༄༅། །འདི་གར་ཕ་རན་སི་འབྲེལ་མཐུད་ལས་ཁངས་ནས་བཏང་གནས་ནང་འཁོད་དོན། ཕ་རན་སི་ས་གནས་ཨ་མི་ཡཱ་ནང་ཡོད་པའི་ (Aides et Espoir pour le Monde Tibetain (AEMT) ཞེས་པའི་བོད་དོན་རྒྱབ་སྐྱོར་ཚོགས་པའི་ཚོགས་གཙོ་ཨ་མ་ཡུ་ལོང་ (Yolande Caumont) ལགས་ཀྱིས་བོད་ཀྱི་དུས་ཆེན་ཐེངས་ཉི་ཤུ་རྩ་གསུམ་པའི་ཐོག་སྦར་སིལ་སྐུ་ཚབ་དོན་གཅོད་ཀྱི་ཚབ་ཞུས་ཏེ་པེ་རི་སི་འབྲེལ་མཐུད་པ་ཐུབ་བསྟན་ཚེ་རིང་ལགས་མཛད་སྒོ་བཅར་པ་ཡིན།སྐབས་དེར་ཕྱི་རྒྱལ་མི་སྣ་གྲངས་སུམ་ཅུ་ལྷག་ཙམ་དང་བོད་མི་གྲངས་ཉི་ཤུ་ཙམ་བཅས་ལྷན་འཛོམས་གནང་འདུག ཚོགས་པ་དེའི་བོད་དོན་ཐོག་ལས་ཀ་བྱས་ནས་ལོ་གྲངས་ཉི་ཤུ་རྩ་ལྔ་ལྷག་ཙམ་འགྲོ་བཞིན་ཡོད། ཚོགས་པའི་འགན་འཁུར་གྱི་ས་གནས་རྫོང་དཔོན་ལས་ཁུངས་ཀྱི་ཉེ་འགྲམ་ལྷ་ཁང་སྟེང་བོད་ཀྱི་རྒྱལ་དར་ལོ་ལྟར་ཕྱི་ཟླ་གསུམ་པའི་ཚེས་ ༡༠ ནས་ཟླ་བ་གཅིག་རིང་སྒྲེང་འཛུགས་ཞུ་ནས་ལོ་གྲངས་ཉི་ཤུ་ལྷག་འགྲོ་བཞིན་འདུགདེ་རིང་བོད་ཀྱི་དུས་སྟོན་ཐོག་བོད་ཀྱི་རང་དབང་ཞེས་པའི་གློག་བརྙན་ཆུ་ཚོད་གཅིག་ལྷག་ཙམ་ཡོད་པ་སྟོན་གནང་བ་མ་ཟད། བོད་པའི་ལག་ཤེས་ཅ་དངོས་ཚོང་བསྒྱུར་ཞུས་ཡོད།  གློག་བརྙན་གཟིགས་འབུལ་གྲུབ་མཚམས་གཟིགས་མོ་བ་རྣམས་ལ་ད་ལྟའི་བོད་ནང་གི་གནས་སྟངས་ངོ་སྤྲོད་དང་། ས་གནས་ཕ་རན་སི་གཞུང་ལ་ཐུགས་རྗེ་ཆེ་ཞུ་དང་མ་འོངས་པར་མུ་མཐུད་སྔར་ལྷག་མཐུན་འགྱུར་དང་རྒྱབ་སྐྱོར་ཡོང་བའི་སྐད་ཆ་བཤད་རྒྱུའི་གོ་སྐབས་བྱུང་།