༢༠༡༡ ཟླ་ ༤ ཚེས་ ༡༦ རེས་གཟའ་སྤེན་པ།
༄༅། །ཉེ་ལམ་བོད་མདོ་སྨད་རྔ་པ་ཁུལ་དུ་རྟེན་གཞི་བྱས་པའི་ཀིརྟི་དགོན་པར་རྒྱ་ནག་གཞུང་གིས་དམ་བསྒྲགས་ཤུགས་ཆེ་བྱས་པར་བཙན་བྱོལ་བོད་གཞུང་ཕྱི་དྲིལ་བཀའ་བློན་མཆོག་གིས་གསར་འགོད་གསལ་བསྒྲགས་སྤེལ་བའི་ནང་འཁོད་དོན། ང་ཚོས་བོད་བྱང་ཤར་རྔ་པ་ཁུལ་གྱི་ས་གནས་སྲིད་གཞུང་དང་ཀིརྟི་དགོན་པའི་དགེ་འདུན་པ་། དེ་བཞིན་རྔ་པའི་ས་གནས་བོད་རིགས་བཅས་ཀྱི་དབར་གདོང་ཐུག་བྱུང་སྟེ་དངངས་ཚབས་བྱེད་དགོས་པའི་གནས་སྟངས་ཆགས་པར་བློ་འགྱོད་ཆེན་པོ་བྱུང་། ང་ཚོས་ཚོར་ཤུགས་ཆེན་པོའི་ཐོག་རྔ་པ་ས་གནས་སྲིད་གཞུང་དང་རྔ་པ་བོད་རིགས་ཕྱོགས་གཉིས་ཀས་ཕན་ཚུན་བཟོད་བསྲན་གནང་རོགས་ཞེས་འབོད་སྐུལ་ཞུས་པ་དང་སྦྲགས། ས་གནས་སྲིད་གཞུང་གི་རྒྱ་ནག་དཔོན་རིགས་ཚོས་ཀིརྟི་དགོན་པར་ཕྱི་ནང་འགྲོ་འོང་གི་དམ་བསྒྲགས་བཀག་སྡོམ་བྱས་པ་དེ་འཕྲལ་དུ་མཚམས་འཇོག་གནང་རོགས་ཞེས་རེ་འདུན་ཞུ་བཞིན་ཡོད།  ཅེས་སོགས་ཀྱི་གསར་འགོད་གསལ་བསྒྲགས་སྤེལ་ཡོད།