༄༅། །སྐུ་སྒེར་དྲུང་ཆེ་ཆོས་སྐྱབས་པ་འཆི་མེད་རིག་འཛིན་མཆོག
འཆི་མེད་རིག་འཛིན་མཆོག་ནི། ཕྱི་ལོ་ ༡༩༨༦ ཕྱི་ཟླ་ ༧ ཚེས་ ༧ ནས་ནང་སྲིད་ལས་ཁུངས་ཀྱི་རྒན་དྲུང་དུ་བསྐོ་གཞག་སྩལ་བ་དང་། ༡༩༨༨ ཕྱི་ཟླ་ ༡༠ ཚེས་ ༡ ནས་སྐུ་ཡིག་རྒན་དྲུང་དུ་གནས་སྤོས། ཕྱི་ལོ་ ༡༩༩༢ ཕྱི་ཟླ་ ༦ ཚེས་ ༣ ནས་ཨོ་སི་ཊོ་ལི་ཡ་སྐུ་ཚབ་དོན་གཅོད་དུ་གནས་སྤོས་དང་། ཕྱི་ཟླ་ ༨ ཚེས་ ༡ ནས་དྲུང་གཞོན་ལས་རོགས་ཀྱི་གནས་རིམ་དུ་བསྐོ་གཞག་དང་། ཕྱི་ལོ་ ༡༩༩༣ ཕྱི་ཟླ་ ༦ ཚེས་ ༡༠ ནས་དྲུང་གཞོན་དུ་གནས་སྤར། ཕྱི་ལོ་ ༡༩༩༨ ཕྱི་ཟླ་ ༤ ཚེས་ ༡༥ ནས་ཤར་ཡུ་རོབ་སྐུ་ཚབ་དོན་གཅོད་དུ་གནས་སྤོས། ཕྱི་ལོ་ ༡༩༩༩ ཕྱི་ཟླ་ ༡ ཚེས་ ༢༧ ནས ཟུང་འབྲེལ་དྲུང་ཆེར་གནས་སྤར། ཕྱི་ལོ་ ༢༠༠༡ ཕྱི་ཟླ་ ༨ ཚེས་ ༢༧ ནས་སུད་སི་སྐུ་ཚབ་དོན་གཅོད་དུ་གནས་སྤོས། ཕྱི་ལོ་ ༢༠༠༥ ཕྱི་ཟླ་ ༩ ཚེས་ ༡༥ ནས་སྐུ་སྒེར་ཡིག་ཚང་གི་ཟུང་དྲུང་དུ་གནས་སྤོས། ཕྱི་ལོ་ ༢༠༠༧ ཕྱི་ཟླ་ ༦ ཚེས་ ༡ ནས་དྲུང་འཕར་གནས་རིམ་དུ་གནས་སྤར། ཕྱི་ལོ་ ༢༠༠༩ ཕྱི་ཟླ་ ༡༡ ཚེས་ ༡༠ ནས་དྲུང་ཡིག་ཆེན་མོར་གནས་སྤར་གྱིས་སྐུ་སྒེར་དྲུང་ཆེའི་ཐུགས་འགན་བཞེས་མུས་བཞིན་ད་བར་ཁྱོན་ཞབས་ལོ་ ༢༥ སྲི་ཞུའི་ཞབས་འདེགས་ཞུས་འདུག
བཀའ་ཡིག་དྲུང་འཕར་བུ་རྫོང་ལྷ་མོ་ཚང་ཚེ་རིང་དབང་ཕྱུག་ལགས།
༢༽ ཚེ་རིང་དབང་ཕྱུག་ལགས་ནི། ཕྱི་ལོ་ ༡༩༨༥ ཕྱི་ཟླ་ ༤ ཚེས་ ༢ ནས་གནས་བརྒྱད་པ་རྒན་དྲུང་གནས་རིམ་ཐོག་ཕྱི་དྲིལ་ལས་ཁུངས་སུ་ལས་འགན་བཀོད་སྒྲིག་སྩལ་བ་དང་། ཕྱི་ལོ་ ༡༩༩༢ ཕྱི་ཟླ་ ༨ ཚེས་ ༡ ནས་དྲུང་གཞོན་ལས་རོགས་ཀྱི་གནས་རིམ་དུ་བསྐོ་གཞག  ཕྱི་ལོ་ ༡༩༩༣ ཕྱི་ཟླ་ ༦ ཚེས་ ༧ ནས་དྲུང་གཞོན་དུ་གནས་སྤར། ཕྱི་ལོ་ ༡༩༩༧ ཕྱི་ཟླ་ ༧ ཚེས་ ༢ ནས་ཟུང་དྲུང་དུ་གནས་སྤར། ཕྱི་ལོ་ ༡༩༩༨ ཕྱི་ཟླ་ ༡༠ ཚེས་ ༢༢ ནས་ལོ་གཅིག་རིང་ཐེ་ཝན་དུ་གཞུང་འབྲེལ་མིན་པའི་སློབ་བསྐྱོད་དགོངས་ཞུ། ཕྱི་ལོ་ ༡༩༩༩ ཕྱི་ཟླ་ ༡༠ ཚེས་ ༢༢ ནས་ཕྱི་དྲིལ་ལས་ཁུངས་ཀྱི་ཟུང་དྲུང་དུ་ལས་འགན་རང་འཇགས། ཕྱི་ལོ་ ༢༠༠༤ ཕྱི་ཟླ་ ༡༢ ཚེས་ ༡༦ ནས་བཀའ་དྲུང་ཡིག་ཚང་དུ་གནས་སྤོས། ཕྱི་ལོ་ ༢༠༠༥ ཕྱི་ཟླ་ ༦ ཚེས་ ༡ ནས་གནས་སྤར་གྱིས་བཀའ་དྲུང་ཡིག་ཚང་གི་དྲུང་འཕར། ཕྱི་ལོ་ ༢༠༠༦ ཕྱི་ ༡༡ ཚེས་ ༢༢ ནས་བཀའ་དྲུང་ལས་ཚབ་ཏུ་གནས་སྐབས་བསྐོ་གཞག ཕྱི་ལོ་ ༢༠༠༧ ཕྱི་ཟླ་ ༧ ཚེས་ ༡ ནས་སྔ་རྗེས་སུ་ལོ་ ༤ རིང་རྒས་ཡོལ་ཕར་འགྱངས་དང་བསྐྱར་བསྐོ་སྩལ་ཏེ་བཀའ་ཡིག་དྲུང་འཕར་གྱི་ཐུགས་འགན་བཞེས་མུས་བཞིན་ད་བར་ཁྱོན་ཞབས་ལོ་ ༢༥ སྲི་ཞུའི་ཞབས་འདེགས་ཞུས།
༣༽  ཨ་རི་སྐུ་ཚབ་དོན་ཁང་གི་ཟུང་དྲུང་ཀུན་དགའ་བཀྲིས་ལགས་ནི།
ཕྱི་ལོ་ ༡༩༨༥ ཕྱི་ཟླ་ ༦ ནས་གཞོན་དྲུང་གནས་རིམ་དུ་བདེ་སྲུང་བོད་གནས་ཉམས་ཞིབ་ཏུ་གསར་བསྐོ་དང་། ཕྱི་ལོ་ ༡༩༨༦ ཕྱི་ཟླ་ ༡ ཚེས་ ༢༤ ནས་ལོ་གཉིས་རིང་ཉི་ཧོང་དུ་གཞུང་འབྲེལ་སློབ་བསྐྱོད། ཕྱི་ལོ་ ༡༩༩༡ ཕྱི་ཟླ་ ༧ ཚེས་ ༡ རྒན་དྲུང་དུ་གནས་སྤར་གྱིས་བདེ་སྲུང་བོད་གནས་ཉམས་ཞིབ་ཏུ་ལས་འགན་བཀོད་སྒྲིག ཕྱི་ལོ་ ༡༩༩༢ ཕྱི་ཟླ་ ༨ ཚེས་ ༡ ནས་སྡེ་ཚན་འགན་འཛིན་གྱི་གནས་རིམ་དུ་བསྐོ་གཞག ཕྱི་ལོ་ ༡༩༩༤ ཕྱི་ཟླ་ ༨ ཚེས་ ༤ ནས་དྲུང་ལས་ཀྱི་གནས་རིམ་དུ་གནས་སྤར་ཐོག་བདེ་སྲུང་ལས་ཁུངས་ཀྱི་དྲུང་ལས། ཕྱི་ལོ་ ༡༩༩༧ ཕྱི་ཟླ་ ༥ ཚེས་ ༡༧ ནས་དྲུང་གཞོན་དུ་གནས་སྤར།ཕྱི་ལོ་ཕྱི་ལོ་ ༡༩༩༧ ཕྱི་ཟླ་ ༩ ཚེས་ ༡ ནས་ཐེ་ཝན་སྐུ་ཚབ་དོན་ཁང་གི་དྲུང་གཞོན་དུ་གནས་སྤོས། ཕྱི་ལོ་ ༢༠༠༢ ཕྱི་ཟླ་ ༨ ཚེས་ ༩ ནས་བདེ་སྲུང་ལས་ཁུངས་ཀྱི་དྲུང་གཞོན་དུ་གནས་སྤོས། ཕྱི་ལོ་ ༢༠༠༤ ཕྱི་ཟླ་ ༡༡ ཚེས་ ༡༠ ནས་ཟུང་དྲུང་དུ་གནས་སྤར། ཕྱི་ལོ་ ༢༠༠༧ ཕྱི་ཟླ་ ༡༢ ཚེས་ ༡༠ ནས་ཟླ་ ༡༠ དང་ཉིན་ ༢༡ རིང་ཕོགས་མེད་དགོངས་ཞུ། ཕྱི་ལོ་ ༢༠༠༩ ཕྱི་ཟླ་ ༡ ཚེས་ ༡༡ ནས་ཨ་རི་སྐུ་ཚབ་དོན་ཁང་གི་ཟུང་དྲུང་དུ་གནས་སྤོས་ཀྱིས་ལས་འཁུར་ཞུ་མུས་ལ་ད་བར་ཁྱོན་ཞབས་ལོ་ ༢༥ སྲི་ཞུའི་ཞབས་འདེགས་ཞུས།
༤༽ ཆོས་རིག་ཟུང་དྲུང་གཡུ་ཐོག་ནོར་བུ་བཀྲིས་ལགས་ནི།
ཕྱི་ལོ་ ༡༩༨༦ ཕྱི་ཟླ་  ༦ ཚེས་ ༢ ནས་གཞོན་དྲུང་གནས་རིམ་ཐོག་སྦེང་ལོར་ཕྱིར་ཚོང་ཁང་གི་རྩིས་པའི་ལས་ཚབ་ཏུ་བསྐོ་གཞག་སྩལ་བ་དང་། ཕྱི་ལོ་ ༡༩༨༧ ཕྱི་ཟླ་ ༤ ཚེས་ ༡༣ ནས་ཧོན་སུར་བལ་ལས་བཟོ་གྲྭའི་རྩིས་པར་གནས་སྤོས། ཕྱི་ལོ་ ༡༩༨༨ ཕྱི་ཟླ་ ༡༠ ཚེས་ ༡༧ ནས་དཔལ་འབྱོར་ལས་ཁུངས་ཀྱི་རྩིས་པར་གནས་སྤོས། ཕྱི་ལོ་ ༡༩༩༠ ཕྱི་ཟླ་ ༡༢ ཚེས་ ༢༠ ནས་མོན་གྷོ་བཟོ་འགོར་གནས་སྤོས། ཕྱི་ལོ་ ༡༩༩༣ ཕྱི་ཟླ་ ༦ ཚེས་ ༧ ནས་སྡེ་ཚན་འགན་འཛིན་དུ་བསྐོ་གཞག ཕྱི་ལོ་ ༡༩༩༣ ཕྱི་ཟླ་ ༩ ཚེས་ ༡ ནས་མོན་གྷོ་མཉམ་སྦྲེལ་རྩིས་པའི་ལས་འགན་དུ་བསྐོ་གཞག ཕྱི་ལོ་ ༡༩༩༥ ཕྱི་ཟླ་ ༧ ཚེས་ ༢༡ ནས་མོན་གྷོ་མཉམ་དྲུང་དུ་བསྐོ་གཞག ཕྱི་ལོ་ ༡༩༩༧ ཕྱི་ཟླ་ ༤ ཚེས་ ༢༢ ནས་དྲུང་གཞོན་ལས་རོགས་སུ་གནས་སྤར་གྱིས་ཨོ་རི་ས་མཉམ་དྲུང་དུ་གནས་སྤོས། ཕྱི་ལོ་ ༡༩༩༨ ཕྱི་ཟླ་ ༢ ཚེས་ ༡༧ ནས་འབུམ་ལ་ས་གནས་འགོ་འཛིན་དུ་གནས་སྤོས། ཕྱི་ལོ་ ༢༠༠༠ ཕྱི་ཟླ་ ༧ ཚེས་ ༡༩ ནས་དྲུང་གཞོན་གནས་རིམ་དུ་གནས་སྤར། ཕྱི་ལོ་ ༢༠༠༢  ཕྱི་ཟླ་ ༣ ཚེས་ ༡༥ ནས་ཧུན་སུར་ས་གནས་འགོ་འཛིན་དུ་གནས་སྤོས། ༢༠༠༦ ཕྱི་ཚེས་ ༣ ཚེས་ ༡ ནས་ཆོས་རིག་ལས་ཁུངས་ཀྱི་དྲུང་གཞོན་དུ་གནས་སྤོས། ཕྱི་ལོ་ ༢༠༠༨ ཕྱི་ཟླ་ ༢ ཚེས་ ༡༩ ནས་ཟུང་དྲུང་དུ་གནས་སྤར་གྱིས་ཆོས་རིག་ལས་ཁུངས་སུ་ལས་འཁུར་ཞུ་མུས་ལ་ད་བར་ཁྱོན་ཞབས་ལོ་ ༢༥ སྲི་ཞུའི་ཞབས་འདེགས་ཞུས། །