༢༠༡༥ ཟླ་ ༤ ཚེས་ ༡༦ རེས་གཟའ་ཕུར་བུ།
༄༅། །ཕྱི་ལོ༢༠༡༥ ཟླ ༤ ཚེས ༡༦ ཞོགས་པ་ཆུ་ཚོད་ ༡༡།༣༠ ཐོག་བོད་མིའི་སྒྲིག་འཛུགས་དཔལ་འབྱོར་ལས་ཁུངས་ཀྱི་ཚོང་ལས་ཡར་རྒྱས་རམ་འདེགས་ལས་གཞི་ཚན་པས་གོ་སྒྲིག་འོག་རྡ་སྟེང་བོད་ཁྱིམ་ཚོགས་ཁང་དུ་དཔལ་འབྱོར་བཀའ་བློན་ཚེ་རིང་དོན་གྲུབ་མཆོག་གིས་འཛིན་རིམ་བཅུ་གཅིག་བཅུ་གཉིས་ཀྱི་སློབ་མ་གྲངས་བཞི་བརྒྱ་བརྒལ་བར་ཁེ་ལས་ཚོང་པ་དགོས་གལ་ཆེན་པོ་ཡིན་པའི་གོ་རྟོགས་པར་རིས་ཀྱི་ལམ་ནས་གོ་རྟོགས་སྤེལ་དོན། དི་རིང་གོ་བསྡུར་བྱ་རྒྱུའི་ལས་གཞི་དེ་གསར་གཏོད་རང་བཞིན་གྱི་ལས་རིམ་ཞིག་རེད། གཅིག་བྱས་ན་སློབ་ཕྲུག་རྣམས་པ་ཚང་མས་དེར་དོ་སྣང་དང་མ་འོངས་པར་བསམ་པའི་རེ་བ་འཇོག་ས་དང་བསམ་བློ་གཏོང་སའི་གཞི་རྩ་ཞིག་ལྷག་གི་རེད་བསམ་གྱི་འདུག གཅིག་བྱས་ན་ཞེ་དྲག་ཐུགས་ཕན་མ་གསོས་པ་ཡང་ཡོང་སྲིད་ཀྱི་རེད།
མདོ་དོན་ང་ཚོས་རེ་བ་བྱེད་རྒྱུར་ཕྱི་ལོག་གི་གནམ་གཤིས་གྲང་མོ་ཡོད་ནའང་། སེམས་སུ་བསམ་བློ་འཁྱེར་སྟངས་ཀྱི་ཐོག་ནས་གཏན་གཏན་དེ་རིང་ལས་རིམ་གྱི་ཐོག་ནས་རྣམས་པ་ཚོགས་ལ་བསམ་བློའི་གསར་པ་གཏང་རྒྱུའི་བསམ་བློའི་ཐོག་ནས་ཚ་ཚ་འུར་འུར་གྱི་གོ་སྐབས་ཤིག་ཡོང་གི་རེད་བསམ་གྱི་ཡོད་།
སྔོན་དུ་རྒན་གྱིས་ངོ་སྤྲོད་གནང་བ་བཞིན། རྡ་ས་བོད་ཁྱིམ་ནང་ལ་འདི་ལྟའི་འགོ་འཛུགས་བྱེད་རྒྱུ་དེ་གོ་སྐབས་དང་པོ་རེད། ང་ཚོ་དཔལ་འབྱོར་ལས་ཁུངས་ངོས་ནས་དེ་གལ་ཆེན་པོར་བརྩིས་ཀྱི་ཡོད། དང་པོའི་ས་བོནསྔོན་དུ་ངོ་སྤྲོད་གནང་བ་བཞིན་རེད། དཔལ་འབྱོར་ལས་ཁུངས་ནང་ནས་ཐུགས་འཁུར་བཞེས།བོད་ཁྱིམ་གྱི་དགེ་རྒན་རྣམ་པ་ཚོ་དང། སློབ་སྤྱི་རྣམ་པ་ཚོ་དང་། དབུ་འཛིན་རྣམས་པ་ཚོ་བཅས་གོ་བསྡུར་བྱས་རྗེས་ང་ཚོས་མ་འོངས་པར་སྤྱི་བའི་ལམ་ཁ་ཞིག་བསྟན་རྒྱུར་འབད་བརྩོན་བྱས་པ་རེད། དི་རིང་དེ་ཉིན་མ་དང་པོ་ཆགས་ཀྱི་ཡོད། བྱས་ཙང་ང་འདིར་གལ་ཆེན་པོ་བརྩིས་བྱས་བཅར་བ་ཡིན། Entrepreneur ཁེ་ལས་ཀྱི་ཚོང་ལས་དེ་ཉིད་དེང་སྐབས་འཛམ་གླིང་ཡར་ཐོན་རྒྱལ་ཁབ་ནང་གལ་ཆེན་པོར་བརྩིས་ཀྱི་ཡོད་། རྒྱལ་ཁབ་ཞིག་གི་དམག་སྲིད་གང་ལ་ཡིན་ནའང་དཔལ་འབྱོར་གནས་འབབ་ནི་གལ་ཆེ་ཤོས་ཤིག་ལ་རྩི་བཞིན་ཡོད།
ང་རང་ཚོ་ཡང་འཛམ་བུ་གླིང་གི་ཆ་ཤས་ཤིག་སོང་བར་བརྟེན་དེ་དང་མཚུངས་པའི་ཡར་རྒྱས་ཕྱོགས་གོམ་སྤོས་བྱ་དགོས་པ་གལ་ཆེ་ཡིན་ལུགས་དང་། དེ་ནས་ད་ལྟའི་བརྗོད་གཞི་འདི་དང་ང་རང་ཚོ་བོད་པའི་སྤྱི་ཚོགས་ཀྱི་གནས་འབབ་དང་སྦྲགས་ཏེ་སློབ་སྟོན། དེ་བཞིན་ད་ལྟའི་ལས་རིམ་འདི་ཉིད་གསར་གཏོད་རང་བཞིན་གྱི་ལས་རིམ་འགངས་ཆེ་ཞིག་ཡིན་པར་བརྟེན་ལས་རིམ་དེ་ཉིད་རྒྱུན་མཐུད་བྱ་རྒྱུ་སོགས་ཀྱི་གསུངས་བཤད་གནང་བ་དང་། །དེ་ནས་མཇུག་དུ་ཁེ་ལས་ཚོང་པའི་ལས་རིམ་གྱི་འབྲེལ་མཐུད་པ་བསྟན་འཛིན་ནོར་བཟང་ལགས་ཀྱིས་སློབ་ཕྲུག་ཚོར་སྐྱར་དུ་ལས་རིམ་དེའི་སྐོར་ངོ་སྤྲོད་བཅས་གནང་བ་དང་། མཐར་རྡ་སྟེང་བོད་ཁྱིམ་སློབ་སྤྱི་མཆོག་གིས་ཐུགས་རྗེ་ཆེ་གསུངས་བཤད་གནང་ཏེ་ཉིན་གྱི་མཛད་རིམ་ལེགས་པར་གྲུབ་བོ། །
