༢༠༡༤ ཟླ་ ༤ ཚེས་ ༡༥ རེས་གཟའ་མིག་དམར།
༄༅། །འདི་གར་ཆེས་མཐོའི་ཁྲིམས་ཞིབ་ཁང་ནས་ཕྱི་ལོ་ ༢༠༡༤ ཟླ་ ༤ ཚེས་ ༡༤ ཉིན་བཏང་གནས་ནང་འཁོད་དོན། བྱང་ཕྱོགས་བོད་མིའི་ས་གནས་ཁྲིམས་ཞིབ་ཁང་གི་ས་གནས་ཁྲིམས་ཞིབ་པ་རྣམ་རྒྱལ་ཚེ་སྐྱིད་ལགས་ཀྱིས། ཕྱི་ལོ་ ༢༠༡༤ ཟླ་ ༣ ཚེས་ ༢༩ ནས་ཟླ་ ༤ ཚེས་ ༥ བར་སྦིར་བོད་ཚོགས་ས་གནས་འཐུས་ཚོགས་སྐབས་བརྒྱད་པའི་འདེམས་ཐོན་ཚོགས་མི་དང། ཚོགས་གཙོ་ཚོགས་གཞོན་བཅས་ལས་ཁུར་དམ་བཅའ་འབུལ་བཞེས་ཀྱི་གནང་སྒོ་ལེགས་གྲུབ་བྱུང་བསྟུན། ཀུན་ཕན་རིག་གནས་སློབ་གྲྭ་དང་། བཀྲིས་ལྗོངས། སྦིར་བོད་ཚོགས། ཅོན་ཏ་ར། ཅོན་ཏ་ར་སཾ་བྷོ་ཊ་གཏན་སློབ། སུ་ཇ་བོད་ཁྱིམ། གོ་པལ་པུར་བོད་ཁྱིམ། སཱ་ར་མཐོ་སློབ། མེས་དབོན་གཙུག་ལག་སློབ་གྲྭ་བཅས་སུ་ཁྲིམས་ཞིབ་པ་ངོ་སྤྲོད་དང་ཁྲིམས་ལུགས་གོ་རྟོགས་སྤེལ་ཡོད།
དེ་ཡང་ཕྱི་ལོ་ ༢༠༡༤ ཟླ་ ༣ ཚེས་ ༢༩ ཉིན་སྔ་དྲོ་ཆུ་ཚོད་ ༡༡ ཐོག་ས་གནས་ཁྲིམས་ཞིབ་པ་རྣམ་རྒྱལ་ཚེ་སྐྱིད་ལགས་ནས་ཀུན་ཕན་རིག་གནས་སློབ་གྲའི་དགེ་སློབ་རྣམས་དང་། ཕྱི་ཚེས་ ༣༠ ཉིན་དགོང་དྲོ་ཆུ་ཚོད་ ༤།༠༠ ནས་ ༥།༠༠ བར་བཀྲིས་ལྗོངས་ས་གནས་འགོ་འཛིན་དབུས་
པའི་སྤྱི་མི་དང་སེར་སྐྱ་མི་མང་། ཕྱི་ཚེས་ ༣༡ ཉིན་རྒྱབ་ཆུ་ཚོད་ ༤།༣༠ ནས་ ༥།༣༠ བར་སུ་ཇ་བོད་ཁྱིམ་འཛིན་རིམ་དྲུག་པ་ཡན་གྱི་དགེ་སློབ། ཕྱི་ཚེས་ ༡ ཉིན་སྦིར་བོད་ཚོགས་ཀྱི་ཚོགས་ཁང་དུ་ས་གནས་འགོ་འཛིན་དབུས་པའི་སྤྱི་མི་དང་། སེར་སྐྱ་མི་མང་།
ཕྱི་ཚེས་ ༢ ཉིན་གྱི་སྔ་དྲོ་ཆུ་ཚོད་ ༡༠།༣༠ ཐོག་ཅོན་ཏ་ར་སཾ་བྷོ་ཊའི་གཏན་སློབ་ཚོགས་ཁང་དུ་སཾ་བྷོ་ཊའི་དགེ་སློབ་དང་། ཅོན་ཏ་ར་ས་གནས་འགོ་འཛིན་དབུས་པའི་སྤྱི་མི་སེར་སྐྱ་མི་མང་། ཉིན་རྒྱབ་ཆུ་ཚོད་ ༢ ཐོག་རྗོང་གསར་བཤད་གྲྭའི་དགེ་འདུན་རྣམ་པ། ཚེས་ ༣ དགོང་མོ་གོ་པལ་པུར་སློབ་གྲྭའི་ཚོགས་ཁང་དུ་འཛིན་རིམ་བདུན་པ་ཡན་གྱི་དགེ་སློབ། ཕྱི་ཚེས་ ༤ ཉིན་སྔ་དྲོ་སཱ་ར་མཐོ་སློབ། ཕྱི་ཚེས་ ༥ ཉིན་སྔ་དྲོ་ཆུ་ཚོད་ ༡༡ ཐོག་མེས་དབོན་གཙུག་ལག་དཔེ་སྟོན་སློབ་གྲྭའི་འཛིན་རིམ་བདུན་པ་ཡན་གྱི་དགེ་སློབ་བཅས་ལ་བཙན་བྱོལ་བོད་མིའི་ཁྲིམས་ལུགས་དབང་འཛིན་ངོ་སྤྲོད་དང་སྦྲགས། ཆེས་མཐོའི་ཁྲིམས་ཞིབ་ཁང་གིས་འགན་དབང་དང་། ཁྲིམས་ཁོངས་ཁྱབ་ཚད། གྱོད་ཡའི་མོས་མཐུན་ཆོད་ཡིག ལག་བསྟར་དམ་ཡིག བརྡ་ཐོར་བརྩི་བཀུར། 
གཞི་རྩའི་ཆ་རྐྱེན་། བྱེད་ཐབས་ཇི་ཡོད། གྱོད་ཡ་ཉམ་ཐག་ལ་མཐུན་རྐྱེན། ས་གནས་ཁྲིམས་ཞིབ་ཁང་དང་སྐོར་སྐྱོད་ཁྲིམས་ཞིབ་ཁང་གི་ཁྲིམས་ཁོངས་ཁྱབ་ཚད། ཟུར་བཙུགས་བོད་མིའི་ས་གནས་ཁྲིམས་ཞིབ་ཁང་ལ་འཕྲལ་སེལ་ཁ་མཆུ་ཞུ་གཏུག་བྱ་ཡུལ་བཅས་ཀྱི་སྐོར་ངོ་སྤྲོད་གསུང་བཤད་དང་། དྲི་བ་ཁག་ལ་ལན་འདེབས་གནང་ཡོད།
