༢༠༡༡ ཟླ་ ༦ ཚེས་ ༡༣ རེས་གཟའ་ཟླ་བ།
༄༅། །ཕྱི་ལོ་ ༢༠༡༡ ཟླ་ ༥ ཚེས་ ༢༩ ཉིན་བཀའ་ཤག་ནས་འཛིན་སྐྱོང་བཀོད་ཁྱབ་གནང་ཡོད་པའི་ནང་གསལ། སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་སྐབས་ ༡༤ པའི་གྲོས་ཚོགས་ལ་གསུང་འཕྲིན་སྤྱི་ཕེབས་དགོངས་དོན་བཙན་བྱོལ་བོད་མིའི་བཅའ་ཁྲིམས་བསྐྱར་བཅོས་ལ་༸གོང་ས་༸སྐྱབས་མགོན་ཆེན་པོ་མཆོག་གི་ཆོ་མཆན་སྩལ་ཐོན་གྱིས་ཁྲིམས་སུ་བཅས་ཟིན་པ་ལྟར། ༸གོང་ས་༸སྐྱབས་མགོན་ཆེན་པོར་འཆར་འབུལ་ཕྱག་རྟགས་ཀྱི་ལམ་ནས་བསྐོ་གཞག་སྩལ་དགོས་ཀྱི་སྲི་ཞུ་བ་རྣམས་ཀྱི་ལས་དུས་རང་བཞིན་གྱིས་རྫོགས་པ་དེ་ལྟར་ཡང། གཤམ་གསལ་མཚན་འཁོད་རྣམས་བཀའ་ཤག་གིས་ལས་གནས་སོ་སོར་རང་འཇགས་བཀོད་སྒྲིག་བྱས་པ་ཡིན།
| ༡༽ | གྲོང་ཆེན་མི་འགྱུར་རྡོ་རྗེ། | བཀའ་དྲུང། |
| ༢༽ | ཆོས་ཁྲི་སྟེང་པ་ངག་དབང་ཆོས་གྲགས། | ཆོས་རིག་དྲུང་ཆེ། |
| ༣༽ | སོག་སྟོད་དངོས་གྲུབ་རྡོ་རྗེ | ནང་སྲིད་དྲུང་ཆེ། |
| ༤༽ | གཡུ་ཐོག་ཀརྨ་དགེ་ལེགས། | ཤེས་རིག་དྲུང་ཆེ། |
| ༥༽ | ཞིང་ཆེན་དངོས་གྲུབ་རྡོ་རྗེ། | བདེ་སྲུང་དྲུང་ཆེ།། |
| ༦༽ | ཐུབ་བསྟན་བསམ་འཕེལ། | དྲིལ་བསྒྲགས་དྲུང་ཆེ། |
| ༧༽ | ཨ་ཏི་ཤ་བསྟན་འཛིན་ཕུན་ཚོགས། | ཕྱི་འབྲེལ་དྲུང་ཆེ། |
| ༨༽ | ཕ་ཟུར་དབང་ཕྱུག | འཕྲོད་བསྟེན་དྲུང་ཆེ། |
