༢༠༡༤ ཟླ་ ༥ ཚེས་ ༢༣ རེས་གཟའ་པ་སངས།
༄༅། །འདི་གར་ནང་སྲིད་ལས་ཁུངས་ནས་ཕྱི་ལོ་ ༢༠༡༤ ཟླ་ ༥ ཚེས་ ༢༢ ཉིན་བཏང་གནས་ནང་འཁོད་དོན། དེ་སྔ་ཀུ་ལུ་དཔལ་རབ་གླིང་གཞིས་སྒར་སྒྲིག་ཁོངས་ཡིན་པ་ད་ཆ་བོད་མིའི་སྒྲིག་འཛུགས་ཀྱིས་རོགས་མགོན་ཐབས་སྦྱོར་ཐོག་ཨ་རིར་གཞིས་སྤོས་ཀྱིས་ཨ་རིར་གནས་འཁོད་ཚེ་ཅིག་སྒྲོལ་མ་ལགས་སུ་ཞུ་རྒྱུར། ཁྱེད་རང་དེ་སྔ་ཨ་རིར་སྐྱབ་བཅོལ་བོད་མི་ཆིག་སྟོང་ཐམ་པ་གཞིས་ཆགས་སུ་གཏོང་ལེན་ལས་གཞིའི་ཁོངས་སུ་གཞིས་སྤོས་བྱ་རྒྱུའི་གོ་སྐབས་ཞུ་ཐོབ་རྡོག་ཐོན་བྱེད་སྐབས་ལག་སྣེའི་དཀའ་ངལ་འཕྲད་དེ་ཀུ་ལུ་དཔལ་རབ་གླིང་ས་གནས་འགོ་འཛིན་ལས་ཁུངས་ནས་ཧིན་སྒོར་ ༨༠༠༠།༠༠ བརྒྱད་སྟོང་ཐམ་པ་སྔ་གཡར་གནང་ཚབ་དུས་ད་ལྟ་བར་སྐྱིན་ཚབ་ཕུལ་མེད་སྟབས། ཁྱེད་རང་གི་མིང་ཐོག་བུ་ལོན་ཡོང་བསྡད་ཆགས་ཡོད། ཀུ་ལུ་ས་འགོ་ལས་ཁུངས་ནས་ཁྱེད་རང་གི་སྡོད་གནས་མིང་བྱང་མ་ཐོབ་པར་བརྟེན་འདེད་སྐུལ་བྱེད་ཐུབ་མེད་ནའང་། ཁྱེད་རང་གི་བཟང་སྤྱོད་རང་འགུལ་གྱིས་རང་ཉིད་ལ་ཁ་ཚ་དགོས་གཏུགས་སྐབས་ངལ་སེལ་གཡར་པོ་བྱུང་བའི་དངུལ་འབབ་བཀྲིན་བསམ་དྲན་དང་བཅས་ཁུངས་འབུལ་ཞུ་དགོས་པ་ཇི་བཞིན་མ་བྱུང་བའི་དངུལ་བུན་དེ་ཉིད་ཀུ་ལུ་ས་འགོ་ལས་ཁུངས་སུ་ ༢༠༡༤།༦།༣༠ འགྱངས་མེད་གྲངས་ཚང་སྐྱིན་འབུལ་ཞུ་གལ་དང་། གལ་ཏེ་གོང་གསལ་དུས་བཀག་ནང་ཚུད་དངུལ་སྐྱིན་གཙང་འབུལ་མ་ཞུས་ཚེ་ཚགས་ཤོག་སོགས་ནང་ཁྱེད་རང་གིས་སྤྱི་རྒྱུ་སྒེར་སྤྱོད་བྱས་པར་གསལ་བསྒྲགས་བྱ་རྒྱུ་དེ་དོན་ཡིད་འཇགས་ཡོད་པ་བཅས།།
