༢༠༡༤ ཟླ་ ༡༠ ཚེས་ ༣༡ རེས་གཟའ་པ་སངས།
༄༅། །བོད་མིའི་སྒྲིག་འཛུགས་ཀྱི་དཔལ་ལྡན་སྲིད་སྐྱོང་བློ་བཟང་སེང་གེ་མཆོག་ཕྱི་ལོ་ ༢༠༡༤ ཟླ་ ༡༠ ཚེས་ ༣༡ ནས་ཕྱི་ཟླ་ ༡༡ ཚེས་ ༨ བར་སྒང་ཏོག་དང་ར་ཝང་ལ་ཁུལ་གཞུང་འབྲེལ་འཚམས་གཟིགས་ཕེབས་གཏན་འཁེལ་འདུག
དེ་ཡང་སྲིད་སྐྱོང་མཆོག་ཕྱི་ཟླ་ ༡༠ ཚེས་ ༣༡ ཉིན་ག་གྷལ་ནས་མཁའ་ལམ་བརྒྱུད་ལྡི་ལིར་ཕེབས་འབྱོར་དང་། ཕྱི་ཚེས་ ༡ ཉིན་ལྡི་ལི་ནས་མཁའ་ལམ་བརྒྱུད་བྷག་ཌོར་རར་ཕེབས་འབྱོར་གནང་རྒྱུ། དེ་ནས་སྒང་ཏོག་བརྒྱུད་ར་ཝང་ལར་ཕེབས་ཐོན། ཕྱི་ཚེས་ ༢ ཉིན་ར་ཝང་ལ་ཁུལ་གྱི་ལས་འཆར་ཁག་གྲུབ་རྗེས་སྒང་ཏོག་ཏུ་ཕེབས་འཐོན་གནང་རྒྱུ། ཕྱི་ཚེས་ ༣ དང་ ༤ བཅས་ཉིན་གྲངས་གཉིས་རིང་སྒང་ཏོག་ས་གནས་སུ་ལས་རིམ་དང་། ཕྱི་ཚེས་ ༥ ཉིན་སྒང་ཏོག་ནས་མཁའ་ལམ་བརྒྱུད་བྷག་ཌོར་ར་དང་། དེ་ནས་ལྡི་ལིར་ཕེབས་འཐོན་གནང་རྒྱུ། ཕྱི་ཚེས་ ༦ དང་ ༧ ཉིན་ལྡི་ལིར་ལས་རིམ་ཡོད་པ་དང་། ཕྱི་ཚེས་ ༨ ཉིན་ལྡི་ལི་ནས་ག་གྷལ་བརྒྱུད་རྡ་སར་ཕེབས་འབྱོར་གནང་རྒྱུ་ཡིན་འདུག
ཐེངས་འདིར་སྲིད་སྐྱོང་བློ་བཟང་སེང་གེ་མཆོག་གིས་སྒང་ཏོག་ཁུལ་དུ་གཞུང་འབྲེལ་ཕྱོགས་ཕེབས་གནང་གྲུབ་མཚམས་སྲིད་སྐྱོང་མཆོག་གིས་ཕྱི་ལོ་ ༢༠༡༡ ཟླ་ ༨ ཚེས་ ༨ ཉིན་བོད་མིའི་ཆབ་སྲིད་དབུ་ཁྲིད་ཀྱི་ཐུགས་འགན་བཞེས་པ་ནས་ད་བར་ལོ་གསུམ་དང་ཟླ་བ་ ༢ ལྷག་རིང་བཙན་བྱོལ་བོད་མིའི་གཞིས་ཆགས་དང་སློབ་གྲྭ དགོན་སྡེ་ཁག་སོགས། དེ་བཞིན་ཡུ་རོབ་ཁུལ་དུ་གནས་སྡོད་བོད་རིགས་ས་ཁུལ་ཁག་ཚང་མའི་ནང་འཚམས་གཟིགས་ལེགས་གྲུབ་བྱུང་བ་ཞིག་ཆགས་ཡོད།
