ཕྱི་ལོ་ ༢༠༢༠ ཟླ་ ༡༠ ཚེས་ ༡༥ རེས་གཟའ་ཕུར་བུ། 

  ༄༅། །བོད་མིའི་སྒྲིག་འཛུགས་ཤེས་རིག་ལས་ཁུངས་ནས་འཛིན་རིམ་བཅུ་གཉིས་ཚན་རིག་སློབ་ཚན་ཐོན་སྟེ་ལོ་གཅིག་གི་རིང་སློབ་མཚམས་འཇོག་མཁན་སློབ་ཕྲུག་གྲངས་ ༡༠ ལ་ཕྱི་ལོ་༢༠༢༡ ལོའི་རྒྱ་གར་རྒྱལ་ཡོངས་ཀྱི་སྨན་པ་ MBBS དང་ Engineering གཉིས་ཀྱི་ཚུད་རྒྱུགས་གྲ་སྒྲིག་གི་སློབ་ཡོན་གནང་རྒྱུ་ཡིན་པ་དང་། འཚང་སྙན་རྣམས་གཤམ་གསལ་དྲ་ལམ་སྦྲེལ་ཐག་བརྒྱུད་ཕྱི་ལོ་༢༠༢༠ ཟླ་  ༡༡ ཚེས་ ༡༥ ཕྱི་དྲོ་ཆུ་ཚོད་ ༥ པའི་ནང་ཚུན་འབུལ་ལམ་ཞུས་ཟིན་དགོས་པའི་གསལ་བསྒྲགས་སུ། 

https://forms.gle/Dd1EtvazhWmPN4h16 

སློབ་ཡོན་ཞུ་ལེན་གྱི་དགོས་ངེས་ཆ་རྐྱེན་ཁག་གཤམ་གསལ།  

༡། ཤེས་རིག་སློབ་ཡོན་འགེངས་ཤོག་ཀ་པ་ཞིབ་བཀང་གིས་འབྲེལ་ཡོད་ས་གནས་འགོ་འཛིན་ནས་དག་མཆན་འཁོད་པ་དགོས་རྒྱུ།

༢། འཛིན་རིམ་བཅུ་གཉིས་ NEET/JEE བཅས་ཀྱི་ཡིག་རྒྱུགས་གྲུབ་འབྲས་ཨང་ཤོག་གི་ངོ་བཤུས་མཉམ་འབུལ་དགོས་རྒྱུ། (འདམ་ཀ)

༣། འཛིན་རིམ་བཅུ་གཉིས་ཚན་རིག་དང་ཨང་རྩིས་ PCM/PCB གཉིས་ཀི་གྲུབ་འབྲས་ཉུང་མཐར་བརྒྱ་ཆ་ ༦༠ ལོན་པ་དགོས། ཕྱི་ལོ་ ༢༠༢༠ ལོར་ཐོན་པའི་སློབ་ཕྲུག་རྣམས་ལ་དམིགས་བསལ་དགོངས་བཞེས་གནང་རྒྱུ། 

༤། འཚང་སྙན་འབུལ་མི་རྣམས་འཛིན་རིམ་བཅུ་པ་བར་བོད་པའི་སྐད་ཡིག་ཐོག་སློབ་སྦྱོང་བྱས་པའམ་ཡང་ན་དེ་དང་ཚད་མཉམ་བོད་ཡིག་ཡིག་རྒྱུགས་འཕྲོད་པ་ཞིག་དགོས་རྒྱུ། 

༥། སློབ་ཡོན་ཞུས་ཐོབ་རྗེས་རྒྱུ་མཚན་ཡང་དག་མེད་པར་སློབ་མཚམས་བཞག་ཚེ་སློབ་ཡོན་འགྲོ་གྲོན་ཕྱིར་སློག་དགོས་རྒྱུ། 

སློབ་ཡོན་དངུལ་འབོར། སློབ་ཡོན་མཐོ་ཚད་འབུམ་གཅིག་བར་གནང་རྒྱུ།  

ཕྱི་ལོ་ ༢༠༢༠ ཟླ་ ༡༠ ཚེས་ ༡༥ ཉིན་ཤེས་རིག་ལས་ཁུངས་ནས།

For inquiry, please contact: 

Mrs Sonam Sangmo or Ms Tenzin Tashi 

Email: [email protected] 

[email protected] 

Phone: +91-1892-222572, 222721 

Web:www.sherig.org/en/ 

FB: www.facebook.com/doe.lobyon/