ཕྱི་ལོ་ ༢༠༡༨ ཟླ་ ༦ ཚེས་ ༢༩ རེས་གཟའ་པ་སངས། 
༄༅། །བོད་མིའི་སྒྲིག་འཛུགས་ཀྱི་ཤེས་རིག་བཀའ་བློན་འབུམ་རམས་པ་པདྨ་དབྱངས་ཅན་མཆོག་གིས་རྒྱ་གར་གྱི་རྒྱལ་ས་ལྡི་ལིར་རྒྱ་གར་དབུས་གཞུང་གི་མི་ཆའི་ནུས་ཤུགས་ཡར་རྒྱས་ལྷན་ཁང་གི་སློབ་གྲྭའི་ཤེས་ཡོན་ཚན་པའི་དྲུང་ཆེ་གསར་པ་ལྕམ་རི་ན་རེ་ Ms Reena Ray མཆོག་དང་མཇལ་འཕྲད་གནང་ཡོད། 

དེ་ཡང་ཕྱི་ལོ་ ༢༠༡༦ ཟླ་ ༦ ཚེས་ ༣༠ ཉིན་དེ་སྔའི་དྲུང་ཆེ་སྐུ་ཞབས་ཨ་ནིལ་སྭ་རུབ་ Shri Anil Swarup མཆོག་རྒས་ཡོལ་དུ་ཕེབས་པའི་ཚབ་ཏུ་ལྕམ་རི་ན་རེ་ Ms Reena Ray མཆོག་དྲུང་ཆེར་བསྐོ་གཞག་གནང་བར་ཤེས་རིག་བཀའ་བློན་མཆོག་གིས་འཚམས་འདྲི་དང་སྦྲགས་བོད་པའི་སྲོལ་རྒྱུན་རྟེན་འབྲེལ་གྱི་མཇལ་དར་ཞིག་དང་སྟོན་པ་སྐུ་འདྲ་ཞིག་འབུལ་ཡོད། 

སྐབས་དེར་བཀའ་བློན་མཆོག་གིས་རྒྱ་གར་ནང་ཡོད་བཙན་བྱོལ་བོད་མིའི་སློབ་གྲྭ་ཁག་གི་གནས་སྟངས་སྤྱི་དང་། ལྷག་པར་ཉེ་ཆར་དབུས་བོད་སློབ་འཛིན་ཚོགས་ཁྱབ་ཁོངས་སུ་ཡོད་པའི་སློབ་གྲྭ་ཁག་གཅིག་སཾ་བྷོ་ཊ་བོད་སློབ་ཚོགས་པར་རྩིས་སྤྲོད་གནང་།

བཀའ་བློན་མཆོག་གིས་ཕྱི་ཚེས་ ༢༧ ཉིན་དེ་སྔའི་དྲུང་ཆེ་སྐུ་ཞབས་་ཨ་ནིལ་སྭ་རུབ་ Shri Anil Swarup མཆོག་དང་ཐུག་འཕྲད་གནང་ཡོད་པ་མ་ཟད། དབུས་བོད་སློབ་འཛིན་ཚོགས་ཀྱི་ཚོགས་གཙོ་སྐུ་ཞབས་སན་ཇེ་ཀུ་མར་ Shri Sanjay Kumar མཆོག་དང་མཇལ་འཕྲད་ཀྱིས་ལྷག་བསྡད་སློབ་གྲྭ་ཁག་དྲུག་དེ་དག་གང་མགྱོགས་རྩིས་གནང་ཡོང་སྐོར་དང་། རྩིས་གནང་ཟིན་པའི་སློབ་གྲྭ་ཁག་འཛིན་སྐྱོང་ཚགས་ཚུད་ཡོང་སླད་མ་དངུལ་མང་ཙམ་མཐུན་འགྱུར་བཀའ་ཁྲོལ་ཡོང་བའི་འབོད་སྐུལ་ཞུས་པར་དངུལ་རྩིས་ལྷན་ཚོགས་དང་ལྷན་དུ་གྲོས་བསྡུར་གནང་རྒྱུའི་ཁས་ལེན་གནང་འདུག

མཇལ་འཕྲད་སྐབས་་ཤེས་རིག་དྲུང་ཆེ་ཀརྨ་སེངྒེ་ལགས་དང་སམ་བྷོ་ཊའི་སྤྱི་ཁྱབ་འགན་འཛིན་གཞོན་པ་ཚེ་རིང་རྡོ་རྗེ་ལགས་ལྷན་བཅར་ཞུས་ཡོད་པ་བཅས།།