༄༅། །སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ཕྱི་ལུགས་ལྟར་དགུང་གྲངས་ ༨༩ ལ་ཕེབས་པའི་༸སྐུའི་འཁྲུངས་སྐར་དུས་ཆེན་ཀུ་ལླུ་རྫོང་ཁོངས་སུ་གནས་སྡོད་བོད་མི་སེར་སྐྱ་ཕོ་མོ་རྒན་གཞོན་རྣམས་ནས་རྡོ་སྦི་དཔལ་རབ་གླིང་དུ་ཚོགས་འཛོམས་ཀྱིས་སྲུང་བརྩི་གང་ལེགས་ཞུས་ཡོད།དེ་ཡང་ཁྱད་པར་ཅན་གྱི་ཉིན་དེར་སྐུ་མགྲོན་གྱི་གཙོ་བོ་ (Dr.Karthikeyan Gokulachandran,IPS (Superintendent of Police Kullu) ལགས་དང་། དམིགས་བསལ་སྐུ་མགྲོན་དུ་དཔལ་ལྡན་འོན་མངའ་རིས་དགོན་པའི་མཁྱེན་ཚབ་དགེ་བཤེས་ལྷ་རམས་པ་དགེ་འདུན་ཕུན་ཚོགས་ལགས། གཞན་ཡང་རྒྱ་གར་གྱི་སྣེ་ཡོད་མི་སྣ་མི་ཉུང་བ་ཞིག་གདན་ཞུས་ཀྱིས་སྲུང་བརྩི་ཟབ་རྒྱས་ཞུས་ཡོད།
༸རྒྱལ་བའི་༸སྐུའི་འཁྲུངས་ལྷ་དབྱར་གསོལ་གྱི་ཞོགས་པར་གཞིས་མི་ཡོངས་ནས་ལྷ་བསང་འཕྲིན་བསྐུལ་དང་། ༸རྒྱལ་བའི་ཞབས་བརྟན། སྨན་བླའི་གཟུང་སྔགས་སོགས་གསོག་སྒྲུབ་ཞུས་ཡོད་ལ་སྒོས་སུ་བཀྲ་ཤིས་པའི་ཉིན་མོར་དགའ་སྟོན་མཚོན་སླད་མ་ན་ལི་སཾ་བྷོ་ཊའི་ཉིན་སློབ་ཀྱི་སློབ་མ་དང་། ཁ་འཐོར་ས་ཁག་སོ་སོའི་ཕོ་མོ་རྒན་གཞོན་རྣམས་ནས་གཞས་སྣ་འཁྲབ་སྟོན་གཟིགས་འབུལ་ཞུས་ཡོད།མདོར་ན་འདི་ལོ་༸རྒྱལ་བའི་༸སྐུའི་འཁྲུངས་ལྷ་དབྱར་གསོལ་འདི་བཞིན་ཀུ་ལླུ་རྫོང་ཁོངས་བོད་མིའི་འཁྲུངས་སྐར་གོ་སྒྲིག་ཚོགས་ཆུང་གི་གོ་སྒྲིག་འོག་ཆོས་ཕྱོགས་དང་འཇིག་རྟེན་པའི་ལུགས་ཟུང་ཐོག་སྲུང་བརྩི་ཟབ་རྒྱས་ཞུས་ཐུབ་པ་བྱུང་ཡོད་པ་བཅས། །
