགས་མདོར་ན་གནའ་དེང་གི་རིག་གནས་ལ་སྦྱངས་པ་ཙམ་མ་ཡིན་པར་ཁྱད་ལས་པའམ་རིགས་གཅིག་རྐང་འཛིན་པ་བསྐྱེད་བསྲིང་བྱ་རྒྱུ་ནི་དགོས་གལ་ཧ་ཅང་ཆེ་བར་གཟིགས་ཏེ། སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་འདས་པའི་ལོ་བཅུ་ཕྲག་འགའ་ཤས་རིང་ཡང་ནས་ཡང་དུ་བཀའ་སློབ་སྤྱི་ནན་ཕེབས་དོན་ལྟར། ཏཱ་ལའི་བླ་མའི་དགེ་རྩ་ཚོགས་པ་ནས་ཤེས་རིག་ལས་ཁུངས་སུ་ཕྱི་ལོ་ ༢༠༠༣ ལོར་ཁྱད་ལས་པའམ་རིགས་གཅིག་རྐང་འཛིན་སློབ་གཉེར་བའི་ཆེད་སློབ་ཡོན་མ་འཛུགས་ཞུས་ཡོད་པར་ཕྱི་ལོ་ ༢༠༡༠ ལོར་རིགས་གཅིག་རྐང་འཛིན་གྱི་སློབ་ཡོན་ལས་འཆར་ལ་བསྐྱར་བཅོས་ཀྱིས་མ་དངུལ་འཕར་འབུལ་ཞུས་ཡོད་པས་ཕྱི་ལོ་ ༢༠༡༡ ནས་བཟུང་སློབ་མ་གྲངས་བཞི་བཅུ་ནས་ལྔ་བཅུའི་བར་ལ་སློབ་ཡོན་འབུལ་རྒྱུ་རིང་མིན་ཤེས་རིག་ལས་ཁུངས་ནས་གསལ་བསྒྲགས་གནང་རྒྱུ་ཡིན། ཡང་ཏཱ་ལའི་བླ་མའི་དགེ་རྩ་ཚོགས་པ་ནས་རང་རེའི་སྲོལ་རྒྱུན་གྱི་རིག་གནས་སློབ་གཉེར་ཆེད་རྡ་ས་ས་རཱ་མཐོ་སློབ་ཁང་གི་ལོ་དུས་བཞིའི་སློབ་ཚན་༼བོད་ཀྱི་མཐོ་རིམ་རིག་གནས་༽ BA Tibetan Studies སློབ་གཉེར་ཆེད་ ༢༠༡༡… རྒྱས་པ་འདིར་གཟིགས་རོགས་གནང་།
  •    གསལ་སྒྲགས།
    གསལ་བསྒྲགས།
    ཟླ་བ་ ༤ ཚེས ༥ ༢༠༡༡
     
    ༢༠༡༡ ཟླ་ ༤ ཚེས་ ༥ རེས་གཟའ་མིག་དམར། ༄༅། །སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ཕྱི་ལུགས་ལྟར་དགུང་གྲངས་ ༧༥ ལ་ཕེབས་པའི་འཁྲུངས་ཚེས་དུས་སྟོན་ལོ་འཁོར་མོར་སྲུང་བརྩི་ཞུ་བཞིན་ཁོངས་བཀའ་ཤག་གིས་ཆེད་བཙུགས་གནང་བའི་དུས་སྟོན་གོ་སྒྲིག་ཚོགས་ཆུང་ནས་ལས་འཆར་འཆར་འབུལ་ཞུས་ཁོངས་ཀྱི་ལས་རིམ་ ༥ པར་ཕྱི་ཟླ་ ༤ པའི་ནང་བཙན་བྱོལ་བོད་གཞུང་ཐོག་མར་མ་སུ་རིར་དབུ་བརྙེས་པའི་དུས་ཚིགས་དང་བསྟུན་ཏེ་བཙན་བྱོལ་བོད་གཞུང་ལས་ཁུངས་མ་ལག་དང་བཅས་པའི་སྲི་ཞུའི་ལས་བྱེད་ཡོངས་ནས་བོད་མིའི་ཆོས་སྲིད་གཉིས་ཀྱི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་བསྐལ་པ་ཁྲི་ཕྲག་ནས་ཁྲི་ཕྲག་གི་བར་དུ་ཁ་བ་ཅན་གྱི་སྐྱེ་འགྲོ་ཡོངས་ཀྱི་མགོན་སྐྱབས་དཔུང་གཉེན་དམ་པར་༸སྐུ་ཚེ་༸ཞབས་པད་རྡོ་རྗེའི་ཁམས་སུ་བརྟན་པའི་གསོལ་འདེབས་བརྟན་བཞུགས་རྒྱས་འབུལ་དང་། མགོན་པོ་གང་གི་བཀའ་དགོངས་ཇི་བཞིན་སོ་སོའི་ལས་འགན་སྒྲུབ་རྒྱུར་ངོ་ལྐོག་རྒྱབ་མདུན་མེད་པ་ཧུར་བསྐྱེད་ཞུ་རྒྱུའི་དམ་འབུལ་ཞུ་རྒྱུ་བཅས་ཐུགས་གཏན་འཁེལ་ཡོད་པ་ལྟར། གཞུང་ཞབས་འདེམས་བསྐོ་ལྷན་ཁང་བརྒྱུད་ཇི་ལྟར་གསོལ་འདེབས་ཞུས་པ་བཞིན་བཀའ་བཞེས་བཟང་པོ་ཐོབ་སྟེ་བོད་རྒྱལ་ལོ་ ༢༡༣༨ ཟླ་ ༢ ཚེས་ ༢༠ དང་། ཕྱི་ལོ་ ༢༠༡༡ ཕྱི་ཟླ་ ༤ ཚེས་ ༢༢ གཟའ་སྐར་འཕྲོད་སྦྱོར་དགེ་བའི་ཉིན་ཚེ་དཔག་མེད་དྭངས་མ་བཅུད་འདྲེན་གྱི་ཆོ་གའི་སྒོ་ནས་བརྟན་བཞུགས་བསྟར་འབུལ་ཞུ་རྒྱུ་གནང་བ་ལྟར་གཞུང་ཞབས་འདེམས་བསྐོ་ལྷན་ཁང་གི་ཚོགས་གཙོ་མཆོག་གིས་གཙོ་སྐྱོང་གནང་སྟེ་རང་གཞུང་ལས་ཁུངས་ཁག་གི་དྲུང་ཆེ་རྣམས་བརྟན་བཞུགས་གོ་སྒྲིག་ཞུ་ཕྱོགས་དང་འབྲེལ་བའི་ལྷན་འཛོམས་སྔ་རྗེས་གནང་མཐར་བརྟན་བཞུགས་གོ་སྒྲིག་ཚོགས་ཆུང་ཞིག་ཟུར་འཛུགས་གནང་ཡོད་པའི་ཚོགས་གཙོར་ཆོས་རིག་དྲུང་ཆེ་ངག་དབང་ཆོས་གྲགས་ལགས་དང་། ཚོགས་མིར་གཞུང་ཞབས་འདེམས་ལྷན་དྲུང་ཆེ་སྣང་ས་ཆོས་སྒྲོན་ལགས། རྩིས་ཞིབ་དྲུང་ཆེ་མགོན་པོ་ཕུན་ཚོགས་ལགས། སྐུ་ཡིག་སྐུ་ངོ་བསྟན་པ་བཟོད་པ་ལགས་བཅས་ལ་ཐུགས་གཏན་འཁེལ་ཞིང་། ལས་ཁུངས་ཁག་ལ་གསལ་བརྡ་ཡིག་ཆུང་སྔོན་སོང་ལྟར་བརྟན་བཞུགས་ཆེད་སྲི་ཞུ་བ་རང་རང་བློས་བཅད་ཀྱི་ཞལ་འདེབས་འབུལ་འབབ་ཇི་ཡོད་འབྲེལ་ཡོད་ལས་ཁུངས་སམ་སྡེ་ཚན་སོ་སོ་བརྒྱུད་ཚོགས་ཆུང་ལ་ཕྱི་ལོ་ ༢༠༡༡ ཕྱི་ཟླ་ ༤ ཚེས་ ༧ ནང་ཚུད་ངེས་འབྱོར་ཐུབ་པ་དང་། དེ་བཞིན་ཚེ་དཔག་མེད་ཀྱི་གཟུངས་སྔགས་གསོག་སྒྲུབ་ཀྱིས་སྒྲུབ་ཐོ་ ༢༠༡༡ ཕྱི་ཟླ་ ༤ ཚེས་ ༢༠ ཉིན་ཕུལ་འབྱོར་ཟིན་པ་དགོས་རྒྱུ་བཅས་ཀྱི་གསལ་བསྒྲགས་སུ། གཞུང་ཞབས་བརྟན་བཞུགས་གོ་སྒྲིག་ཚོགས་ཆུང་ནས་ཕྱི་ལོ་ ༢༠༡༡ ཟླ་ ༤ ཚེ་ ༥ ལ།། རྒྱས་པ་འདིར་གཟིགས་རོགས་གནང་།
  •    གསལ་སྒྲགས།
    ཚོགས་བརྡ་གསལ་བསྒྲགས།
    ཟླ་བ་ ༤ ཚེས ༤ ༢༠༡༡
     
    ༢༠༡༡ ཟླ་ ༤ ཚེས་ ༤ རེས་གཟའ་ཟླ་བ། ༄༅། །བཙན་བྱོལ་བོད་མིའི་བཅའ་ཁྲིམས་དོན་ཚན་བཞི་བཅུ་ཞེ་གཅིག་པ་ནང་གསལ་སྐབས་བཅུ་བཞི་པའི་བོད་མི་མང་སྤྱི་འཐུས་ལྷན་ཚོགས་ཀྱི་གྲོས་ཚོགས་ཚོགས་དུས་ ༡༡ པའི་ཐོག་སྤྱི་མོས་ཀྱིས་གཏན་འབེབས་གནང་བའི་གཞུང་འབྲེལ་གྲོས་ཆོད་གྲོས་འཆར་ཡིག་ཆ་ཨང་ ༤༨ དགོངས་དོན་སྐབས་བཅུ་བཞི་པའི་བོད་མི་མང་སྤྱི་འཐུས་ལྷན་ཚོགས་ཀྱི་གྲོས་ཚོགས་འཕར་མ་ཞིག་ཚོགས་རྒྱུའི་འཆར་ཕུལ་ཕྱག་རྟགས་རིན་པོ་ཆེ་སྤྱི་བརྩལ་དགོངས་དོན་ཕྱི་ལོ་ ༢༠༡༡ ཟླ་ ༥ ཚེས་ ༢༥ རེས་གཟའ་ལྷག་པ་ནས་ཚེས་ ༢༨… རྒྱས་པ་འདིར་གཟིགས་རོགས་གནང་།
  •    གསལ་སྒྲགས།
    ཕྱི་ལོ་ ༢༠༡༡ ལོའི་བཙན་བྱོལ་བོད་གཞུང་གི་ས་མིག་དང་སློབ་ཡོན་གསལ་བསྒྲགས།
    ཟླ་བ་ ༣ ཚེས ༣༡ ༢༠༡༡
     
    དང་པོ། ཌིག་རི་སློབ་ཚན་ཆེད་ཟུར་བཅད་ས་མིག (RESERVED SEATS IN DEGREE COURSES) ཨང་། སློབ་ཚན། ས་མིག་གྲངས། འབྲེལ་ཡོད་མཐོ་སློབ་ཏུ་ཉུང་མཐའི་བརྒྱ་ཆ་དགོས་པ། སློབ་ཡོན་ཐོབ་པར་ཉུང་མཐའི་བརྒྱ་ཆ་དགོས་པ། 1. Medical seats (MBBS) 3 (three) 60%… རྒྱས་པ་འདིར་གཟིགས་རོགས་གནང་།
  •    གསལ་སྒྲགས།
    ཕྱི་ལོ་ ༢༠༡༡ ལོའི་སྲོང་བཙན་སློབ་ཡོན་གསལ་བསྒྲགས།
    ཟླ་བ་ ༣ ཚེས ༣༡ ༢༠༡༡
     
    ༢༠༡༡ ཟླ་ ༣ ཚེས་ ༣༡ རེས་གཟའ་ཕུར་བུ། ༄༅།། ཕྱི་ལོ་ ༢༠༡༠ ལོ་ནས་བཟུང་སྐུ་སྒེར་ཡིག་ཚང་ནས་སྲོང་བཙན་སློབ་ཡོན་གྱི་ས་མིག་གྲངས་ ༡༠ ནས་ ༢༥ ལ་སྤར་ཆ་བྱུང་བ་ལྟར་བཙན་བྱོལ་བོད་མི་སྐྱབས་བཅོལ་བའི་སློབ་ཕྲུག་གྲངས་ ༢༠ ལ་ཉེ་བའི་གཙུག་ལག་རབ་འབྱམས་པ་དང་། སློབ་ཕྲུག་གྲངས་ ༥ ལ་གཙུག་ལག་རབ་འབྱམས་པའི་སློབ་སྦྱོང་ཐོག་སློབ་ཡོན་ཞལ་བཞེས་གནད་སྨིན་བྱུང་བར།… རྒྱས་པ་འདིར་གཟིགས་རོགས་གནང་།
  •    གསལ་སྒྲགས།
    ཆེས་མཐོའི་ཁྲིམས་ཁང་གི་ཟབ་སྦྱོང་གསལ་བསྒྲགས།
    ཟླ་བ་ ༣ ཚེས ༢༩ ༢༠༡༡
     
    ༄༅། །འདི་ནས་ཕྱི་ལོ་ ༢༠༡༡ ཟླ་ ༣ ཚེས་ ༢༡ འཁོད་པའི་གསལ་བསྒྲགས་ཀྱི་ནང་ཕྱི་ལོ་ ༢༠༡༡ ཟླ་ ༥ ཚེས་ ༢༠ ནས་ཉིན་གྲངས་ ༡༠ རིང་བཙན་བྱོལ་བོད་མིའི་ཁྲིམས་རྩོད་པའི་སྦྱོང་བརྡར་ཐེངས་ ༣ པ་དེ་ཧྲཱ་དན་བདེ་སྐྱིད་གླིང་གཞིས་ཆགས་སུ་རྟེན་གཞི་བྱས་པའི་བྱང་ཕྱོགས་བོད་མིའི་ས་གནས་ཁྲིམས་ཞིབ་ཁང་དུ་གོ་སྒྲིག་གནང་རྒྱུའི་སྐོར་གསལ་ཡོད་པ་དེ་ལྟར་ཡང་།ཉེ་ཆར་བོད་མི་མང་སྤྱི་འཐུས་ལྷན་ཚོགས་ཀྱི་གྲོས་ཚོགས་ཚོགས་དུས་ ༡༡… རྒྱས་པ་འདིར་གཟིགས་རོགས་གནང་།
  •    གསལ་སྒྲགས།
    ཆེས་མཐོའི་ཁྲིམས་ཞིབ་ཁང་ནས་བཙན་བྱོལ་བོད་མིའི་ཁྲིམས་ལུགས་སྐོར་ཟབ་སྦྱོང་སྤྲོད་རྒྱུའི་གསལ་བསྒྲགས།
    ཟླ་བ་ ༣ ཚེས ༢༡ ༢༠༡༡
     
    ༄༅། །བཙན་བྱོལ་བོད་མིའི་ཆེས་མཐོའི་ཁྲིམས་ཞིབ་ཁང་ནས་ད་བར་རྒྱ་གར་དང་བལ་ཡུལ་ཁུལ་བོད་མིའི་གཞིས་ཆགས་དང་། ཁ་འཐོར་བོད་མིའི་འདུས་སྡོད་ཁག་བཅས་ཀྱི་སེར་སྐྱ་མང་ཚོགས་ལ་བཙན་བྱོལ་བོད་མིའི་ཁྲིམས་ལུགས་སྐོར་ཟབ་སྦྱོང་གི་ལམ་ནས་སྔ་རྗེས་གོ་རྟོགས་སྤེལ་ཡོད་ནའང་། རང་རིགས་མང་ཚོགས་ཁྲོད་ད་དུང་བཙན་བྱོལ་བོད་མིའི་ཁྲིམས་ལུགས་སྐོར་དང་། ཁ་མཆུ་ཞུ་གཏུག་གི་འགྲོ་ལུགས་བཅས་གོ་རྟོགས་གསལ་པོ་མ་ཆགས་པའི་རིགས་ཡོད་ན། དཀའ་ངལ་དེ་དག་རིམ་བཞིན་སེལ་ཐབས་སུ་གཞིས་ཆགས་དང་། ཁ་འཐོར་བོད་མིའི་འདུས་སྡོད་ཁག་བཅས་སུ་བཙན་བྱོལ་བོད་མིའི་ཁྲིམས་ལུགས་ཀྱི་སྦྱོོང་བརྡར་ཡོད་པའི་གཏན་འཇགས་བོད་མིའི་ཁྲིམས་རྩོད་པ་གང་མང་སྐྱེད་སྲིང་ཞུ་ཐུབ་པ་བྱུང་ན། ས་གནས་སོ་སོར་ཁྲིམས་གཏུག་ཞུ་སྟངས་མི་ཤེས་མཁན་ཚོར་ལམ་སྟོན་དང་། བོད་ཡིག་རང་རྐྱ་མ་འཕེར་མཁན་ཚོར་ཁ་མཆུའི་ཞུ་རྩ་ཞུ་ལན་འབྲི་རོགས་སོགས་རོགས་སྐྱོར་ཞུ་ཡུལ་ཡོད་པ། ཁ་མཆུ་ཞུ་གཏུག་གི་ཆེད་དུ་ཁྲིམས་རྩོད་པ་བསྟེན་དགོས་རིགས་ལ་ཁྲིམས་རྩོད་པའི་ལས་དོན་སྒྲུབ་མཁན་ཡོད་པ་བཅས་ཀྱི་དགོས་མཁོའི་མཐུན་རྐྱེན་ཡོད་པ་དེས་མང་ཚོགས་སྤྱི་དང་། ལྷག་པར་དུ་མི་མང་སྙོམས་ཆུང་ཉམ་ཐག་རྣམས་ལ་ཕན་ཐོགསཅི་ཆེ་ཡོང་རྒྱུའི་ཐོག། ས་གནས་ཁྲིམས་ཞིབ་ཁང་སོ་སོས་ཀྱང་ཁ་མཆུའི་གནད་དོན་ཞིབ་འཇུག་དང་། ཐག་གཅོད་ཀྱི་བྱ་རིམ་བཅས་གང་མྱུར་ཞུ་ཐུབ་པའི་དགེ་མཚན་ཆེ་ཙམ་ཡོང་རྒྱུ་བཅས་ཀྱི་དགོས་དམིགས་གལ་ཆེར་བརྩིས་ཏེ། སྔ་ལོ་ ༢༠༡༠ ཟླ་ ༧ པའི་ནང་ལྷོ་ཕྱོགས་བོད་མིའི་ས་གནས་ཁྲིམས་ཞིབ་ཁང་གི་ཁྱབ་ཁོངས་གཞིས་ཆགས་དང་ཁ་འཐོར་བོད་མིའི་འདུས་སྡོད་ཁག་ནས་མི་འགྲོ་གྲངས་ ༣༥ ལ་བཙན་བྱོལ་བོད་མིའི་ཁྲིམས་རྩོད་པའི་སྦྱོང་བརྡར་གོ་སྒྲིག་ཞུས་པར་ཕན་ཐོགས་གང་ལེགས་བྱུང་ཡོད་པ་དང་། བཙན་བྱོལ་བོད་མིའི་ཁྲིམས་རྩོད་པའི་སྦྱོང་བརྡར་གྱི་ལས་རིམ་མཇུག་སྐྱོང་ཁོངས་སུ། བྱང་ཕྱོགས་བོད་མིའི་ས་གནས་ཁྲིམས་ཞིབ་ཁང་གི་ཁྱབ་ཁོངས་དེ་ཧྲཱ་དན་ས་གནས་འགོ་འཛིན་ཁྱབ་ཁོངས་ནས་མི་འགྲོ་ ༥ དང་། ཧ་པ་སྤར་ས་གནས་འགོ་འཛིན་ཁྱབ་ཁོངས་ནས་མི་འགྲོ་ ༢།  སྤོན་ཌ་ས་གནས་འགོ་འཛིན་ཁྱབ་ཁོངས་ནས་མི་འགྲོ་ ༢།  ས་ཌོན་གཞིས་ཆགས་ནས་མི་འགྲོ་ ༡། ཀམ་རའོ་གཞིས་ཆགས་ནས་མི་འགྲོ་ ༡། སྤར་ཝ་ལ་གཞིས་ཆགས་ནས་མི་འགྲོ་ ༢། བིར་བོད་ཚོགས་གཞིས་ཆགས་ནས་མི་འགྲོ་ ༢། བིར་སྡེ་དགེ་གཞིས་ཆགས་ནས་མི་འགྲོ་ ༢། ཅོན་ཏ་ར་ནང་ཆེན་གཞིས་ཆགས་ནས་མི་འགྲོ་ ༢། པབ་རོ་ལ་བཀྲིས་ལྗོངས་གཞིས་ཆགས་ནས་མི་འགྲོ་ ༢། ཀུ་ལུ་ས་གནས་འགོ་འཛིན་ཁྱབ་ཁོངས་ནས་མི་འགྲོ་ ༢། མན་ཌི་ས་གནས་འགོ་འཛིན་ཁྱབ་ཁོངས་ནས་མི་འགྲོ་ ༢། སིམ་ལ་ས་གནས་འགོ་འཛིན་ཁྱབ་ཁོངས་ནས་མི་འགྲོ་ ༢། ཌོ་ལན་ཇི་བོན་གཞིས་ནས་མི་འགྲོ་ ༢། ཌལ་ཧོར་ས་གནས་འགོ་འཛིན་ཁྱབ་ཁོངས་ནས་མི་འགྲོ་ ༢། ལྷ་རམ་ཤཱ་ལ་ས་གནས་འགོ་འཛིན་ཁྱབ་ཁོངས་ནས་མི་འགྲོ་ ༣། ལྡི་ལི་ས་གནས་འགོ་འཛིན་ཁྱབ་ཁོངས་ནས་མི་འགྲོ་ ༢། བཅས་ཁྱོན་བསྡོམས་མི་གྲངས་ ༣༦ ལ་ཆེས་མཐོའི་ཁྲིམས་ཞིབ་ཁང་ནས་ཕྱི་ལོ་ ༢༠༡༡ ཟླ་ ༥ ཚེས་ ༢༠ ནས་ཉིན་གྲངས་ ༡༠ རིང་བཙན་བྱོལ་བོད་མིའི་ཁྲིམས་རྩོད་པའི་སྦྱོང་བརྡར་ཐེངས་ ༣ པ་དེ་ཧྲཱ་དན་བདེ་སྐྱིད་གླིང་གཞིས་ཆགས་སུ་རྟེན་གཞི་བྱས་པའི་བྱང་ཕྱོགས་བོད་མིའི་ས་གནས་ཁྲིམས་ཞིབ་ཁང་དུ་གོ་སྒྲིག་གནང་རྒྱུ་ཐུགས་གཏན་འཁེལ་བ་ཡིན་ན། བཙན་བྱོལ་བོད་མིའི་ཁྲིམས་རྩོད་པའི་སྦྱོང་བརྡར་གྱི་ལས་རིམ་ནང་འཛུལ་ཞུགས་བྱ་བློ་ཡོད་རིགས་ལ་སྤྱི་མང་གཏུག་བཤེར་འགྲོ་ལུགས་ཁྲིམས་ཡིག་གི་དོན་ཚན་ ༢༢ ཁ པ་ནང་གསལ་ཆ་རྐྱེན་ཁག་ཅིག་དང་། དགོས་ངེས་ཀྱི་ཆ་རྐྱེན་སྣོན་མ་བཅས་གཤམ་གསལ་ཆ་རྐྱེན་རྣམས་ཚང་དགོས་པ་ཡིན། ཆ་རྐྱེན། ༡༽ བོད་ཀྱི་ཡུལ་མི་ཡིན་པ། ༢༽ རང་ལོ་ ༢༥ ཧྲིལ་པོ་སོན་པ་ཡན། ༣༽ རིག་འཚོ་མ་ཟིན་པ་མ་ཡིན་པའི་སྨན་པའི་ངོས་སྦྱོར་ཡོད་པ། ༤༽ དཔྱ་ཁྲལ་ལག་དེབ་ཀྱི་འབུལ་འབབ་དུས་འབུལ་ཞུ་བཞིན་ཡོད་པའི་ས་གནས་རང་བདེན་ཚོགས་ཆུང་གི་ངོས་སྦྱོར་ཡོད་པ། ༥༽ ཤེས་ཚད་ལག་ཁྱེར་ཡོད་ན། དེ་དག་གི་ངོ་བཤུས། ༦༽ བོད་ཀྱི་སྐད་ཡིག་ཤེས་པ། ༧༽ ལོ་འཁོར་གཅིག་ནང་ས་གནས་སུ་དུས་ཚོད་མི་ཉུང་བ་ཞིག་གཏན་སྡོད་ཐུབ་མཁན། ༨༽ ཁྲིམས་ཀྱི་སློབ་སྦྱོང་ཐོན་པའི་ལག་ཁྱེར་ཡོད་རིགས་ལ་དམིགས་བསལ་ཆ་རྐྱེན་དུ་དགོངས་བཞེས་གནང་རྒྱུ་བཅས། གོང་གསལ་ཆ་རྐྱེན་ཚང་བ་རྣམས་ནས་ ༢༠༡༡ ཟླ་ ༤ ཚེས་ ༡༥ འགྱངས་མེད་འཚང་སྙན་དང་དག་མཆན་འཁོད་པའི་ཡིག་ཆ་བཅས་ཁུངས་སོ་སོའི་ས་གནས་འགོ་འཛིན་ལས་ཁུངས་སུ་འབུལ་ཐུབ་པ་དགོས་རྒྱུ་དང་། ས་གནས་སོ་སོའི་མང་ཚོགས་ཁྲོད་ནས་འཚང་སྙན་འབུལ་མཁན་མང་པོ་ཡོད་ཚེ། དེ་དག་གི་ཁོངས་ནས་ཆ་བགོས་ཐོབ་ཆའི་མི་འགྲོ་འདམ་སྟེ། མི་འགྲོ་སོ་སོའི་འཚང་སྙན་དང་ཡིག་ཆ་ཁག་ཆེས་མཐོའི་ཁྲིམས་ཞིབ་ཁང་དུ་ ༢༠༡༡ ཟླ་ ༤ ཚེས་ ༢༩ ནང་ཚུད་འབུལ་འབྱོར་ཐུབ་པ་དགོས་རྒྱུ། ཆེས་མཐོའི་ཁྲིམས་ཞིབ་ཁང་ནས་གོང་གསལ་ལས་འཆར་སྐོར་འབྲེལ་ཡོད་ས་གནས་འགོ་འཛིན་རྣམ་པར་ ༢༠༡༡ ཟླ་ ༣ ཚེས་ ༡༩ འཁོད་པའི་ཕྱག་བྲིས་ཕུལ་ཟིན་ན། བཙན་བྱོལ་བོད་མིའི་ཁྲིམས་རྩོད་པའི་སྦྱོང་བརྡར་ཐེངས་ ༣ པའི་ལས་རིམ་འདི་ནང་ཁྱབ་ཁོངས་སོ་སོར་མི་འགྲོ་ཆ་བགོས་ཞུས་པ་ལྟར་ཆ་ཚང་འཛུལ་ཞུགས་ཐུབ་ཐབས་སུ་འབྲེལ་ཡོད་ཚང་མས་མཐུན་འགྱུར་གནང་ཕྱོགས་ཡོང་བའི་རེ་སྐུལ་ཞུ་རྒྱུ་བཅས་ཀྱི་གསལ་བསྒྲགས་སུ། ཆེས་མཐོའི་ཁྲིམས་ཞིབ་ཁང་ནས། ཕྱི་ལོ་ ༢༠༡༡ ཟླ་ ༣ ཚེས་ ༢༡ ལ།། རྒྱས་པ་འདིར་གཟིགས་རོགས་གནང་།
  •    གསལ་སྒྲགས།
    གསལ་བསྒྲགས།
    ཟླ་བ་ ༣ ཚེས ༡༤ ༢༠༡༡
     
    ༄༅། །བོད་མི་མང་སྤྱི་འཐུས་སྐབས་ ༡༥ པའི་དངོས་གཞི་མིང་གཞུང་གསལ་བསྒྲགས་བྱ་རྒྱུའི་ཁོངས་ནས་ཐེ་ཝན་དུ་གཏན་སྡོད་བྱེད་བཞིན་པ་སྨར་ཁམས་ཆོས་འཕེལ་ལགས་ཀྱི་མིང་ཕྱིར་འཐེན་བྱས་པའི་རྒྱུ་མཚན་གཙོ་བོ། ༡༽ཨེ་ཤ་ཡ་གླིང་ཆེན་ནང་རྒྱ་བལ་འབྲུག་གསུམ་ཕུད་པའི་ཐེ་ཝན་དང་ཉི་ཧོང་སོགས་སུ་གཏན་སྡོད་བྱེད་བཞིན་པའི་བོད་མི་རྣམས་ནས་བཅའ་ཁྲིམས་དང་འོས་བསྡུའི་སྒྲིག་གཞི་དགོངས་དོན་ལྟར་བཀའ་ཁྲིར་འོས་བླུགས་ཆོག་ཀྱང་། སྤྱི་འཐུས་ལ་འོས་བླུགས་པ་དང་འོས་གཞིར་ཞུགས་མི་ཆོག ༢༽༢༠༠༩ ཟླ་ ༡༠ ཚེས་ ༡༣ ཉིན་སྨར་ཁམས་ཆོས་འཕེལ་ཐེ་བའི་ཐེ་ཝན་ནང་གཏན་སྡོད་བོད་མི་ ༨ ནས་སྤྱི་འཐུས་རྒྱུན་ལས་སུ་མིང་རྟགས་འཁོད་པའི་སྙན་ཞུ་ཕུལ་བའི་ནང་མ་འོངས་པར་ཐེ་ཝན་མི་མང་གི་སྐུ་ཚབ་སྤྱི་འཐུས་གཅིག་ལས་མ་ཉུང་བ་བསྐོ་འདེམས་ཆོག་པའི་ཁྲིམས་ལུགས་གཏན་འབེབས་བཀའ་འཁྲོལ་ཞུས་པ་དེས་བཙན་བྱོལ་གཞུང་གི་ད་ལྟའི་བཅའ་སྒྲིག་འོག་ཐེ་ཝན་གནས་སྡོད་བོད་མི་མང་རྣམས་ནས་ཆོལ་ཁའི་སྤྱི་འཐུས་སུ་འོས་བླུགས་རྒྱུ་དང་འོས་གཞིར་ཞུགས་མི་ཆོག་པ་མཚོན་ཡོད།༣༽བོད་མི་མང་སྤྱི་འཐུས་སྐབས་ ༡༤ པའི་གྲོས་ཚོགས་ལས་རིམ་གསར་ཤོག་འདོན་ཚེས་ ༢༠༡༠ ཟླ་ ༡༠… རྒྱས་པ་འདིར་གཟིགས་རོགས་གནང་།
  •    གསལ་སྒྲགས།
    གསར་འགོད་གསལ་བསྒྲགས།
    ཟླ་བ་ ༣ ཚེས ༩ ༢༠༡༡
     
    ༄༅། །སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་དབུ་ཁྲིད་འོག་བཙན་བྱོལ་བོད་གཞུང་འཕྲོད་བསྟེན་ལས་ཁུངས་གསར་འཛུགས་བསྐྱངས་པ་ནས་བཟུང་དབུས་ས་གཉིས་ཀྱི་འཕྲོད་བསྟེན་ལས་བྱེད་ཆེ་ཕྲ་ཡོངས་ཀྱི་ལྷག་བསམ་དང་ཧུར་བརྩོན་ལ་བརྟེན་ནས་བོད་མིའི་སྡོད་སྒར་ཁག་གི་ནང་དགོས་ངེས་ཀྱི་གཞི་རིམ་འཕྲོད་བསྟེན་ལྟ་སྐྱོང་གི་རྨང་གཞི་འཛུགས་སྐྲུན་(Primary Healthcare Services) གང་ལེགས་ཐུབ་སྟེ། ད་ཆ་བཙན་བྱོལ་བོད་མིའི་གཞི་རིམ་འཕྲོད་བསྟེན་གནས་བབས་འོས་འཚམས་ཡོད་རུང། ནད་གཞི་ཚབས་ཆེའི་དབང་གིས་སྨན་ཁང་ནང་ཡུན་རིང་བཅོས་སྡོད་དགོས་པའི་གཞི་རིམ་གཉིས་པ་དང་གསུམ་པའི་སྨན་བཅོས་བྱ་དགོས་རིགས་(Secondary Treatment and Tertiary Treatment)ས་གནས་ཕྱིའི་སྨན་ཁང་འདྲ་མིན་དུ་བསྟེན་གཏུགས་བྱ་དགོས་ཀྱིས་འགྲོ་གྲོན་དཀའ་ངལ་འཕྲད་བཞིན་པ་རྣམས་ལ་འཕྲོད་བསྟེན་ལས་ཁུངས་ནས་སྨན་གྲོན་བརྒྱ་ཆ་གང་ཙམ་རེ་གནང་སྲོལ་ཡོད་ཀྱང་། གཞུང་གྲོན་ཆེ་ལ་མང་ཚོགས་ལ་ཕན་ཐོགས་ཆ་ཚང་མེད་པར་ཞིག་ཏུ་ཉམས་མྱོང་དངོས་བྱུང་ལ་བརྟེན། ད་ཆ་བཙན་བྱོལ་བོད་མི་ཡོངས་ལ་གཞི་རིམ་གཉིས་པ་དང་གསུམ་པའི་སྨན་བཅོས་ལྟ་སྐྱོང་སྤྱི་སྙོམས་ཡོང་སླད་བོད་མིའི་དང་བླངས་འཕྲོད་བསྟེན་ཚོགས་པའི་དམིགས་ཡུལ་ལྟར་འཕྲོད་བསྟེན་ཉེན་སྲུང་ལྟ་བུའི་ཛ་དྲག་སྨན་བཅོས་ཉེན་སྐྱོབ་ཀྱི་ལས་གཞི་ཞིག་གཞུང་མང་མཉམ་རུབ་ཀྱིས་ལག་བསྟར་བྱ་རྒྱུར་བཀའ་ཤག་ནས་བོད་མིའི་སྨན་བཅོས་ལྟ་སྐྱོང་ལས་གཞི། ཞེས་པ་གཏན་འབེབས་བཀའ་འཁྲོལ་དང་སྦྲགས་ལམ་སྟོན་ཕེབས་པ་བཞིན། ཕྱི་ལོ་ ༢༠༡༡ ཟླ་ ༤ ཚེས་… རྒྱས་པ་འདིར་གཟིགས་རོགས་གནང་།