༢༠༡༡ ཟླ་ ༥ ཚེས་ ༣༡ རེས་གཟའ་མིག་དམར།
༄༅། །ཕྱི་ལོ་ ༢༠༡༡ ཟླ་ ༥ ཚེས་ ༢༧ ཉིན་ཌན་མཀ་གྲོས་ཚོགས་ནང་རྒྱ་ནག་གཞུང་གིས་བོད་ཀྱི་༸སྐྱབས་མགོན་ཏཱ་ལའི་བླ་མ་མཆོག་ཀྱི་སྐུ་ཚབ་དང་ལྷན་བོད་ཀྱི་གནད་དོན་སེལ་ཆེད་གྲོས་མོལ་གནང་དགོས་པ་དང་བོད་མིའི་ཐུན་མིན་ལེགས་བྱང་སྲུང་སྐྱོབ་ཆེད་གྲོས་ཆོད་བཞག་ཡོད། གྲོས་ཆོད་མ་བཞག་སྔོན་གྲོས་ཚོགས་ཀྱི་འཐུས་མི་རྣམས་ཕན་ཚུན་བགྲོ་གླེང་ལྷུག་པོ་གནང་མཐར་གྲོས་ཚོགས་ཀྱི་འཐུས་མི་རྣམས་ཀྱིས་སྤྱིར་རྒྱ་ནག་ནང་འགྲོ་བ་མིའི་ཐོབ་ཐང་གི་གནས་སྟངས་ཐོག་སེམས་འཚབ་ཡོད་པ་དང་། ལྷག་པར་བོད་ནང་གི་གནས་སྟངས་དང་བོད་མིའི་ཐུན་མིན་ཆོས་དང་རིག་གཞུང་སྲུང་སྐྱོབ་དགོས་པའི་འབོད་སྐུལ་གནང་དོན། གྲོས་ཚོགས་ཀྱིས་རྒྱ་ནག་གཞུང་གིས་བཙན་བྱོལ་དུ་སྐུ་འཚོ་བཞུགས་མཛད་བཞིན་པའི་བོད་ཀྱི་༸སྐྱབས་མགོན་ཏཱ་ལའི་བླ་མ་མཆོག་ཀྱི་སྐུ་ཚབ་དང་ལྷན་བོད་ཀྱི་གནད་དོན་སེལ་ཆེད་གྲོས་མོལ་གནང་སྟེ་རྒྱ་ནག་མི་མང་སྤྱི་མཐུན་རྒྱལ་ཁབ་ཀྱི་རྩ་ཁྲིམས་ཀྱི་སྒྲོམ་གཞིའི་འོག་བོད་མི་ཚོར་འགྲོ་བ་མིའི་ཐོབ་ཐང་དང་ཆོས་དད་རང་དབང་། ལེགས་བྱང་སྲུང་སྐྱོབ་ཀྱི་རང་དབང་བཅས་ལ་བརྩི་སྲུང་ཐོག་མིང་དོན་མཚུངས་པའི་རང་སྐྱོང་གི་གནས་བབ་སྤྲོད་དགོས།
ཌན་མཀ་གཞུང་གིས་བོད་ནང་འགྲོ་བ་མིའི་ཐོབ་ཐང་སྲུང་སྐྱོབ་ཆེད་རྒྱབ་སྐྱོར་གནང་བ།
གསར་གནས།
འབྲེལ་གནས།
