༢༠༡༡ ཟླ་ ༦ ཚེས་ ༣༠ རེས་གཟའ་ཕུར་བུ།
༄༅། །ཨ་རིའི་རྒྱལ་ས་ཝ་ཤིང་ཊོན་དུ་ཡོད་པའི་བོད་རིགས་སྤྱི་མཐུན་ཚོགས་པས་འཛམ་གླིང་ཞི་བདེ་ཡོང་བ་དང༌། བོད་ཀྱི་བསྟན་སྲིད་རང་དབང་གི་བདེན་མཐའ་མྱུར་དུ་གསལ་བ། འཛམ་གླིང་ཁྱོན་ལ་རང་བཞིན་འབྱུང་བའི་གནོད་འཚེའི་རིགས་མི་ཡོང་བ་སོགས་ལེགས

ལྕམ་ སྐུ་ཌེན་ཕེན་སི་ཊེན་མཆོག

་ཚོགས་སྒོ་དུ་མར་དམིགས་ཏེ་བོད་མིའི་འདི་ཕྱི་གཉིས་ཀྱི་༸སྐྱབས་གནས་འཛམ་གླིང་ཞི་བདེའི་དེད་དཔོན་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ལ་ཨ་རིའི་རྒྱལ་ས་ཝ་ཤིང་ཊོན་དུ་དཔལ་དུས་ཀྱི་འཁོར་ལོའི་དབང་ཆེན་སྩལ་སྐྱོང་ཡོང་བའི་གསོལ་བ་ཕུར་ཚུགས་སུ་བཏབ་པར་ལྟར་བཀའ་བཞེས་བཟང་པོ་ཐོབ་སྟེ་ཕྱི་ལོ་ ༢༠༡༡ ཟླ་ ༧ ཚེས་ ༦ ཉིན་ཨ་རིའི་རྒྱལ་ས་ཝ་ཤིང་དུ་ཆིབས་སྒྱུར་བསྐྱང་བའི་སྐབས་ཨ་རིིའི་སྲིད་འཛིན་མཆོག་གིས་༸གོང་ས་མཆོག་ལ་ཚད་མཐོའི་སྣེ་ལེན་དང་དོན་སྙིང་ལྡན་པའི་གྲོས་མོལ་ཞུ་དགོས་པའི་འབོད་སྐུལ་ཨ་རིའི་གྲོས་ཚོགས་ཀྱི་འཐུས་མི་ཁག་གཅིག་གིས་ཞུས་འདུག

དེ་ཡང་ཨ་རིའི་གྲོས་ཚོགས་གོང་མའི་ཚོགས་གཙོ་(Dianne Feinstein)ཌེན་ཕན་སེ་ཊིན་ལགས་ཀྱིས་ཡོངས་ཁྱབ་གསལ་བསྒྲགས་ཤིག་འདོན་སྤེལ་གནང་ཡོད་པའི་ནང་འཁོད་དོན། རྒྱ་ནག་གཞུང་ཕྱོགས་ནས་༸གོང་ས་ཏཱ་ལའི་བླ་མ་མཆོག་ལ་ལྟ་ཕྱོགས་ནོར་འཁྲུལ་གང་མང་ཞིག་འཛིན་བཞིན་ཡོད་སྐོར་འགྲེལ་བརྗོད་གནང་བ་དང་ཆབས་ཅིག་སྲིད་འཛིན་ཨོ་བྷ་མ་མཆོག་གིས་ད་ཐེངས་བོད་ཀྱི་༸སྐྱབས་མགོན་ཏཱ་ལའི་བླ་མ་མཆོག་ལ་ངེས་

པར་དུ་མཇལ་འཕྲད་ཞུ་དགོས་ཀྱི་རེད་ཅེས་གསུངས་ཡོད།
དེ་བཞིན་ཨ་རིའི་གྲོས་ཚོགས་འོག་མའི་ཕྱི་སྲིད་ལས་དོན་ལྷན་ཚོགས་ཀྱི་ཚོགས་གཙོ་ལྕམ་སྐུ་(Ileana Ros Lehtinen) ཨི་ལི་ཡ་ན་རོ་སེ་ལེ་ཊེན་ལགས་ཀྱིས་ཕྱི་ལོ་ ༢༠༡༠ ཟླ་ ༢ པའི་ནང་སྲིད་འཛིན་ཨོ་བྷ་མ་མཆོག་གིས་༸གོང་ས་ཏཱ་ལའི་བླ་མ་མཆོག་ལ་མཇལ་འཕྲད་ཞུས་པ་དེ་བཞིན་ཚད་མཐོའི་ཐོག་ནས་ཞུས་པ་ཞིག་མ་ཡིན་པའི་སྐྱོན་བརྗོད་དང་སྦྲགས་ད་རེས་གཟའ་འཁོར་རྗེས་མའི་ནང་བོད་ཀྱི་༸སྐྱབས་མགོན་ཏཱ་ལའི་བླ་མ་མཆོག་ཨ་རིའི་རྒྱལ་ས་ཝ་ཤིང་ཊོན་དུ་ཆིབས༌སྒྱུར་བསྐྱང་བའི་སྐབས་དོན་སྙིང་ལྡན་པའི་མཇལ་མོལ་ཞུ་དགོས་པ་མ་ཟད། ༸གོང་ས་ཏཱ་ལའི་བླ་མ་མཆོག་ལ་གུས་བརྩི་ཞུ་དགོས་ཀྱི་ཡོད། ཅེས་གསུངས་ཡོད་པ་བཅས། །