༢༠༡༡ ཟླ་ ༡༡ ཚེས་ ༢༡ རེས་གཟའ་ཟླ་བ།
༄༅། །སྤྱི་འཐུས་ཚོགས་གཙོ་མཆོག་ཕྱི་ལོ་ ༢༠༡༡།༡༡།༢༣ ཉིན་སྔ་དྲོ་ལྡི་ལི་ནས་ཝི་ནར་ཕེབས་ཐོན་གནང་སྟེ་དེ་ཉིན་ཕེབས་འབྱོར་གནང་རྒྱུ། དེ་ཡང་ཚོགས་གཙོ་མཆོག་རྡ་ས་ནས་ཕེབས་འཐོན་གྱིས་ཕྱི་ཚེས་ ༢༣ ནས་ ༢༥ བར་ཝི་ནར་ཡོད་པའི་གྲོས་ཚོགས་འཐུས་མི་རྣམས་དང་། ཕྱི་སྲིད་ལས་ཁུངས་ཀྱི་ལས་བྱེད་ཁག གསར་འགོད་པ། བོད་དོན་རྒྱབ་སྐྱོར་བ་བཅས་མཉམ་མཇལ་འཕྲད་གནང་རྒྱུ་དང་། ཕྱི་ཚེས་ ༢༦ ཉིན་ཝི་ན་ནས་ཧོ་ལེནྜ་ཏུ་ཕེབས་ཐོན་གནང་རྒྱུ། ཉིན་རྒྱབ་ཧོ་ལེནྜ་གནས་བཞུགས་བོད་རིགས་ཚོགས་པ་དང་མཇལ་འཕྲད་ཀྱིས་ས་གནས་བོད་མི་ཚོར་གསུང་བཤད་གནང་རྒྱུ། ཕྱི་ཚེས་ ༢༧ ཉིན་ཧོ་ལེནྜ་ནས་སྦར་སིལ་དུ་ཕེབས་ཐོན་གནང་རྒྱུ། དེ་ཉིན་བོད་རིགས་ཚོགས་པ་རྣམས་ལ་བོད་མིའི་སྒྲིག་འཛུགས་ཀྱི་དཔལ་ལྡན་བཀའ་བློན་ཁྲི་པ་མཆོག་དང་ཕྱི་དྲིལ་བཀའ་བློན་མཆོག་ལྷན་གསུང་བཤད་གནང་རྒྱུ། ཕྱི་ཚེས་ ༢༨ ནས་ ༣༡ བར་རྒྱལ་སྤྱིའི་གྲོས་ཚོགས་འཐུས་མིའི་བོད་དོན་ཚོགས་པའི་འབྲེལ་མཐུད་པའི་ཚོགས་འདུར་མཉམ་ཞུགས་དང། སྦར་སིལ་དུ་ཡོད་པའི་གྲོས་ཚོགས་འཐུས་མི་རྣམས་མཇལ་འཕྲད་གནང་རྒྱུ། དེ་བཞིན་ཡུ་རོབ་ Tibet Inter Group ཚོགས་ཆེན་ལ་མཉམ་ཞུགས་གནང་རྒྱུ། ཕྱི་ཟླ་ ༡༢ ཚེས་ ༡ ཉིན་སྦར་སིལ་ནས་ཝི་ནར་ཕེབས་ཐོན་གནང་རྒྱུ། ཕྱི་ཚེས་ ༢ ནས་ ༣ བཅས་ཉིན་གྲངས་གཉིས་རིང་ཝི་ནར་བོད་རིགས་ཚོགས་པ་ནས་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གི་སྐུ་དཔར་འགྲེམས་སྟོན་ཞུས་པར་མཉམ་ཞུགས་དང་བོད་རིགས་ཚོགས་པར་གསུང་བཤད་གནང་རྒྱུ། ཕྱི་ཚེས་ ༤ ཉིན་ཝི་ན་ནས་ཨི་ཊ་ལིའི་ས་ཁུལ་མི་ལན་དུ་ཕེབས་ཐོན་གནང་རྒྱུ། ཕྱི་ཚེས་ ༥ ནས་ ༦ ཉིན་གཉིས་རིང་བོད་དོན་རྒྱབ་སྐྱོར་བ་སྐུ་ཞབས་ Guenther Cologna ནས་ Bolzano དང་ Trento ས་ཁུལ་ཁག་གཉིས་སུ་གྲོས་ཚོགས་འཐུས་མི་ཁག་དང་མི་སྣ་གནད་ཡོད་རྣམས་མཇལ་འཕྲད་གནང་རྒྱུ་གྲ་སྒྲིག་ཞུས་པ་ལྟར་མཉམ་ཞུགས་གནང་རྒྱུ། ཕྱི་ཚེས་ ༧ ཉིན་མི་ལན་ནས་རོམ་དུ་ཕེབས་ཐོན་གནང་རྒྱུ། ཕྱི་ཚེས་ ༨ ནས་ ༡༢ ཉིན་ལྔའི་རིང་ Non violent Transnational Radical Party ཡི་ཚོགས་ཆེན་དུ་མཉམ་ཞུགས་གནང་རྒྱུ། ཕྱི་ཚེས་ ༡༣ ཉིན་ རོམ་བརྒྱུད་ཝི་ན་ལ་ཕེབས་ཐོན་གནང་སྟེ་ལྡི་ལིར་ཕྱིར་ཕེབས་གནང་རྒྱུ། ཕྱི་ཚེས་ ༡༤ ཉིན་ཕྱི་དྲོ་ལྡི་ལིར་ཕེབས་ཐོན་གྱིས་ ཕྱི་ཚེས་ ༡༥ ཉིན་རྡ་སར་ཕེབས་འབྱོར་གནང་རྒྱུ་ཡིན་འདུག་པ་བཅས།།