༢༠༡༤ ཟླ་ ༦ ཚེས་ ༥ རེས་གཟའ་ཕུར་བུ།

༄༅། །ཕྱི་ལོ་ ༢༠༡༤ ཟླ་ ༥ ཚེས་ ༢༩ ཉིན་ཨ་རིའི་མང་ཚོགས་རྣམས་ལ་རྒྱལ་སྤྱིའི་དབུ་ཁྲིད་ ༡༦ ཁྲོད་དགའ་མོས་ཆེ་ཤོས་ཞུ་སའི་དབུ་ཁྲིད་སུ་ཡིན་ཐོག་ཧེ་རིས་པོལ་ཞེས་པའི་ལས་ཁུངས་ཀྱིས་ Harris Poll ཕྱི་ལོ་ ༢༠༡༤ ཟླ་ ༥ ཚེས་ ༡༤ ནས་ ༡༩ བར་དྲ་རྒྱའི་ལམ་ནས་འོས་བསྡུ་བྱེད་སྐབས་ཡི་ཤུའི་བླ་ཆེན་པོབ་ཕ་རན་སི་སི་མཆོག་ལ་འོས་གྲངས་ཐོ་ཤོས་དང་དེ་རྗེས་བོད་ཀྱི་༸སྐྱབས་མགོན་ཏཱ་ལའི་བླ་མ་མཆོག་ཨང་གཉིས་པ་ཡིན་འདུག ཐེངས་འདིར་དྲ་རྒྱའི་ལམ་ནས་འོས་བསྡུ་བྱེད་སྐབས་མི་སྣ་རྒན་གཞོན་ཁྱོན་མི་གྲངས་ ༢༢༨༦ ཡོད་འདུག ཡི་ཤུའི་བླ་ཆེན་པོབ་ཕ་རན་སི་སི་མཆོག་ལ་འོས་གྲངས་བརྒྱ་ཆ་ ༧༦ ཐོབ་པ་དང་། ༸གོང་ས་༸སྐྱབས་མགོན་ཆེན་པོ་མཆོག་ལ་འོས་གྲངས་བརྒྱ་ཆ་ ༦༨ ཐོབ་འདུག ཨ་རིའི་སྲིད་འཛིན་སྐུ་ཞབས་བྷ་རཀ་ཨོ་བྷ་མར་འོས་གྲངས་བརྒྱ་ཆ་ ༤༩ ཐོབ་པ་དང་། ཇར་མན་སྲིད་འཛིན་ལྕམ་སྐུ་ཨེན་ཇེ་ལ་མར་ཀེལ་མཆོག་ལ་འོས་གྲངས་བརྒྱ་ཆ་ ༤༣ དང་། རྒྱ་ནག་གི་སྲིད་འཛིན་ཞི་ཅིན་ཕིང་ལ་འོས་གྲངས་ ༡༥ ལས་ཐོབ་མེད།
.