༢༠༡༡ ཟླ་ ༥ ཚེས་ ༣༠ རེས་གཟའ་ཟླ་བ།
༄༅། །ཕྱི་ལོ་ ༢༠༡༡ ཟླ་ ༥ ཚེས་ ༣༠ ཉིན་བོད་མི་མང་སྤྱི་འཐུས་སྐབས་བཅོ་ལྔ་པར་འདེམས་ཐོན་བྱུང་བའི་སྤྱི་འཐུས་རྣམ་པས་སྔ་དྲོ་ཐོག་མར་བར་བརྒལ་སྤྱི་འཐུས་པདྨ་འབྱུང་གནས་མཆོག་གི་དྲུང་དུ་དམ་འབུལ་ཞུས་ཡོད་པ་མ་ཟད། ཉིན་རྒྱབ་ཆུ་ཚོད་ ༢ ཙམ་ནས་བོད་མི་མང་སྤྱི་འཐུས་སྐབས་བཅོ་ལྔ་པའི་ཚོགས་གཙོ་དང་ཚོགས་གཞོན་འོས་འདེམས་གནང་སྟེ་སྤྱི་འཐུས་སྤེན་པ་ཚེ་རིང་མཆོག་ལ་སྐབས་བཅོ་ལྔ་པའི་བོད་མི་མང་སྤྱི་འཐུས་ཚོགས་གཙོར་འདེམས་ཐོན་བྱུང་བ་འོས་བསྡུ་འགན་འཛིན་འཇམ་དཔལ་ཆོས་བཟང་མཆོག་གིས་གསལ་བསྒྲགས་གནང་ཡོད་པ་བཅས།།