༢༠༡༣ ཟླ་ ༨ ཚེས་ ༢༡ རེས་གཟའ་ལྷག་པ།
༄༅། །འདི་གར་ཏི་ཛུ་དར་རྒྱས་གླིང་ས་གནས་འགོ་འཛིན་ལས་ཁང་ནས་ཕྱི་ལོ་ ༢༠༡༣ ཟླ་ ༨ ཚེས་ ༢༡ ཉིན་བཏང་གནས་ནང་འཁོད་དོན། སྲིད་སྐྱོང་བློ་བཟང་སེང་གེ་མཆོག་གིས་བཀའ་བློན་ཁྲི་པ་དང་སྲིད་སྐྱོང་གི་ལས་ཁུར་བཞེས་ཏེ་ལོ་གཉིས་ཧྲིལ་པོ་འཁོར་བ་དང་སྟབས་བསྟུན་ཏི་ཛུ་དར་རྒྱས་གླིང་གཞིས་ཆགས་ཀྱི་ལྷ་དགོན་བྱང་ཆུབ་ཆོས་གླིང་གི་དབུ་འཛིན་རྫོགས་ཆེན་དགའ་ནོར་རིན་པོ་ཆེ་མཆོག་དབུ་བཞུགས་ཐོག་གཞིས་དགོན་གསུམ་གྱི་དགེ་འདུན་པ་རྣམས་དང་ས་གནས་འགོ་འཛིན་ལས་ཚབ་ལས་དྲུང། ས་གནས་རང་བདེན་ཚོགས་ཆུང་། གཞིས་གྲོང་སྤྱི་མི་ལྔ། གཞིས་མཉམ་ཀྱི་ལས་བྱེད་དང་མི་དམངས་བཅས་ཁྱོན་མི་གྲངས་ ༢༦༠ བརྒལ་བ་༸རྒྱལ་བའི་ཕོ་བྲང་ནང་ལྷན་འཛོམས་ཐོག་མར་མེ་བརྒྱ་མཆོད་འབུལ་གཤོམ་དང་འབྲེལ་ཕྱི་ལོ་ ༢༠༠༩ ནས་བཟུང་བོད་བསྟན་སྲིད་མི་རིགས་ཆེད་རང་སྲོག་བློས་གཏོང་མཁན་རྒྱལ་གཅེས་པ་ཕོ་མོ་འདས་གསོན་ཡོངས་ཀྱི་ཆེད་སྨོན་ལམ་གསུང་འདོན་གནང་འདུག་པ་བཅས། །