༢༠༡༡ ཟླ་ ༥ ཚེས་ ༢༧ རེས་གཟའ་པ་སངས།
༄༅། །འདི་གར་བོན་གཞིས་ཌོ་ལན་ཇི་ནས་བཏང་གནས་ནང་འཁོད་དོན། རང་གཞུང་ཕྱི་དྲིལ་ལྷན་ཁང་ནས་བོད་དོན་ཆབ་སྲིད་དང་འབྲེལ་བའི་འོད་སྡེར་གནང་འབྱོར་བྱུང་བ་རྣམས་དུས་ནས་དུས་སུ་མང་ཚོགས་ལ་བསྟན་དང་སྟོན་བཞིན་ཡོད་པ་མ་ཟད། ཆབ་སྲིད་དྲིལ་བསྒྲགས་ཡིག་ཆ་ཁག་འབྱོར་རིམ་བཞིན་མང་ཚོགས་ལ་དྲིལ་བསྒྲགས་ཞུ་བཞིན་ཡོད། དེ་བཞིན་བོད་མི་མང་སྤྱི་འཐུས་ལྷན་ཚོགས་ཀྱི་གསར་ཤོག་དང། བོད་ཀྱི་གྲོས་ཚོགས་དང་སྲིད་བྱུས་ཉམས་ཞིབ་ཁང་ནས་གྲོས་ཚོགས་ཚོགས་དུས་རིམ་པས་འོད་སྡེར་ཇི་འབྱོར་སྤྱི་དང། ཡང་སྒོས་༸གོང་ས་༸སྐྱབས་མགོན་ཆེན་པོ་མཆོག་ས་ཕྱོགས་གང་སར་ཆིབས་སྒྱུར་སྐབས་སྩལ་བའི་བཀའ་སློབ་ཕྱོགས་བསྡུས། བཀའ་ཁྲི་མཆོག་གིས་ཆབ་སྲིད་དང། འཛིན་སྐྱོང་འབྲེལ་བའི་གསུང་བཤད་གནང་བའི་འོད་སྡེར་ཁག་ཇི་འབྱོར་དུས་ནས་དུས་སུ་ས་གནས་གཞིས་མི་དང། དགོན་སྡེ་གྲྭ་ཚང། སློབ་ཕྲུག ཚོགས་པ་ཁག་བཅས་ལ་ཆབ་སྲིད་གོ་རྟོགས་སྤེལ་ཆེད་བསྟན་དང་སྟོན་བཞིན་ཡོད། ཕྱོགས་མཚུངས་གཞིས་སུ་ས་གནས་ཡུལ་མི་དང་ཕྱི་རྒྱལ་མི་སྣ་ཕེབས་སྐབས་ཁོང་རྣམས་ལ་རང་གཞུང་གི་སྲིད་བྱུས་དང་ཆབ་སྲིད་དྲིལ་བསྒྲགས་གང་མང་བརྒྱུད་བསྒྲགས་ཞུ་བཞིན་ཡོད་པ་བཅས།།
བོན་གཞིས་ཌོ་ལན་ཇི་གཞིས་ཆགས་ཀྱིས་ལོ་འཁོར་གཅིག་རིང་ཆབ་སྲིད་དང་འབྲེལ་བའི་ལས་དོན་ཇི་སྤེལ་སྙིང་བསྡུས།
གསར་གནས།
འབྲེལ་གནས།
