༢༠༡༥ ཟླ་ ༣ ཚེས་ ༩ རེས་གཟའ་ཟླ་བ།

༄༅། །བོད་མིའི་སྒྲིག་འཛུགས་ཀྱི་ཕྱི་དྲིལ་དྲ་བརྙན་ཚན་པས་ཕྱི་ལོ་ ༢༠༡༥ ཟླ་ ༣ ཚེས་ ༡༠ རེས་གཟའ་མིག་དམར་ཉིན་གྱི་སྔ་དྲོ་ཆུ་ཚོད་ ༩།༠༠ ཐོག་གངས་ཅན་བོད་ཀྱི་རྒྱལ་ས་ལྷ་སར་ཆོལ་གསུམ་བོད་མི་སེར་སྐྱ་ཡོངས་ནས་མ་གྲོས་བསམ་པ་གཅིག་མཐུན་གྱིས་རྒྱ་དམར་བཙན་འཛུལ་བར་ངོ་རྒོལ་ཆེད་རང་དབང་སྒེར་ལངས་བྱས་པའི་དུས་དྲན་ཐེངས་ ༥༦ པ་དང་རྒྱལ་གཅེས་དཔའ་བོ་དཔའ་མོའི་ཉིན་མོའི་དུས་དྲན་སྲུང་བརྩིའི་མཛད་སྒོ་རྡ་ས་ཐེག་ཆེན་ཆོས་གླིང་གསུང་ཆོས་ར་བར་འཚོགས་རྒྱུའི་དུས་དྲན་མཛད་སྒོ་ཆ་ཚང་ཐད་ཀར་རྒྱང་སྲིང་གནང་རྒྱུ་ཡིན་འདུག དེ་ཡང་དོན་གཉེར་ཅན་རྣམས་ཀྱིས་མཛད་སྒོ་ཐད་ཀར་གཟིགས་ཆེད་གཤམ་གསལ་དྲ་ཚིགས་ཐོག་གཟིགས་གནང་ཡོང་བ་ཞུ། www.tibetonline.tv