༢༠༡༤  ཟླ་ ༢ ཚེས་ ༡༡ རེས་གཟའ་མིག་དམར།

༄༅། །ཨ་རིའི་ནང་རྟེན་གཞི་བྱས་པའི་སྙན་གྲགས་ཅན་གྱི་ཀོ་ལོམ་བྷི་ཡ་གཙུག་ལག་སློབ་གཉེར་ཁང་གི་འཕགས་བོད་ནང་དོན་རིག་པའི་དགེ་རྒན་ཆེ་མོ་བ་རྩོམ་པ་པོ་སྐུ་ཞབས་(Robert thurman)རོ་བྷོར་ཊཐར་མོན་ལགས་ཀྱིས་(Avaaz.org)ཞེས་པའི་དྲ་ཐོག་ནས་ལས་འགུལ་ཞིག་སྤེལ་ཏེ། རྒྱལ་སྤྱིའི་མང་ཚོགས་ལ་རྒྱ་ནག་གི་སྲིད་འཛིན་ཞི་ཅིན་ཕིང་ནས་(Xi Jinping to have tea with Dalai Lama launched)བོད་ཀྱི་༸སྐྱབས་མགོན་ཏཱ་ལའི་བླ་མ་མཆོག་དང་ལྷན་གསོལ་ཇ་བཞེས་པའི་མིང་བྱང་འོག་དབུ་ཁྲིད་རྣམ་གཉིས་མཇལ་མོལ་ཡོང་རྒྱུའི་ལས་འགུལ་སྤེལ་བཞིན་འདུག
དེ་ཡང་ཁོང་གིས་གསུང་དོན། གལ་སྲིད་དབུ་ཁྲིད་རྣམ་གཉིས་མཇལ་མོལ་གནང་ཐུབ་ཚེ། རྒྱ་ནག་གཞུང་གི་འཁོན་སེམས་དང་དྲག་གནོན་ཅན་གྱི་སྲིད་བྱུས་ཁག་མཚམས་འཇོག་ཡོང་ངེས་ཡིན། དེར་བརྟེན་རྒྱ་ཧན་མི་རིགས་དང་བོད་པ། དེ་བཞིན་གྲངས་ཉུང་མི་རིགས་ཀུན་ལ་ཡང་ཕན་ཐོགས་ཆེན་པོ་ཡོང་རྒྱུ་ཡིན་པ་མ་ཟད། རྒྱ་ནག་གི་སྤྱི་ཚོགས་བརྟན་ལྷིང་དང་ཨེ་ཤི་ཡའི་རྒྱལ་ཁབ་ཁག་གི་འབྲེལ་ལམ་དང་འཛམ་གླིང་འདིའི་ནང་གཟི་བརྗིད་དང་དཔལ་ཡོན་ལྡན་པའི་རྒྱྱལ་ཁབ་གཅིག་ཏུ་འགྱུར་བའི་ཁྱད་པར་ཧ་ཅང་ཆེན་པོ་ཡོད་པར་བརྟེན། རྒྱལ་སྤྱིའི་མང་ཚོགས་ནས་ངའི་ལས་འགུལ་འདིར་རྒྱབ་སྐྱོར་གནང་རོགས། ཞེས་གསུངས་འདུག