ཟླ་བ་ ༥ ཚེས ༡༢ ༢༠༢༠

ཕྱི་ལོ་ ༢༠༢༠ ཟླ་ ༥ ཚེས་ ༡༢ རེས་གཟའ་མིག་དམར།

༄༅། །བོད་ཀྱི་སྲིད་བྱུས་ཉམས་ཞིབ་ཁང་གི་བོད་ཀྱི་ན་གཞོན་ཉམས་ཞིབ་པའི་ཚོགས་འདུ་ཐེངས་དྲུག་པ་དེ་ཕྱི་ལོ་ ༢༠༢༠ ཕྱི་ཟླ་ ༡༡ ཚེས་ ༩ ནས་ ༡༡ བར་ཉིན་གསུམ་རིང་འཚོགས་རྒྱུར་གཏན་འཁེལ་ཡོད། འདི་ལོའི་ཉམས་ཞིབ་ཚོགས་འདུའི་ནང་རྒྱ་གར་ཡུལ་གྲུ་ཁག་གི་གཙུག་ལག་སློབ་ཆེན་ནང་ཡོད་པའི་བོད་རིགས་སློབ་མ་འབུམ་རམས་པ་དང་། ཉེ་བའི་འབུམ་རམས་པ། གཙུག་ལག་རབ་འབྱམས་པ། དེ་བཞིན་ཉམས་ཞིབ་ལྟེ་གནས་ཁང་འདྲ་མིན་ནང་ཉམས་ཞིབ་གནང་བཞིན་པའི་ཉམས་ཞིབ་པ་རྣམས་ནས་སོ་སོའི་སློབ་ཚན་དང་འབྲེལ་བརྗོད་གཞི་བོད་ཀྱི་ཆབ་སྲིད་དང་རིག་གཞུང་། མི་རིགས། ཆོས་འབྱུང་དང་རྒྱལ་རབས། ཁོར་ཡུག་སོགས་དང་འབྲེལ་བའི་གཏམ་བཤད་དང་དཔྱད་རྩོམ་གནང་རྒྱུ།

ཚོགས་བཅར་དེབ་སྐྱེལ།

  • ཚོགས་བཅར་གནང་འདོད་ཡོད་པ་རྣམས། ཕྱི་ལོ་ ༢༠༢༠ ཟླ་ ༦ ཚེས་ ༡ རེས་གཟའ་ཟླ་བ་ཆུ་ཚོད་ ༥ འགྱངས་མེད་དེབ་སྐྱེལ་དང་།  རྩོམ་ཡིག་སྙིང་བསྡུས་ཚིག་འབྲུ་ ༢༥༠ ལས་མི་ཉུང་བ་དང་། ༣༠༠ ལས་མི་མང་བ་གཏོང་དགོས་པ་ཡིན།
  • དྲྭ་རྒྱའི་དེབ་སྐྱེལ་གྱི་འགེངས་ཤོག་དགང་དགོས་པ་དང་ཡང་ན་བོད་ཀྱི་སྲིད་བྱུས་ཉམས་ཞིབ་ཁང་གི་དྲ་རྒྱ་ www.tibetpolicy.net ནས་དེབ་སྐྱེལ་གྱི་འགེངས་ཤོག་ཕབ་ལེན་ཞུ་ཆོག
  • ཚོགས་འདུ་འདིར་བོད་རིགས་སློབ་མ་འབུམ་རམས་པ་དང་། ཉེ་བའི་འབུམ་རམས་པ། གཙུག་ལག་རབ་འབྱམས་པ། དེ་བཞིན་ཉམས་ཞིབ་ལྟེ་གནས་ཁང་ནང་ཉམས་ཞིབ་གནང་བཞིན་པའི་ཉམས་ཞིབ་པ་རྣམས་ནས་ཚོགས་བཅར་གནང་ཆོག
  • ཚོགས་བཅར་བ་རྣམས་ཀྱི་ལམ་གྲོན་དང་། བཞུགས་གནས་སོགས་ཚོགས་འདུ་གོ་སྒྲིག་པས་རྩིས་འབུལ་ཞུ་རྒྱུ།

རྩོམ་བསྡུ་དང་འབྲེལ་བའི་གནད་དོན།

  • རྩོམ་ཡིག་སྙིང་བསྡུས་རྣམས་ལ་ཞིབ་འཇུག་ཟིན་རྗེས། ༢༠༢༠ ཟླ་ ༦ ཚེས་ ༡༥ རེས་གཟའ་ཟླ་བ་ཆུ་ཚོད་ ༥ གོང་གཏམ་བཤད་གནང་མཁན་དོ་བདག་སོ་སོར་འབྲེལ་བ་ཞུ་རྒྱུ།
  • རྩོམ་ཡིག་ཚིག་འབྲུ་ ༣༥༠༠ ལས་མི་ཉུང་བ་དང་། ༤༠༠༠ ལས་མི་མང་བ་ ༢༠༢༠ ཟླ་ ༡༠ ཚེས་ ༡ རེས་གཟའ་ཕུར་བུ་ཕྱི་དྲོ་ཆུ་ཚོད་ ༥ གོང་ཚོགས་འདུ་གོ་སྒྲིག་པར་འབུལ་འབྱོར་ཟིན་པ་དགོས་རྒྱུ།
  • རྩོམ་ཡིག་དང་གཏམ་བཤད་གཉིས་བོད་ཨིན་སྐད་ཡིག་གང་རུང་བཀོད་སྤྱོད་ཆོག །

ཚོགས་འདུའི་སྐོར་དོགས་འདྲི་ཡོད་ཚེ། བོད་ཀྱི་སྲིད་བྱུས་ཉམས་ཞིབ་ཁང་གི་འགན་འཛིན་གཞོན་པ་བསྟན་འཛིན་ལེགས་བཤད་ལ་ཐད་ཀར་འབྲེལ་བ་གནང་རོགས།

འབྲེལ་གཏུག

གློག་འཕྲིན། [email protected] 

ཁ་པར་ཨང་གྲངས་ ༨༨༥༡༨༢༢༩༩༠