Published By སྐལ་བཟང་བདེ་སྐྱིད།

ཕྱི་ལོ་ ༢༠༡༩ ཟླ་ ༨ ཚེས་ ༧ རེས་གཟའ་ལྷག་པ། 

༄༅། །བོད་མིའི་སྒྲིག་འཛུགས་ཀྱི་དཔལ་ལྡན་སྲིད་སྐྱོང་བློ་བཟང་སེངྒེ་མཆོག་ལ་རྒྱ་གར་གྱི་ཕྱི་སྲིད་གསར་འགོད་མཐུན་ཚོགས་ Indian Association of Foreign Affairs Correspondents  ནས་ཐེངས་བདུན་པའི་ལོ་འཁོར་གཏམ་བཤད་ལས་རིམ་ཐོག་མགྲོན་འབོད་ཞུས་པ་ལྟར། ཕྱི་ལོ་ ༢༠༡༩ ཟླ་  ཚེས་  རེས་གཟའ་ལྷག་པའི་ཉིན་རྒྱ་གར་རྒྱལ་ས་ལྡི་ལིར་རྟེན་གཞི་བྱས་པའི་རྒྱ་གར་རྒྱལ་སྤྱིའི་བསྟི་གནས་ཁང་དུ་དཔལ་ལྡན་སྲིད་སྐྱོང་མཆོག་མཆོག་དང་། གཏམ་བཤད་ལས་རིམ་གོ་སྒྲིག་གནང་མཁན་སྐུ་ཞབས་ཝི་ཇེ་ལེཀ་ Vijak Naik ལགས། དེ་བཞིན་རྒྱ་གར་གྱི་གསར་འགྱུར་བརྒྱུད་ལམ་ཆེ་ཁག་ཨེ་ཤི་ཡེན་ཨེ་ཇི། Asian Age དང་། The Print  The Tribune The Wire སོགས་ནས་གསར་འགོད་པ་ཁྱོན་མི་གྲངས་ ༡༥ ལྷན་འཛོམས་ཀྱིས་ཐོག་མར་སྐུ་ཞབས་ཝི་ཇེ་ནེཀ་ལགས་ཀྱིས་དཔལ་ལྡན་སྲིད་སྐྱོང་མཆོག་གི་ལོ་རྒྱུས་སྙིང་བསྡུས་ཤིག་སྒྲོགས་སྦྱང་ཞུས་གྲུབ་མཚམས་དཔལ་ལྡན་སྲིད་སྐྱོང་མཆོག་གིས་ད་ལྟའི་བོད་ནང་གི་ཛ་དྲག་གི་གནས་སྟངས་སྤྱི་དང་། ལྷག་པར་རྒྱལ་སྤྱིའི་ཁྱོན་དུ་རྒྱ་ནག་གིས་ཚོང་འབྲེལ་ཐོག་ནས་ཆབ་སྲིད་ཀྱི་ཤུགས་རྐྱེན་ཇི་ཆེར་སླེབ་བཞིན་ཡོད་སྐོར་གསུང་བཤད་གནང་དོན།   ད་ཆ་ཨོ་སི་ཀྲི་ལི་ཡ་ཆ་མཚོན་ན། རྒྱ་ནག་གཞུང་གི་ཚོང་འབྲེལ་གྱི་ལམ་ནས་ཆབ་སྲིད་ཐོག་ཐེ་བྱུས་ཀྱིས་གནོན་ཤུགས་ཧཅང་སྤྲོད་བཞིན་ཡོད། རྒྱ་ནག་གཞུང་གི་རྒྱུད་ཅིག་ལམ་གཅིག་གི་སྲིད་བྱུས་ཐད་ངེས་པར་ཡིད་གཟབ་དགོས།

རྒྱ་ནག་གཞུང་གི་རྒྱུད་གཅིག་ལམ་གཅིག་ཟེར་བའི་སྲིད་བྱུས་འོག་དེ་སྔ་བོད་ནང་བཙན་འཛུལ་བྱས་པ་རེད།   ལམ་དེས་ཞི་བདེ་དང་ཡར་རྒྱས་ཀྱི་ལམ་སྣེ་འདྲེན་དགོས་པ་ཞིག་ཡིན་ཡང་།  དེ་ལས་ལྡོག་སྟེ་ལམ་དེ་ནས་མེ་མདའ་དང་ལྕགས་ཁྲབ་ཀྱི་འཁོར་ལོ་འདྲེན་ཡོད།

གཞན་ཡང་དེང་སྐབས་རྒྱ་ནག་གཞུང་གི་རྒྱུད་གཅིག་ལམ་གཅིག་ཟེར་བའི་འཇམ་མཁས་ཀྱི་སྲིད་བྱུས་དེའི་འོག་རྒྱལ་སྤྱིའི་ཁྱོན་དུ་གནོན་ཤུགས་སྤྲོད་ཐབས་བྱེད་བཞིན་ཡོད་སྟབས། འཛམ་གླིང་རྒྱལ་ཁབ་གཞན་ཚོས་བོད་ནང་དེ་སྔ་ཕྱི་ལོ་ ༡༩༥༩ དང་ ༡༩༦༠ ནང་རྒྱ་ནག་གཞུང་གིས་འཛུགས་སྐྲུན་ཡར་རྒྱས་དང་། དཔལ་འབྱོར་ཡར་རྒྱས་ཀྱི་གོ་སྐབས་ཡོད་ཚུལ་བཤད་ནས་རིམ་བཞིན་བོད་ས་དབང་སྒྱུར་བྱས་པར་བརྟེན།  བོད་ནས་བློ་སྐྱེད་ལེན་དགོས།

བོད་ལ་དཀའ་ངལ་འཕྲད་པ་བཞིན་འཛམ་གླིང་རྒྱལ་ཁབ་གཞན་ལའང་དཀའ་ངལ་འཕྲད་ངེས་རེད། གལ་ཏེ་རྒྱ་ནག་གཞུང་གི་སྲིད་བྱུས་སྐོར་དངོས་འབྲེལ་ཤེས་འདོད་ཡོད་ཚེ། ཐོག་མར་བོད་ཀྱི་གནད་དོན་ངེས་པར་དུ་ཤེས་དགོས། 

རྒྱ་ནག་གཞུང་གི་དཔལ་འབྱོར་གྱི་ཤུགས་རྐྱེན་དེ་ཆབ་སྲིད་དང་། ཤེས་ཡོན། རྒྱལ་སྲུང་། དེ་བཞིན་སྤྱི་ཚོགས་ཀྱི་ཤུགས་རྐྱེན་ཞིག་ཏུ་འགྱུར་རྒྱུ་ཡིན་པར་བརྟེན་ཐུགས་སྣང་གནང་དགོས་རྒྱུ་ཧ་ཅང་གལ་ཆེན་པོ་ཡིན། 

བོད་ཀྱི་གནད་དོན་ནི་ཧ་ཅང་ཛ་དྲག་པོ་ཞིག་རེད།  ལོ་ལྟར་རྒྱལ་སྤྱིའི་འགྲོ་བ་མིའི་ཐོབ་ཐང་རྟོག་ཞིབ་པ་རང་དབང་ཁང་པ་ Freedom House ཞེས་པས།  འཛམ་གླིང་ནང་གི་རང་དབང་། ཞེས་པའི་སྙན་ཐོ་བཏོན་པའི་ནང་།  ལོ་གསུམ་བསྟུད་མར་འཛམ་གླིང་ནང་རང་དབང་ཆེས་ཞན་ཤོས་ཀྱི་རྒྱལ་ཁབ་ཨང་གཉིས་པ་དེ་བོད་ཆགས་ཡོད་པ་འཁོད་ཡོད།  རང་དབང་སྡུག་ཤོས་རྒྱལ་ཁབ་སི་རི་ཡ་དང་།  དེ་རྗེས་བོད་ཡིན་པ་འཁོད་ཡོད།  སྙན་ཐོ་དེ་ལྟར་ན། བོད་ནང་ཆོས་དད་རང་དབང་མེད་པ་དང་། བོད་མིའི་འགྲོ་འདུག་སྤྱོད་གསུམ་ལ་རྒྱ་ནག་གཞུང་གིས་དམ་བསྒྲགས་ཚབས་ཆེ་བྱེད་བཞིན་པ་སོགས་འཁོད་འདུག ཅེས་དང་། 

གཞན་ཡང་བོད་མིའི་སྒྲིག་འཛུགས་ཀྱི་ལྔ་དང་ལྔ་བཅུའི་འཆར་སྣང་སྐོར་དང་། བོད་མིའི་སྒྲིག་འཛུགས་ནས་བོད་དོན་བདེན་མཐའ་གསལ་རྒྱུར་འབད་བརྩོན་ཤུགས་ཆེ་གནང་བཞིན་ཡོད་སྐོར་སོགས་ཀྱི་གསུང་བཤད་གནང་རྗེས་བོད་མིའི་བླ་ན་མེད་པའི་དབུ་ཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ལ་རྒྱ་གར་གཞུང་གི་ཆེས་མཐོའི་མི་སེར་གྱི་གཟེངས་རྟགས་མཐོ་ཤོས་ Bharat Ratna འབུལ་ལམ་ཞུ་རྒྱུའི་སྐོར་དང་། ༸རྒྱལ་བའི་ཡང་སྲིད་སོགས་ཀྱི་སྐོར་དྲི་བར་ལན་འདེབས་ཞིབ་ཕྲ་གནང་ཡོད་པ་བཅས། །

Share with your friends










Submit