༢༠༡༤ ཟླ་ ༡༠ ཚེས་ ༡ རེས་གཟའ་ལྷག་པ།

༄༅། །ཨ་རིའི་ (Alcatraz exhibition ) གླིང་ཕྲན་ནང་རྒྱ་རིགས་སྒྱུ་རྩལ་བ་ (Ai Wei Wei) ཨེ་ཝེ་ཝེའི་ལགས་ཀྱིས་འགྲོ་བ་མིའི་ཐོབ་ཐང་རྩོད་ལེན་དང་གཏམ་བརྗོད་རང་དབང་ལ་གདོང་ལེན་གནང་ཕྱོགས་དང་འབྲེལ་བའི་སྒྱུ་རྩལ་འགྲེམས་སྟོན་གྱི་ས་ཚིགས་བདུན་གསར་བཞེངས་གནང་ཡོད་ཁོངས་སུ་བོད་ནང་གི་ཆབ་སྲིད་བཙོན་པས་གཙོས་རྒྱལ་སྤྱིའི་སྲིད་དོན་བཙོན་པ་ཁག་གི་པར་རིགས་འགྲེམས་སྟོན་གནང་འདུག
དེ་ཡང་གསར་དུ་བཞེངས་པའི་སྒྱུ་རྩལ་གྱི་ས་ཚིགས་བདུན་ཡོད་ཁོངས་ནས་གནའ་ཤུལ་བཙོན་རྭའི་ཁང་སྒྲོམ་ཞིག་གི་ཞལ་ལའི་སྟེང་སོ་ཕག་བང་བསྟར་བསྒྲིགས་པའི་གཟུགས་དབྱིབས་ཁྲོད་རྒྱལ་ཁབ་སུམ་ཅུ་ལྷག་ནང་གི་སྲིད་དོན་བཙོན་པ་བརྒྱ་དང་བདུན་ཅུ་བརྒལ་བའི་གཟུགས་བརྙན་བརྐོ་བྲིས་གནང་ཡོད་པའི་ཁོངས་པཎ་ཆེན་དགེ་འདུན་ཆོས་ཀྱི་ཉི་མ་མཆོག་གིས་དབུས་སྤྲུལ་སྐུ་བསྟན་འཛིན་བདེ་ལེགས་རིན་པོ་ཆེ་མཆོག་སོགས་ཀྱི་ཁྱོན་བོད་མི་ཆབ་སྲིད་བཙོན་པ་བཅུ་གསུམ་གྱི་པར་རིགས་དང་། ཁོང་རྣམ་པའི་ད་ལྟའི་གནས་སྟངས་གསལ་སྟོན་གནང་བའི་འགྲེམས་སྟོན་འདི་བཞིན་ཕྱི་ལོ་ ༢༠༡༤ ཟླ་ ༩ ཚེས་ ༢༦ ཉིན་དབུ་འབྱེད་གནང་འདུག