༢༠༡༡ ཟླ་ ༡༠ ཚེས་ ༢༠ རེས་གཟའ་ཕུར་བུ།
༄༅། །སྤོན་ཊ་ཆོལ་གསུམ་ས་གནས་འགོ་འཛིན་ལས་ཁུངས་ནས་ཕྱི་ལོ་ ༢༠༡༡ ཟླ་ ༡༠ ཚེས་ ༡༩ ཉིན་བཏང་གནས་ནང་འཁོད་དོན། དཔལ་ལྡན་བཀའ་ཤག་གི་ཡོངས་ཁྱབ་གསལ་བསྒྲགས་ཕེབས་དགོངས་བཞིན། འདི་ཟླའི་ཚེས་ ༡༩ ཉིན་སྤོན་ཊ་ཆོལ་གསུམ་ས་གནས་འགོ་འཛིན་ཀརྨ་སྒྲོལ་མ་ནས་ལས་འགུལ་དང་འབྲེལ་བའི་ངོ་སྤྲོད་གཏམ་བཤད་རྗེས། སྔ་དྲོ་ཆུ་ཚོད་ ༨།༠༠ ནས་ཕྱི་དྲོ་ཚོུད་ ༥ བར་བོད་ནང་གི་ཛ་དྲག་གནས་སྟངས་ཐད་དུང་སེམས་མཉམ་སྐྱད་མཚོན་ཆེད་དཔལ་ཞ་ལུ་དགོན་པའི་དགེ་འདུན་པ་དབུ་བཞུགས་ཐོག་ས་གནས་འགོ་འཛིན་ལས་ཁུངས་དང་། ཡན་ལག་སྨན་རྩིས་ཁང་། གཞིས་མི་ཡོངས་ནས་སྨོན་ལམ་མཆོད་འབུལ་གསུངས་བ་དང་སྦྲགས། ས་གནས་འགོ་འཛིན་གཙོས་གཞིས་མི་གྲངས་ ༡༦ ཙམ་ནས་ཟས་བཅད་དུ་བཞུགས་ཏེ་གཞུང་འབྲེལ་ལས་འགུལ་སྤེལ། མཆོད་འབུལ་སྨོན་ལམ་གསུང་སྐབས་ཕྱི་ལོ་ ༢༠༡༡ ལོར་བོད་བསྟན་སྲིད་ཀྱི་དོན་དུ་རང་སྲོག་བློས་བཏང་གིས་སྐུ་ལུས་མཆོད་མེར་ཕུལ་བའི་དཔའ་བོ་དཔའ་མོ་རྣམས་ཀྱི་སྐུ་དཔར་མདུན་དུ་མཆོད་མེ་བརྒྱ་མཆོད་གྲངས་ ༩ ཕུལ།ཚེས་ ༡༧ ཉིན་དཔལ་ཞ་ལུ་དགོན་པའི་གྲྭ་གྲངས་ ༢ དང་། གཞིས་མི་གྲངས་ ༡༦ བཅས་བསྡོམས་མི་གྲངས་ ༡༨ རྒྱ་གར་གྱི་རྒྱལ་ས་ལྡི་ལིར་ལས་འགུལ་ནང་མཉམ་ཞུགས་ཆེད་བཀོད་གཏོང་ཞུས་ཡོད་པ་བཅས།།
བཅུ་པའི་བཅུ་དགུ་ཉིན་སྤོན་ཊ་ས་གནས་བོད་མི་ཚོས་ཟས་བཅད་ངང་མཆོད་འབུལ་སྨོན་ལམ་ཚོགས་པ།
གསར་གནས།
འབྲེལ་གནས།
