༢༠༡༤ ཟླ་ ༨ ཚེས་ ༢༢ རེས་གཟའ་པ་སངས།

༄༅། །བོད་མིའི་སྒྲིག་འཛུགས་བཀའ་ཤག་གི་བཀའ་འབྲེལ་ལྟར། ཕྱི་ལོ་ ༢༠༡༤ ཟླ་ ༨ ཚེས་ ༡༢ ནས་ ༢༠ བར་ཆོས་རིག་བཀའ་བློན་པདྨ་ཆོས་འབྱོར་མཆོག་གིས་ཨོ་རི་ས་ཕུན་ཚོགས་གླིང་དང་། མེན་སྤར་ཕན་བདེ་གླིང་། བྷན་རྡ་ར་ནོར་རྒྱས་གླིང་ཁུལ་གྱི་བོད་མིའི་གཞིས་ཆགས་ཁག་གི་དགོན་པ་དང་གཞིས་ཆགས། སྨན་ཁང་། སློབ་གྲྭ་བཅས་ལ་གཟིགས་སྐོར་དང་སྦྲགས། དབུ་མའི་ལམ་གྱི་སྲིད་བྱུས་སྐོར་གོ་རྟོགས་རྒྱ་ཆེ་སྤེལ་བ་མ་ཟད། བོད་མིའི་སྒྲིག་འཛུགས་ཀྱིས་ཆོད་སེམས་བརྟན་པོའི་ཐོག་ནས་དབུ་མའི་ལམ་གྱི་སྲིད་བྱུས་ཐོག་རྒྱ་ནག་གཞུང་དང་གྲོས་མོལ་བརྒྱུད་བོད་རིགས་ཡོངས་ལ་མིང་དོན་མཚུངས་པའི་རང་སྲིད་རང་སྐྱོང་ཐོབ་ཐབས་གནང་བཞིན་ཡོད་སྐོར་སོགས་ངོ་སྤྲོད་གནང་འདུག