༢༠༡༤ ཟླ་ ༡ ཚེས་ ༢༣ རེས་གཟའ་ཕུར་བུ།
༄། །ཕྱི་ལོ་ ༢༠༡༤ ཟླ་ ༡ ཚེས་ ༢༤ ནས་ཕྱི་ཟླ་ ༢ ཚེས་ ༤ བར་བོད་མིའི་སྒྲིག་འཛུགས་ཀྱི་སྲིད་སྐྱོང་བློ་བཟང་སེང་གེ་མཆོག་རྟ་དབང་དང་། དྷི་རང་། འབུམ་སྡེ་ལ། བསྟན་འཛིན་སྒང་། ཀྲུ་ཀྲིང་། ཏི་ཛུ། མེའོ། ཤི་ལོངས་བཅས་བྱང་ཤར་ཁུལ་བོད་མིའི་གཞིས་ཆགས་ཁག་གཅིག་ཏུ་གཞུང་འབྲེལ་འཚམས་གཟིགས་དང་། ཕྱི་ཟླ་ ༢ ཚེས་ ༤ ཉིན་ཕྱི་དྲོ་ཤི་ལོངས་དུ་ Martin Luther Christian University (MLCU) ཡི་ཤུའི་གཙུག་ལག་སློབ་གཉེར་ཁང་དུ་གསུང་བཤད། ཕྱི་ཚེས་ ༦ ཉིན་གུ་ཝ་ཧཱ་ཊིར་ཕྱི་ལོ་ ༢༠༡༤ བོད་ཀྱི་དུས་སྟོན་གྱི་མཇུག་བསྡོམས་མཛད་སྒོ་དང་། National Law Universitty & Academy གཙུག་ལག་སློབ་ཁང་དུ་གསུང་བཤད། ཕྱི་ཚེས་ ༧ ཉིན་ལྡི་ལིར་ཆེས་མཐོའི་མི་སྣ་ཁག་གཅིག་དང་ལྷན་མཇལ་འཕྲད་གནང་རྒྱུ་ཡིན་འདུག
དེ་ཡང་སྲིད་སྐྱོང་མཆོག་ཕྱི་ཚེས་ ༢༤ ཉིན་རྡ་ས་ནས་ལྡི་ལིར་ཕེབས་ཐོན་གྱིས་ཚེས་་༢༥ ཉིན་ལྡི་ལི་ནས་མཁའ་ལམ་བརྒྱུད་གུ་ཝ་ཧཱ་ཊིར་ཕེབས་འབྱོར་དང་། དེ་ནས་མཁའ་ལམ་བརྒྱུད་རྟ་དབང་དུ་ཕེབས་འབྱོར་གནང་རྒྱུ། ཕྱི་ཟླ་ ༡ ཚེས་ ༢༥ ནས་ཕྱི་ཟླ་ ༢ ཚེས་ ༤ བར་རྟ་དབང་དང་། དྷི་རང་། འབུམ་སྡེ་ལ། བསྟན་འཛིན་སྒང་། ཀྲུ་ཀྲིང་། ཏི་ཛུ། མེའོ། ཤི་ལོངས་བཅས་བྱང་ཤར་བོད་མིའི་གཞིས་ཆགས་ཁག་ཏུ་འཚམས་གཟིགས་དང་། (MLCU) ཡི་ཤུའི་གཙུག་ལག་སློབ་གཉེར་ཁང་དུ་གསུང་བཤད་གནང་རྒྱུ་ཡིན་འདུག
ཕྱི་ཟླ་ ༢ ཚེས་ ༥ ཉིན་ཤི་ལོངས་ནས་གོ་ཝ་ཧཱ་ཊིར་ཕེབས་འབྱོར་གྱིས་དེ་ཉིན་གྱི་ཕྱི་དྲོ་ National Law Universitty & Academy གཙུག་ལག་སློབ་ཁང་དུ་གསུང་བཤད། ཕྱི་ཚེས་ ༦ ཉིན་གྱི་ཕྱི་དྲོ་ ༢༠༡༤ བོད་ཀྱི་དུས་སྟོན་གྱི་མཇུག་བསྡོམས་མཛད་སྒོར་ཕེབས་ཞུགས་གནང་རྒྱུ། དེ་ཉིན་ལྡི་ལིར་ཕེབས་ཐོན་གྱིས་ཕྱི་ཚེས་ ༧ ཉིན་ལྡི་ལིར་ཆེས་མཐོའི་མི་སྣ་ཁག་གཅིག་དང་ལྷན་མཇལ་འཕྲད་དང་། ཕྱི་ཚེས་ ༨ ཉིན་རྡ་སར་ཕེབས་འབྱོར་གནང་རྒྱུ་ཡིན་འདུག
