༢༠༡༢ ཟླ་ ༡ ཚེས་ ༡༧ རེས་གཟའ་མིག་དམར།
༄༅། །བཀའ་བློན་ཁྲི་པ་བློ་བཟང་སེང་གེ་མཆོག་ལྡི་ལིའི་ལས་རིམ་ཁག་ལེགས་པར་གྲུབ་རྗེས་ཕྱི་ལོ་ ༢༠༡༢ ཟླ་ ༡ ཚེས་ ༡༩ ནས་ ༢༣ བར་གཞུང་འབྲེལ་ཕྱོགས་ཕེབས་གནང་རྒྱུ་ཡིན་འདུག
དེ་ཡང་ཕྱི་ཟླ་ ༡ ཚེས་ ༡༩ ཉིན་བཀའ་ཁྲི་མཆོག་ལྡི་ལི་ནས་ཀོལ་ཀ་ཏར་ཕེབས་ཐོན་གྱིས་ཕྱི་ཚེས་ ༢༠  ཉིན་སྔ་དྲོ་ (YMWS) ཚོགས་པའི་ལས་གཞི་ཁག་ལ་གཟིགས་ཞིབ་གནང་རྒྱུ་དང། དེ་ཉིན་གྱི་ཕྱི་དྲོར་(Tagore Center for Informative education) ཞེས་པའི་བསྟི་གནས་ཁང་དབུ་འབྱེད་གནང་རྒྱུ་ཡིན་འདུག ཕྱི་ཚེས་ ༢༡ ཉིན་ཀོལ་ཀ་ཏ་ནས་དིབ་རུ་གྷར་ཕེབས་འབྱོར་གྱིས་མེའོ་ཆོས་འཕེལ་གླིང་བོད་མིའི་གཞིས་ཆགས་སུ་ཕེབས་ཐོན་གནང་རྒྱུ་དང། ཕྱི་དྲོར་ས་གནས་ཀྱི་མཛད་གཙོ་ཁག་མཉམ་འཛོམས་ཐོག་བཞུགས་མོལ་ཚོགས་འདུ་གནང་རྒྱུ།   དེ་བཞིན་ཕྱི་ཚེས་ ༢༢ ཉིན་ས་གནས་མི་མང་འདུ་འཛོམས་ཐོག་གསུང་བཤད་གནང་གྲུབ་རྗེས་དིབ་རུ་གྷར་བརྒྱུད་ལྡི་ལིར་ཕེབས་ཐོན་གནང་རྒྱུ་ཡིན་འདུག ཕྱི་ཚེས་ ༢༣ ཉིན་ལྡི་ལི་ནས་ཅཀྐི་བྷེངྐ་བརྒྱུད་རྡ་སར་ཕེབས་ཐོན་གནང་རྒྱུ་ཡིན་འདུག་པ་བཅས།།