༢༠༡༡ ཟླ་ ༤ ཚེས་ ༡༥ རེས་གཟའ་པ་སངས།
༄༅། །ཕྱི་ལོ ༢༠༡༡ ཟླ་ ༤ ཚེས་ ༡༤ རེས་གཟའ་ཕུར་བུའི་ཉིན་ཨ་རིའི་ནང་སྲིད་ལས་ཁུངས་ཀྱི་མགྲིན་ཚབ་གཞོན་པ་སྐུ་ཞབས་མཀ་སི་ཊོ་ནར་མཆོག་གིས་ (Mark C. Toner) གསར་འགོད་ལྷན་ཚོགས་སུ་གཏམ་བཤད་སྐབས།  ཉེ་ལམ་བོད་མདོ་སྨད་རྔ་པ་ཀིརྟི་དགོན་པར་རྒྱ་ནག་གཞུང་གིས་དམ་བསྒྲགས་ཤུགས་ཆེ་བྱས་པ་དེ་རྒྱལ་སྤྱིའི་འགྲོ་བ་མིའི་ཐོབ་ཐང་དང་ཆོས་དད་རང་དབང་གི་ལྟ་གྲུབ་དང་མི་འཚམ་པ་ཞིག་ཡིན་པས།   ཨ་རིའི་སྲིད་གཞུང་གིས་སེམས་འཚབ་ཆེན་པོ་བྱེད་བཞིན་ཡོད་པ་མ་ཟད། གནས་སྟངས་དེར་གཟབ་ནན་རྟོག་ཞིབ་བྱེད་བཞིན་ཡོད་སྐོར་དང་གནད་དོན་དེའི་སྐོར་ཨ་རིའི་ནང་སྲིད་ལས་ཁུངས་ཀྱིས་རྒྱ་ནག་སྲིད་གཞུང་ལ་གླེང་སློང་བྱས་ཡོད་སྐོར་གྱིས་གསལ་བསྒྲགས་གནང་འདུག