༢༠༡༨ ཟླ་ ༡༡ ཚེས་ ༡ རེས་གཟའ་ཕུར་བུ།

༄༅། །ས་རྭ་མཐོ་སློབ་ཏུ་དུས་ཡུན་རིང་ཐུང་འདྲ་མིན་ཐོག་ལས་བྱེད་འོས་སྦྱོང་དང་ཟབ་སྦྱོང་སྔ་རྗེས་ཕུལ་བའི་ཁོངས་སུ་འཛུལ་བཞུགས་གནང་མཁན་དོ་བདག་རྣམས་ལ་སྲི་ཞུའི་ལས་བྱེད་ཁོངས་ཚུད་མིན་ལ་མ་ལྟོས་པར་དོན་དངོས་ཕན་ཐོགས་གང་ལེགས་བྱུང་ཡོད་ཅིང་། སྐབས་ ༡༥ པའི་བཀའ་ཤག་གི་དགོངས་གཞི་དང་བསྟུན་ཏེ་ཨ་རི་ (USAID) ལས་གཞིའི་རོགས་སྐྱོར་འོག་ས་རྭ་མཐོ་སློབ་ཏུ་མ་འོངས་བོད་མིའི་སྒྲིག་འཛུགས་མ་ལག་དང་བཅས་པའི་ལས་བྱེད་ཀྱི་དམིགས་སྒོར་དུས་ཐུང་ཐེངས་གསུམ་པའི་དུམ་བུ་གཉིས་པ་དེ་ས་རྭ་བོད་ཀྱི་མཐོ་སློབ་ཏུ་ཕྱི་ལོ་ ༢༠༡༩ ཟླ་ ༢ ཚེས་ ༡ ནས་འགོ་འཛུགས་ཀྱིས་ཟླ་གྲངས་གསུམ་རིང་དབུས་བོད་མིའི་སྒྲིག་འཛུགས་མ་ལག་དང་བཅས་པའི་འཛིན་སྐྱོང་འགྲོ་སྟངས་སྤྱི་དང་བྱེ་བྲག་གི་ཐོག་འོས་སྦྱོང་ཟབ་འཁྲིད་གནང་གཏན་འཁེལ་བས་འོས་སྦྱོང་བ་གྲངས་ ༣༠ ཡིག་རྒྱུགས་ཀྱི་ལམ་ནས་གསར་བསྡུ་བྱ་རྒྱུ་ཡིན།

སྔོན་འགྲོའི་འོས་སྦྱོང་འཛུལ་ཞུགས་ཀྱི་ཆ་རྐྱེན་གཤམ་གསལ།

༡༽ ཕྱི་ལོ་ ༢༠༡༨ ཟླ་ ༡༢ ཚེས་ ༣༡ ཉིན་ནས་རང་ལོ་ ༣༥ ལས་མ་བརྒལ་བ།
༢༽ དམའ་མཐར་ཉེ་བའི་གཙུག་ལག་རབ་འབྱམས་དང་ཚད་མཉམ་སློབ་ཐོན་ལག་འཁྱེར་ཡོད་པ།
༣༽ དྭང་བླངས་དཔྱ་དངུལ་འབུལ་འབབ་ ༢༠༡༩།༣།༣༡ བར་གཙང་ཕུལ་ཟིན་པའི་ལག་དེབ་ཀྱི་ཤོག་གྲངས་དང་པོ་དང་། གཉིས་པ། མཐའ་མ་བཅས་ཀྱི་ངོ་བཤུས་འབུལ་དགོས།
༤༽ གནས་ཡུལ་རྒྱལ་ཁབ་ཏུ་གནས་སྡོད་ཆོག་པའི་སྐྱབས་བཅོལ་ལག་འཁྱེར་ (RC) དུས་འགྱངས་ཡོད་པའི་ངོ་བཤུས་དགོས་ཀྱང་། བལ་ཡུལ་དང་འབྲུག་ཁུལ་གྱི་སྐྱབས་བཅོལ་བོད་མི་ཚོར་ས་འགོ་ལས་ཁུངས་ནས་རྒྱབ་གཉེར་ཡོད་ཚེ་སྐྱབས་བཅོལ་ལག་འཁྱེར་མེད་ནའང་འཐུས་རྒྱུ།
༥༽ ཁྲིམས་མཐུན་སྐྱེས་ཚེས་ལག་འཁྱེར་ (Birth Certificate) གྱི་ངོ་བཤུས་བཅས་ཚང་དགོས།

གོང་གསལ་ཡིག་ཆའི་ངོ་བཤུས་ཁག་ལ་འབྲེལ་ཡོད་ས་གནས་འགོ་འཛིན་ནམ། ལས་བྱེད་འདེམས་ལྷན་ནས་བསྐོ་གཞག་བྱས་པའི་སྲི་ཞུའི་ལས་བྱེད་ཟུང་དྲུང་གནས་རིམ་ཡན་སུ་རུང་ནས་དག་མཆན་ལས་དམ་ (Attestation) ཞུས་ཏེ། ཕྱི་ལོ་ ༢༠༡༨ ཟླ་ ༡༢ ཚེས ༣༡ ཕྱི་དྲོ་ཚོུད་ ༥།༠༠ འགྱངས་མེད་ས་རྭ་བོད་ཀྱི་མཐོ་རིམ་སློབ་གཉེར་ཁང་དུ་རང་ཁྱིམ་ཁ་བྱང་དང་། ཁ་པར་ཨང་། གློག་འཕྲིན་ (Email) སོགས་ཁ་གསལ་བཀོད་དེ་སོ་སོའི་འཚང་སྙན་དང་མཉམ་དུ་འབུལ་དགོས། གོང་གསལ་དུས་བཀག་རྗེས་འཚང་སྙན་ཕུལ་འབྱོར་རིགས་རྩིས་མེད་ཡིན།

ཟུར་མཆན། ས་རྭ་མཐོ་སློབ་ནས་ཚུད་རྒྱུགས་ ༢༠༡༩ ཟླ་ ༡ ཚེས་ ༢༡ ནས་ ༢༦ བར་བོད་ཀྱི་སྐད་ཡིག་འབྲི་རྩོམ་དང་ནང་པའི་ལྟ་གྲུབ་གཙོ་གྱུར་གྱི་ཡིག་རྒྱུགས་གཏོང་གཏན་འཁེལ་ཡོད་པས། འཚང་སྙན་དུས་ཐོག་འབྱོར་རིགས་ལ་ས་རྭ་མཐོ་སློབ་ནས་ཞིབ་འཇུག་གིས་འོས་ཆོས་ཚང་བ་རྣམས་ལ་ཚུད་རྒྱུགས་ཆེད་བཅར་དགོས་པའི་འབོད་བརྡ་གཏོང་རྒྱུ། དེ་རིགས་ནས་སྐབས་བསྟུན་ལག་འཁྱེར་སོགས་ཡིག་ཆ་ངོ་མ་ཁག་མཉམ་འཁྱེར་གྱིས་ས་རྭ་བོད་ཀྱི་མཐོ་སློབ་ཁང་དུ་འབྱོར་ཐོ་འགོད་དགོས་པ་བཅས་ཀྱི་གསལ་བསྒྲགས་སུ། བཀའ་དྲུང་ཡིག་ཚང་ནས་ ༢༠༡༨ ཟླ་ ༡༡ ཚེས་ ༡ ལ།།
The Principal
College for Higher Tibetan Studies
P.O.Sarah, Dharamsala
Distt.Kangra, H.P 176213
Phone: 9805914071, 9882156873 Email: chts.sarah@gmail.com

Share with your friends










Submit