༢༠༡༤ ཟླ་ ༣ ཚེས་ ༡༡ རེས་གཟའ་མིག་དམར།
༄༅། །ཨ་རིའི་བོད་མི་མང་སྤྱི་འཐུས་བཀྲ་ཤིས་རྣམ་རྒྱལ་ལགས་ཀྱིས་བཏང་གནས་ནང་འཁོད་དོན། ཕྱི་ལོ་ ༢༠༡༤ ཟླ་བ་ ༣ ཚེས་ ༢ ཉིན་ཨ་རིའི་བོད་རིགས་སྤྱི་མཐུན་ཚོགས་པ་ཁག་གིས་དོལ་རྒྱལ་ཚོགས་པས་༸གོང་ས་མཆོག་གི་སྐུ་ཕྱར་བདོ་བའི་བྱ་སྤྱོ་ཐད་བློ་འཚབ་ཡོད་པའི་གསལ་བསྒྲགས་སྤེལ་བ་གཤམ་གསལ།
སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་དེང་སང་ཨ་རིར་ཆིབས་སྒྱུར་མཛད་འཕྲིན་སྐྱོང་བཞིན་པའི་སྐབས་འདིར་དོལ་རྒྱལ་ཚོགས་པས་སྤེལ་བའི་བྱ་སྤྱོད་ཐད། ང་ཚོ་བྱང་ཨ་རིའི་སྤྱི་འཐུས་གཉིས་དང་བྱང་ཨ་རིའི་བོད་རིགས་སྤྱི་མཐུན་ཚོགས་པ་ཁག་བློ་འཚབ་ཧ་ཅང་ཆེན་པོ་བྱུང་། དེ་ཡང་ཨ་རི་བ་ཁྲི་སྟོང་མང་པོས་༸གོང་ས་༸སྐྱབས་མགོན་ཆེན་པོ་མཆོག་ཨ་རིར་ཆིབས་སྒྱུར་གནང་བར་དགའ་འབོད་ཞུ་བཞིན་པའི་སྐབས་སུ། རང་གིས་རང་ལ་“རྒྱལ་སྤྱིའི་ཤུགས་ལྡན་ཚོགས་པ་”ཞེས་འབོད་པའི་ཆོས་ལུགས་ཐལ་སྤྱོད་པ་ཁག་ཅིག་གིས་མགོན་པོ་གང་དང་ཧ་ཅང་ཐག་ཉེར་འཚང་སྟེ། མཚན་དམད་སྐུར་འདེབས་དང་སྐུ་ཕྱྭར་བདོ་ཉེན་དངོས་མཐོང་བྱུང་བར་ཧ་ཅང་གིས་བློ་འཚབ་ཆེན་པོ་བྱུང་། ང་ཚོས་ངོ་རྟགས་ཆོད་པར་གཞིགས་ན། མི་དེ་ཚོ་མང་ཆེ་བ་ནི་བཀའ་གདམས་གསར་མའི་ཆོས་ཚོགས་ཟེར་བའི་ཁོངས་མི་རེད་འདུག
ཕྱི་ལོ་ ༡༩༩༧ ལོར་རྒྱ་གར་སྐོར་སྲུང་བས་དོལ་རྒྱལ་ཚོགས་པའི་ཁོངས་མི་འགའ་ཞིག་གིས། སྙན་གྲགས་ཅན་གྱི་ནང་པའི་མཁས་དབང་ཞིག་དང་ཁོང་གི་སློབ་མ་བཀྲོངས་ཏེ་བོད་ནང་བྲོས་གབ་བྱས་པ་ཡོངས་བསྒྲགས་གནང་ཞིང་། རྒྱལ་སྤྱིའི་སྐོར་སྲུང་ལྷན་ཚོགས་ཀྱིས་ལག་དམར་བ་དེ་དག་ཕྱིར་སྤྲོད་དགོས་པའི་བཀོད་ཁྱབ་གནང་བ་རྣམས་ང་ཚོས་དྲན་སོས་ཀྱི་འདུག ཚོགས་པ་འདིའི་ཚོགས་མི་འགའ་ཞིག་གིས་དྲག་སྤྱོད་སྤེལ་བ་དང་མི་གསོད་ཁྲག་སྦྱོར་བྱས་པའི་ལོ་རྒྱུས་ཡོད་པ་རེད། བོད་ཀྱི་རྒྱལ་བསྟན་གྱི་དབུ་ཁྲིད་ཡིན་པའི་ཆ་ནས། ༸གོང་ས་༸སྐྱབས་མགོན་ཆེན་པོ་མཆོག་གིས། གང་གི་རྗེས་འབྲངས་ནང་པ་ཚོར། བོད་ཀྱི་ནང་ཆོས་རྣམ་དག་སྒྲུབ་ཚུལ་ཇི་ལྟར་ཡིན་པའི་བསླབ་འདོམས་གནང་རྒྱུ་ནི་མགོན་པོ་བཟང་སྤྱོད་ཀྱི་འགན་འཁྲི་ཡིན་པར་དགོངས་ཐོག གང་གི་སྒྲིབ་བྲལ་ཡེ་ཤེས་དང་ལོ་མང་བརྟག་ཞིབ་གནང་བའི་བརྙེད་དོན་གཞི་བཟུང་། ལོ་རྒྱུས་ཐོག་ཐུགས་སྣང་མི་གཤིན་ཞིང་རྩོད་གཞི་ཅན་གྱི་ངོ་བོར་གནས་པའི་དོལ་རྒྱལ་བསྟེན་གསོལ་གྱི་ངན་འབྲས་ཇི་ཡོད་ལམ་སྟོན་གསལ་པོ་གནང་ཡོད། དེ་དང་ཆབས་ཅིག་༸གོང་ས་མཆོག་གིས། ཐ་མ་ཉན་དང་མི་ཉན་སོ་སོའི་འདོད་པ་རེད་ཅེས་གསུངས་ཡོད། དོལ་རྒྱལ་ཚོགས་པས་༸གོང་ས་མཆོག་གི་བཀའ་སློབ་ལ་བརྩི་འདོད་མེད་པས། ཁོང་ལ་ཐུགས་བསུན་བཟོ་དོན་ག་རེ་ཡིན་ནམ།
ཕྱི་ལོ་ ༡༩༥༩ ལོར་རྒྱ་ནག་གུང་ཁྲན་གཞུང་གིས་༸གོང་ས་མཆོག་གི་སྐུ་ཕྱྭར་བདོ་སྐབས་བོད་པ་ཚོས་སྒེར་ལངས་ངོ་རྒོལ་བྱས་པ་རེད། གནས་ཚུལ་དེ་གསལ་པོ་ཤེས་ངེས་ཀྱི་གང་ཟག་འགའ་ཞིག་གིས་ད་ཆ་སྐུ་ཕྱྭར་བདོ་བའི་བྱ་སྤྱོད་ལ་ང་ཚོས་བཟོད་སྒོམ་གཏན་ནས་བྱེད་མི་ཐུབ། ང་ཚོའི་སེམས་ལ་གནོད་ཤོས་ཤིག་ནི། དོལ་རྒྱལ་ཚོགས་པའི་བྱ་སྤྱོད་ཀྱིས། བོད་ནང་གི་བོད་རིགས་སྤུན་ཟླ་ཚོའི་ཉིན་རེའི་འཐབ་རྩོད་ལ་ཁྱད་གསོད་དང་འཕྱ་སྨོད་བྱེད་པ་དེ་ཡིན། ༸གོང་ས་༸སྐྱབས་མགོན་ཆེན་པོ་མཆོག་ནི་བོད་ནང་གི་བོད་མི་ཚོའི་བློ་གཏད་བཅོལ་ཡུལ་དང་སེམས་ཤུགས་ཀྱི་འབྱུང་རྩ་ཉག་ཅིག་དེ་རེད། ༸གོང་ས་༸སྐྱབས་མགོན་ཆེན་པོ་མཆོག་ཨ་རིར་ཆིབས་སྒྱུར་གྱིས་བོད་ཀྱི་ལོ་གསར་རིང་ངེད་ཅག་དང་ལྷན་བཞུགས་བཀའ་དྲིན་ཆེ་བར། ཨ་རི་བ་སྤྱི་དང་བྱེ་བྲག་ཏུ་ང་ཚོ་ཨ་རིའི་བོད་རིགས་ཚོགས་པ་རྣམས་ཀྱིས་ཧ་ཅང་སྐལ་བ་བཟང་པོར་བརྩི་བཞིན་ཡོད། ༸གོང་ས་མཆོག་གང་གི་བཞུགས་སྒར་དྷ་རམ་ས་ལར་ཕྱིར་ཕེབས་མ་གནང་གོང་། གྲོང་ཁྱེར་མིན་ནེ་ཨེ་པོ་ལི་སེ་ Minneapolis དང་། ཝ་ཤིང་ཊོན་ཌི་སི་ Washington, D.C ལ་ཆིབས་སྒྱུར་མཛད་འཆར་ཡོད་པར་བརྟེན། ཝ་ཤིང་ཊོན་དུ་ཡོད་པའི་ང་ཚོའི་གཞུང་ལ། དོལ་རྒྱལ་ཚོགས་པས་སྐུ་ཕྱྭར་བདོ་ཉེན་ཆེ་བའི་སྐབས་འདིར།༸གོང་ས་མཆོག་གི་སྐུ་ཕྱྭའི་ཉེན་སྲུང་ཤུགས་ཆེ་རུ་གཏོང་དགོས་པའི་འབོད་སྐུལ་ཞུ་རྒྱུ་ཡིན། ང་ཚོ་ཨ་རིའི་བོད་རིགས་ཚོགས་པ་ཡོངས་ཀྱིས་སྙིང་དབུས་ནས་༸གོང་ས་༸སྐྱབས་མགོན་ཆེན་པོ་མཆོག་གི་སྐུ་ཚེ་ཞབས་པད་བརྟན་ཅིང་ཐུགས་བཞེད་མ་ལུས་ལྷུན་གྱིས་འགྲུབ་པའི་གསོལ་འདེབས་ཞུ་རྒྱུ་ཡིན།
༸གོང་ས་༸སྐྱབས་མགོན་ཆེན་པོ་མཆོག་ནི། བོད་མིའི་རྩོད་མེད་ཡོངས་གྲགས་ཀྱི་སྐྱབས་མགོན་དང་དཔུང་གཉེན་དམ་པ་ཡིན་ཞིང་། བོད་མི་མང་དང་༸གོང་ས་ཏཱ་ལའི་བླ་མའི་དབར་དུས་རབས་མང་པོའི་རིང་གདུལ་བྱ་འདུལ་བྱེད་ཀྱི་ཐུན་མོང་མ་ཡིན་པའི་འབྲེལ་བ་ཆགས་ཡོད། དོལ་རྒྱལ་ཚོགས་པས་བོད་མིའི་སྙིང་ལ་རྨ་ཁ་ཟབ་མོ་བཟོ་བཞིན་པ་མ་ཟད།༸གོང་ས་ཏཱ་ལའི་བླ་མ་སྐུ་ཕྲེང་བཅུ་བཞི་པ་ཆེན་པོའི་སྐུ་ཕྱྭར་ཉེན་ཁ་བཟོ་མཁན་ཆགས་ཡོད།
1. Tibetan American Foundation of Minnesota
2. Tibetan Association of Western Massachusetts
3. Boston Tibetan Association
4. Capital Area Tibetan Association
5. Indiana Tibetan Association
6. Montana Tibetan Cultural Association
7. Northwest Tibetan Cultural Association, Oregon
8. Vermont Tibetan Association
9. Tibetan Association of Idaho
10. Tibetan Association of Northern California
11. Tibetan Association of Southern California
12. Colorado Tibetan Association
13. Chicago Tibetan Alliance
14. Michigan Tibetan Association
15. Tibetan Association of New Jersey and New York
16. Tibetan Association of Santa Fe, New Mexico
17. Albuquerque Tibetan Association
18. Ithaca Tibetan Association
19. Tibetan Association of North Carolina
20. Philadelphia Tibetan Association
21. Tibetan Association of Austin, TX
22. Utah Tibetan Association
23. Charlottesville Tibetan Association
24. Tibetan Association of Washington State
25. Wisconsin Tibetan Association
26 Canadian Tibetan Association of Ontario
27 Tibetan Culture Association of Vancouver B.C
28 Montreal Tibetan Association
29 Tibetan Association of Alberta
