༢༠༡༥ ཟླ་ ༢ ཚེས་ ༡༦ རེས་གཟའ་ཟླ་བ།

༄༅། །ནང་སྲིད་བཀའ་བློན་རྒྱ་རི་སྒྲོལ་མ་མཆོག་གིས་ཧི་མཱ་ཅལ་མངའ་སྡེའི་སྤྱི་ཁྱབ་བློན་ཆེན་སྐུ་ཞབས་ཝིར་བྷདྲཱ་སིངྒ་ Mr. Virbhadra Singh མཆོག་ལ་བོད་ཀྱི་ལོ་གསར་འཆར་ལ་ཉེ་བའི་སྐབས་དང་བསྟུན། ཕྱི་ལོ་ ༢༠༡༥ ཟླ་ ༢ ཚེས་ ༡༥ ཉིན་རྡ་རམ་ས་ལར་སྤྱི་ཁྱབ་བློན་ཆེན་མཆོག་དང་མཇལ་འཕྲད་ཞུས་ནས་བོད་ཀྱི་ལོ་གསར་འཆར་ལ་ཉེ་བའི་སྐབས་དང་བསྟུནའཚམས་འདྲི་བཀྲ་ཤིས་བདེ་ལེགས་ཞུས་འདུག གཞན་ཡང་མཇལ་འཕྲད་སྐབས་མངའ་སྡེའི་བློན་ཆེན་ཇི་ཨེ་སི་བྷ་ལི་ Mr. G. S Bali མཆོག་དང་མངའ་སྡེའི་བློན་ཆེན་ལྕམ་སྐུ་ཝིདྱ་སི་ཊོག་ Ms. Vidya Stokes མཆོག་བཅས་ཀྱང་ཕེབས་འདུག ཕྱོགས་མཚུངས་སྐབས་དེར་ནང་སྲིད་དྲུང་ཆེ་ཁོར་ལྷ་ཚང་བསོད་ནམས་སྟོབས་རྒྱལ་ལགས་ཀྱང་ཆེད་བཅར་ཞུས་འདུག