༢༠༡༣་ཟླ་ ༥ ཚེས་ ༡༤ རེས་གཟའ་མིག་དམར།
༄༅། །ཕྱི་དྲིལ་བཀའ་བློན་བདེ་སྐྱིད་ཆོས་དབྱངས་མཆོག་ཕྱི་ལོ་ ༢༠༡༣ ཟླ་ ༥ ཚེས་ ༡༡ ཉིན་ཨོན་ཊེ་རིའོ་སི་བོད་རིགས་སྤྱི་མཐུན་ཚོགས་པའི་ Canadian Tibetan Association of Ontario’s ཞལ་འདེབས་བསྡུ་རུབ་ཀྱི་ལས་གཞི་དང་འབྲེལ་བའི་མཛད་སྒོའི་ཐོག་ཕེབས་ཡོད། སྐབས་དེར་སྐུ་མགྲོན་གཙོ་བོ་ཁེ་ཎ་ཌའི་མི་སེར་དང་ཕྱི་མི་གནས་སྤོ། དེ་བཞིན་རིག་གཞུང་སྣ་མང་སྲུང་སྐྱོབ་བློན་ཆེན་སྐུ་ཞབས་ཇེ་སོན་ཀེན་ནི་ Jason Kenney མཆོག་ཡིན་པ་མ་ཟད། གཞན་ཡང་སྐུ་མགྲོན་དུ་ཁེ་ཎ་ཌའི་དབུས་ས་གཉིས་ཀྱི་སྐུ་ཚབ་འཐུས་མི་བཅས་ཕེབས་འདུག སྐབས་དེར་ཕྱི་དྲིལ་བཀའ་བློན་མཆོག་གིས་ཁེ་ཎ་ཌའི་གཞུང་འབྲེལ་མི་སྣ་རྣམས་དང་ལྷན་ཐུག་འཕྲད་གནང་བ་མ་ཟད། ཕན་ཚུན་བོད་དོན་ཐོག་གོ་བསྡུར་སྦྱངས་བཤད་གནང་ཡོད། ཕྱོགས་མཚུངས་ཕྱི་ཚེས་ ༡༢ ཉིན་ཕྱི་དྲིལ་བཀའ་བློན་མཆོག་གིས་ས་གནས་བོད་རིགས་རྣམས་དང་ལྷག་པར་གཞོན་སྐྱེས་རྣམས་ལ་གསུང་བཤད་ཡང་གནང་ཡོད།
སྐུ་ཞབས་ཇེ་སན་ཀེ་ནི་མཆོག་དང་ལྷན།
