Published By བ་ར་ཡེ་ཤེས་ཀུན་གྲགས།

ཕྱི་ལོ་ ༢༠༡༨ ཟླ་ ༣ ཚེས་ ༨ རེས་གཟའ་ཕུར་བུ།


༄༅། །འདི་གར་བཞུགས་སྒར་ཀིརྟིའི་བྱེས་པ་གྲྭ་ཚང་གི་བོད་གནས་འབྲེལ་མཐུད་པ་བློ་བཟང་ཡེ་ཤེས་ལགས་དང་ཀ་ཉག་ཚེ་རིང་ལགས་རྣམ་གཉིས་ཀྱིས་བཏང་གནས་ནང་འཁོད། ཕྱི་ལོ་ ༢༠༡༨ ཟླ་ ༣ ཚེས་ ༧ ཉིན་གྱི་བོད་ནང་གི་ཕྱི་དྲོའི་ཆུ་ཚོད་༣།༣༠ ཡས་མས་སུ་བོད་མདོ་སྨད་རྔ་པའི་རྨེའུ་རུ་མ་ཡུལ་ཚོའི་ཐོག་ཚེ་ཁོ་ལགས། རང་ལོ་ ༤༤ ཡིན་པ་ཁོང་གིས་རང་ལུས་མེར་སྲེག་གནང་ནས་རྒྱ་གཞུང་གིས་བོད་ཐོག་འཛིན་པའི་སྲིད་བྱུས་ལ་ངོ་རྒོལ་བྱས་ཏེ་འདས་གྲོངས་སུ་གྱུར་འདུག

ཚེ་ཁོ་ལགས་ནི། རྨེའུ་རུ་མ་རུ་ཆེན་བཞི་པ་གནམ་མཚོ་མ་སྡེ་བ་ཡིན་ཞིང་། ཕ་མིང་ལ་ཀ་དག་དང་མ་མིང་སྐྱིད་ལྷ་ཡིན་པ་ཕ་མ་གཉིས་ཀ་གྲོངས་ཚར་ཡོད་འདུག ཁོང་ཆུང་ཆུང་སྐབས་གནམ་མཚོ་དགོན་པར་གྲྭ་པ་བྱས་ཡོད་པ་དང་། རྗེས་སུ་གྲྭ་ལོག་བྱས་ནས་ཁྱིམ་ཐབ་བཟུང་ཡོད་ཀྱང་བཟའ་ཟླའི་མིང་དང་ཕྲུ་གུ་ཅི་ཡོད་སོགས་ཞིབ་ཕྲ་ཤེས་རྟོགས་མ་བྱུང་།

དེ་མིན་ཕྱི་ལོ་༢༠༠༨ ལོར་ཁོང་གི་ཕ་གཅིག་གི་སྤུན་གནམ་མཚོ་དགོན་གྱི་གྲྭ་ས་སྙིང་ལགས་བཙོན་ཁང་གི་མནར་གཅོད་འོག་ནད་གཅོང་ཆགས་ནས་གསོན་པའི་རེ་བ་མེད་པར་གྱུར་རྗེས་གློད་གྲོལ་ཙམ་བྱུང་ཡང་། དྲག་བསྐྱེད་མ་བྱུང་བར་ཟླ་བ་ཁ་ཤས་རྗེས་འདས་གྲོངས་སུ་གྱུར་ཡོད་པ་དང་། ཡང་ཕ་གཅིག་གི་སྤུན་སྐབས་དེའི་གནམ་མཚོ་དགོན་གྱི་དགེ་བསྐོས་ཡིན་པ་ཨུ་རྒྱན་རྒྱ་མཚོ་ལགས་ལ་བཙོན་འཇུག་ཁྲིམས་ཐག་བཅད་ཡོད་འདུག་པ་བཅས། །

Share with your friends










Submit