༢༠༡༡ ཟླ་ ༥ ཚེས་ ༣༠ རེས་གཟའ་ཟླ་བ།
༄༅། །ཕྱི་ལོ་ ༢༠༡༡ ཟླ་ ༥ ཚེས་ ༣༠ ཉིན་རྒྱབ་ཆུ་ཚོད་ ༢ ཐོག་དབུས་འོས་བསྡུའི་འགན་འཛིན་འཇམ་དཔལ་ཆོས་བཟང་མཆོག་གིས་སྟངས་འཛིན་འོག་སྐབས་བཅོ་ལྔ་པའི་བོད་མི་མང་སྤྱི་འཐུས་རྣམ་པས་བོད་མི་མང་སྤྱི་འཐུས་སྐབས་བཅོ་ལྔ་པའི་ཚོགས་གཙོ་དང་ཚོགས་གཞོན་གྱི་སྔོན་འགྲོ་དང་དངོས་གཞིའི་འོས་བསྡུ་གནང་མཐར་དབུས་འོས་བསྡུའི་འགན་འཛིན་མཆོག་གིས་བོད་མི་མང་སྤྱི་འཐུས་སྐབས་བཅོ་ལྔ་པའི་ཚོགས་གཙོ་དང་ཚོགས་གཞོན་མཚན་གཞུང་གསལ་བསྒྲགས་གནང་དོན། བོད་མི་མང་སྤྱི་འཐུས་སྐབས་བཅོ་ལྔ་པའི་ཚོགས་གཙོ་སྤྱི་འཐུས་སྤེན་པ་ཚེ་རིང་མཆོག་འོས་གྲངས་ ༢༢ ཐོབ་སྟེ་ཚོགས་གཙོར་འོས་འདེམས་བྱུང་བ་དང་། བོད་མི་མང་སྤྱི་འཐུས་སྐབས་བཅོ་ལྔ་པའི་ཚོགས་གཞོན་དུ་སྤྱི་འཐུས་མཁན་པོ་བསོད་ནམས་བསྟན་འཕེལ་མཆོག་ལ་འོས་གྲངས་ ༢༠ ཐོབ་སྟེ་འདམས་ཐོན་བྱུང་ཡོད་ཅེས་གསལ་བསྒྲགས་གནང་།
ཕྱི་ཚེས་ ༣༡ རེས་གཟའ་མིག་དམར་ཉིན་གྱི་སྔ་དྲོ་ཆུ་ཚོད་ ༩།༣༠ ཐོག་འདེམས་ཐོན་བྱུང་བའི་བོད་མི་མང་སྤྱི་འཐུས་སྐབས་བཅོ་ལྔ་པའི་སྤྱི་འཐུས་ཚོགས་གཙོ་དང་ཚོགས་གཞོན་གཉིས་བཀའ་ཤག་གི་ཡང་སྟེང་མཆོད་ཁང་དུ་དཔལ་ལྡན་ཁྲིམས་ཞིབ་པ་ཆེ་བ་མཆོག་གི་དྲུང་དུ་མཛད་ཁུར་དམ་བཅའ་འབུལ་རྒྱུ་ཡིན་འདུག་པ་བཅས།།
བོད་མི་མང་སྤྱི་འཐུས་སྐབས་བཅོ་ལྔ་པའི་ཚོགས་གཙོ་སྤེན་པ་ཚེ་རིང་མཆོག་དང་ཚོགས་གཞོན་མཁན་པོ་བསོད་ནམས་བསྟན་འཕེལ་མཆོག་ལ་འདེམས་ཐོན་བྱུང་བ།
གསར་གནས།
འབྲེལ་གནས།
