ཕྱི་ལོ་ ༡༩༩༩ ཕྱི་ཟླ་ ༡༠ ཚེས་ ༡༡ ཉིན་༸གོང་ས་མཆོག་གིས་བདེན་པའི་འོད་སྣང་གི་གཟེངས་རྟགས་གསོལ་སྩལ་མཛད་བཞིན་པ།
༢༠༡༡ ཟླ་ ༡༡ ཚེས་ ༢༢ རེས་གཟའ་མིག་དམར།
༄༅། །དགུང་གྲངས་ ༨༧ སོན་པའི་ཕ་རན་སིའི་སྲིད་འཛིན་ཟུར་པའི་ལྕམ་སྐུ་ཌེ་ནི་ཡལ་མ་ཊ་རན་ཊི་(Mrs. Danielle Mitterrand)མཆོག་ཕྱི་ཚེས་ ༢༡ རེས་གཟའ་མིག་དམར་ཉིན་འདས་གྲོངས་སུ་གྱུར་བར་བཙན་བྱོལ་བོད་མིའི་བཀའ་ཤག་གིས་ཐུགས་གསོའི་ཕྱག་བྲིས་ཤིག་ཕུལ་བའི་ནང་འཁོད་དོན། ཕ་རན་སིའི་སྲིད་འཛིན་ཟུར་པའི་ལྕམ་སྐུ་ཌེ་ནི་ཡལ་མ་ཊ་རན་ཊི་མཆོག་འདས་གྲོངས་སུ་གྱུར་བའི་ཡིད་སྐྱོའི་གནས་ཚུལ་ཐོན་པར་བོད་མིའི་སྒྲིག་འཛུགས་བཀའ་ཤག་གིས་གདུང་སེམས་མཉམ་སྐྱེ་ཐོག་མྱ་ངན་གུས་བཀུར་ཞུ་རྒྱུ་ཡིན། ལྕམ་སྐུ་དམ་པ་ཁོང་ནི་༸གོང་ས་༸སྐྱབས་མགོན་ཆེན་པོ་མཆོག་ལ་གུས་བཀུར་ཧ་ཅང་ཆེན་པོ་ཞུ་མཁན་ཞིག་ཡིན་པ་མ་ཟད། བོད་མི་ཚོར་ཧ་ཅང་སེམས་ཐག་ཉེ་བའི་མཛའ་གྲོགས་དང་རྒྱབ་སྐྱོར་གནང་མཁན་ཞིག་ཀྱང་ཡིན། ལྕམ་སྐུ་དམ་པ་ཁོང་འདས་གྲོངས་སུ་གྱུར་བ་དེ་ནི་བོད་མི་ཚོའི་གྲོགས་པོ་བློ་ཐུབ་ཅིག་མེད་པར་གྱུར་ཡོད། དེར་བརྟེན་བོད་མིའི་སྒྲིག་འཛུགས་བཀའ་ཤག་གིས་དམ་པ་ཁོང་གི་རྗེས་ཤུལ་ནང་མི་སྤུན་མཆེད་ཚོར་གདུང་སེམས་མཉམ་སྐྱེའི་སེམས་གསོ་ཞུ་རྒྱུ་མ་ཟད། དམ་པ་ཁོང་ལ་གསོལ་འདེབས་སྨོན་ལམ་ཡང་ཞུ་རྒྱུ་ཡིན།།
