ཟླ་བ་ ༡ ཚེས ༡༣ ༢༠༢༠
 གསར་ལས་ཁང་གི་གསར་འགོད་པས།

ཕྱི་ལོ་ ༢༠༢༠ ཟླ་ ༡ ཚེས་ ༡༣ རེས་གཟའ་ཟླ་བ། 

༄༅། །ཕྱི་ལོ་ ༢༠༢༠ ཟླ་ ༡ ཚེས་ ༡༣ རེས་གཟའ་ཟླ་བའི་ཉིན་བོད་མིའི་སྒྲིག་འཛུགས་ཀྱི་དཔལ་ལྡན་སྲིད་སྐྱོང་བློ་བཟང་སེངྒེ་མཆོག་གིས་ཐེ་ཝན་གྱི་སྲིད་འཛིན་ལྕམ་སྐུ་ཚའི་ཨིང་ཝིན་ Tsai Ing-wen མཆོག་ལ་ཐེངས་འདིར་སླར་ཡང་ཐེ་ཝན་རྒྱལ་ཡོངས་འོས་བསྡུ་ཆེན་མོའི་ནང་ཚད་མཐོའི་རྒྱལ་ཁ་ཐོབ་ནས་ཡུལ་དེའི་སྲིད་འཛིན་དུ་འདེམས་ཐོན་བྱུང་བར་འཚམས་འདྲི་ཞུས་པའི་ནང་སྲིད་འཛིན་མཆོག་གི་དབུ་ཁྲིད་འོག  ཐེ་ཝན་མི་མང་ཁྲོད་རང་དབང་དང་འདྲ་མཉམ་གྱི་ཐོབ་ཐང་། མང་གཙོའི་ལམ་ལུགས་སྲ་བརྟན་བཅས་ཀྱི་ལས་དོན་ཐོག་འགོ་ཁྲིད་ཀྱི་ནུས་པ་གཟེངས་སུ་ཐོན་པར་ངས་ཡི་རངས་བསྔགས་བརྗོད་ཞུས།  ཐེངས་འདིར་ལྕམ་སྐུ་མཆོག་སླར་ཡང་སྲིད་འཛིན་དུ་བདམས་པ་དེ་ནི་མི་མང་གིས་མང་གཙོའི་ལམ་ལུགས་ལ་ཡིད་ཆེས་བརྟན་པོ་ཡོད་པ་གསལ་འདོན་བྱས་པ་མཚོན་ཐུབ།  གཞན་ཡང་དཔལ་ལྡན་སྲིད་སྐྱོང་མཆོག་ནས་ཐེ་ཝན་གཞུང་མང་གཉིས་ཀྱིས་བོད་མི་དང་བོད་དོན་ཐོག་ཁ་ཞེ་གཉིས་མེད་ཐོག་རྒྱབ་སྐྱོར་གནང་བར་ཐུགས་རྗེ་ཆེ་ཞུས་ཡོད།  

ཐེངས་འདིར་ཐེ་ཝན་སྲིད་འཛིན་འོས་བསྡུ་ཆེན་མོའི་ནང་མཉམ་ཞུགས་གནང་མཁན་ས་ཡ་ ༡༩ ལྷག་བྱུང་བའི་ཁྲོད་སྲིད་འཛིན་འོས་མི་ལྕམ་སྐུ་ཚའི་ཨིང་ཝིན་མཆོག་ལ་འོས་ཤོག་བརྒྱ་ཆ་ ༥༧.༡ ཐོབ་སྟེ་སླར་ཡང་སྲིད་འཛིན་དུ་འདེམས་ཐོན་བྱུང་འདུག

Share with your friends










Submit